Ský - 01.04.2007, Blaðsíða 66

Þar sem Skipaskagi gengur fram í Faxaflóa
er syðsti oddi Norðvesturkjördæmis. Þar er
Akraneskaupstaður, byggðalag sem þekk-
ast er fyrir sementsframleiðslu og afrekslið
í knattspyrnu. Þá er sjávarútvegurinn
ónefndur, sem er raunar burðarás atvinnulífs
víða annars staðar í kjördæminu svo sem á
Snæfellsnesi og á Vestfjörðum.
Borgarnes hefur á síðustu áratugum styrkt
sig mjög í sessi sem miðstöð þjónustu á Vest-
urlandi, meðal annars á sviði ferðaþjónustu.
Kóróna Snæfellsness er jökullinn tignarlegi
sem býr í senn yfir seiðmagni og leynd-
ardómum eins og franski rithöfundurinn
Jules Verne gerði eftirminnilega skil í bók
sinni. Vestfirðir búa yfir leyndardómum
hárra fjalla, galdramanna og frásagna trillu-
karla sem gera út báta sem bárur kyssa á
fiskimiði.
Í kjördæminu öllu er landbúnaður snar
þáttur í atvinnulífinu; svo sem sauðfjárrækt
á Ströndum og í Húnavatnssýslum. Í Skaga-
firði er hestamennska upphaf og endir hlut-
anna – og ímynd héraðsins er samofin henni.
Í Skagafirði eru einnig fjölmargir merkir
sögustaðir, svo sem Glaumbær, Hólmar og
Hofsós, en á síðastnefnda staðnum er Vest-
urfarasetrið; safn um fólkið sem í lok 19.
aldar hélt héðan og vestur til Kanada í leit
að betra lífi.sky
,
Frá Skipaskaga
í Skagafjörð
Akranes. Íþróttir, sement og kútter Sigurfari.
NORÐVESTURKJÖRDÆMI
Hofsós. Fallegt þorp og Vesturfarasetrið vinsæla.
Búðakirkja og Snæfellsjökull. „Þar sem jökulinn ber við loft hættir landið að vera jarðneskt.”