Ský - 01.04.2007, Síða 71

sk‡ 71
Ísafjörður:
Ferða- og samgöngumál eru ofarlega á
baugi á Ísafirði og reyndar á Vestfjörðum
öllum. Halldór Halldórsson, bæjarstjóri
á Ísafirði, segir að athyglisvert verði að
fylgjast með því hvernig samkeppni flugs
og einkabíls muni aukast á næstu árum.
Aðstaða flugsins hafi mikið verið bætt
með varaflugvelli á Þingeyri og fram-
undan séu stórstígar framfarir á vegunum
á næsta ári. Bundið slitlag verði komið
milli Reykjavíkur og Ísafjarðar í síðasta
lagi vorið 2009. Áhugavert verði að sjá
hvaða áhrif það muni hafa á samgöngur
og ferðaþjónustu á Vestfjörðum.
„Komum skemmtiferðaskipa til Ísafjarðar
hefur fjölgað mikið. Í sumar eigum við von
á yfir 20 skipum með um 18.000 farþega
og um 30 þúsund gesti þegar áhafnir eru
meðtaldar. Þetta er árangur af markvissri
markaðssetningu sem hefur staðið yfir í 12
ár og skipakomunum fylgja mikil umsvif,“
segir Halldór. „Mér finnst ferðaþjónar á
svæðinu þurfa að huga enn betur að því
hvernig hægt sé að nýta þetta. Ísafjarðarbær
hefur skapað umgjörðina. Ferðamennirnir
staldra við í einn dag, fara í siglingu út í
Vigur, fara í rútuferðir og ganga um bæinn.
Hvað er hægt að gera fleira svo fólkið kaupi
meiri þjónustu?“
Annað stórverkefni fyrir vestan tengist
sjóstangaveiðinni. Það lofar góðu og stefnir í
að 1500–2000 manns komi í sjóstangaveiði
í sumar. Með batnandi vegum má síðan gera
ráð fyrir á Íslendingar sjálfir eigi eftir að
nýta sér Vestfirði til ferðalaga betur en verið
hefur. „Ótrúlegur fjöldi fólks hefur ekki
komið vestur,“ segir Halldór og bætir við að
nú sé hægt að aka t.d. milli Reykjavíkur og
Ísafjarðar á einum fimm tímum. Ferð á Vest-
firði sé því minna mál en fólk ímyndi sér.
Auka þarf gistirýmið
Um leið og heimsóknum ferðamanna fjölgar
þarf að auka gistirými. Bæta þarf gistiað-
stöðu á Ströndum sem og í Vestur-Barða-
strandarsýslu, að mati Halldórs, og hann
reiknar með að einnig þurfi að auka hót-
elrými á Ísafirði. „Vandamálið er hvað þetta
er árstíðabundin atvinnugrein.“
Þótt sumarið hafi verið aðalferðamanna-
tíminn fram að þessu hefur Vestfirðingum
tekist að teygja ferðamennskuna ögn í báða
enda. „Skíðavikan á Ísafirði, sem orðin er
yfir 70 ára, er gott dæmi um þetta og nú er
tónlistarhátíðin Aldrei fór ég suður haldin
um sama leyti. Frumkvöðlar hátíðarinnar
eru Muggi hafnarstjóri og sonur hans, Mug-
ison. Eflaust getum við gert meira af slíku til
að efla ferðaþjónustuna.“
Nýir atvinnuvegir
„Vestfirðingar hafa lengi vitað að Vestfjarða-
kjálkinn er ekki landshluti sem hentar vel til
stóriðju. Við höfum ekki rafmagn á svæð-
inu til að knýja stóriðju en höfum verið
að velta fyrir okkur möguleikum á minni
verksmiðjum eins og kalkþörungaverksmiðj-
unni sem verið er að reisa á Bíldudal og
þörungaverksmiðjunni sem starfrækt hefur
verið í áratugi á Reykhólum. Við þurfum
nýjar atvinnugreinar en höfum rætt um að
Vestfirðir séu og eigi að vera stóriðjulausir og
þá í merkingunni risavaxin álver. Hins vegar
hafa ekki fundist aðrar atvinnugreinar en
ferðaþjónusta sem byggja á umhverfisvæn-
leika en hún skilar ekki nógu miklu. Það
er vandamálið,“ segir Halldór Halldórsson
bæjarstjóri. sky
,
Vaxandi ferðaþjónusta
og bættar samgöngur
Halldór Halldórsson, bæjarstjóri.
Hátíð á Ísafirðii.
K
Y
N
N
IN
G