Fréttatíminn - 04.09.2015, Qupperneq 80

 Í takt við tÍmann indÍana Svala ÓlafSdÓttir
Fegurðardrottningin sem vinnur í álveri
og drekkur Guinness
Indíana Svala Ólafsdóttir er ein þeirra stúlkna sem keppa í Ungfrú Ísland um helgina. Hún er tæplega
tvítug Grafarvogsmær og vinnur við að keyra beyglubíl í álverinu í Straumsvík. Þess á milli rápar hún í
búðum og spilar á gítar.
Ég er að vinna í álverinu í Straums-
vík. Þar keyri ég beyglubíl. Það er
áltökubíll, bíllinn sem fer í kerin og
tekur álið upp úr kerjunum og setur í
ofnana svo hægt sé að steypa úr því.
Ég hef alltaf haft áhuga á vélum og er
með vinnuvélaréttindi. Stefnan er svo
að taka meiraprófið, áhuginn liggur á
þessu sviði – tækjum og bílum.
Staðalbúnaður
Ef ég er að fara í bíó eða Kringluna
eða eitthvað svoleiðis er ég oftast í
frekar „plain“ buxum og kannski sif-
fon-skyrtu og svartri kápu. Mér finnst
mjög gaman að vera fín þegar ég get.
En meira hversdags er ég kannski
bara í buxum, hlýrabol og leðurjakka.
Uppáhaldsbúðin mín er sennilega
Zara en annars versla ég óhemju
mikið þegar ég fer til útlanda. Ég er
180 sentímetrar á hæð þannig að ég er
ekki mikið á hælum en ég er reyndar
byrjuð að ganga aðeins á hælum núna.
Hugbúnaður
Þegar ég er ekki að vinna rápa ég
stundum um í búðum eða fer í World
Class. Svo spila ég á gítar, mest bara
einhver lög sem mig langar að raula
með. Ég er náttúrlega að vinna mikið á
nóttunni svo ég geri ekki mikið þegar
ég er í vinnusyrpum. Svo er alltaf mest
kósí að vera bara heima uppi í rúmi
og horfa á þætti eða mynd. Af þáttum
horfi ég mest á Friends, bara aftur og
aftur. Ég er ekki enn búin að fá nóg.
Ég fer líka af og til út að djamma. Þá
fer ég á Austur og á Danska. Uppá-
halds drykkurinn minn er gin &
tónik og uppáhalds bjórinn minn er
Guinness.
Vélbúnaður
Ég er með iPhone 6 og Acer tölvu með
snertiskjá. Af öppum nota ég mest Fa-
cebook og Instagram. Facebook nota
ég mest fyrir „tjattið“ og til að setja inn
myndir og skoða myndir hjá öðrum.
Ég fer inn á Tumblr þegar mér leiðist
og stundum skoða ég Twitter. Ég set
einstaka sinnum eitthvað inn þar.
Aukabúnaður
Uppáhaldsmaturinn minn er innbakað
naut með portvínssósu sem mamma
eldar. Ég elda voða lítið sjálf, er mest
í samlokugerð og svona. Ég hef mjög
gaman af hestum og fer oft í sveitina
til ömmu á hestbak. Ég hef líka gaman
af að mála mig og nota til dæmis augn-
brúnagel, það er alveg mest töff. Ég á
bíl en hef aldrei notað hann. Hann er
bilaður en pabbi er að gera við hann
fyrir mig. Pabbi er allur í þessu, er
með öll vinnuvélaréttindi og kennara-
réttindi. Algjör pabbapabbi. Í sumar
fór ég til Spánar og heimsótti vinkonu
mína. Það var „toppnæs“ frí. Í vetur
stefni ég að því að kíkja til Færeyja en
vinkona mín býr þar.
Lj
ós
m
yn
d/
H
ar
i
Fimm raddir
og taktkjaftur
B andaríska raddsveitin Face kemur fram í Tjarnarbíói á morgun, laugardag, en hún
er að spila á Íslandi í fyrsta skipti.
Söngkonan og fiðluleikarinn Greta
Salóme Stefánsdóttir kemur fram
með sveitinni, en hún kynntist með-
limum hennar á tónleikum í Den-
ver. Face er raddsveit (vocal band)
í sínum fyrsta Evróputúr en hún
hefur fimmtán ára reynslu af því að
skemmta áhorfendum í Bandaríkj-
unum. Með fimm röddum og taktk-
jafti (beat boxer) skapar sveitin
kraftmikla rokkupplifun, að því er
fram kemur í tilkynningu Tjarnar-
bíós.
Greta Salóme er nýkomin heim
til Íslands eftir að hafa unnið fyrir
stórfyrirtækið Disney. Undanfarið
ár hefur hún unnið á skemmtiferða-
skipum þeirra sem sigla bæði frá
Bandaríkjunum og í Evrópu. Hjá
þeim vann hún með leikstjórum,
dönsurum og grafískum hönnuðum
og setti upp tónleikasýningu sem
hefur verið flutt fyrir allt að 8000
manns í viku.
Greta Salóme Stefánsdóttir.
Face hefur spilað hjá Jay Leno og hitað upp fyrir Bon Jovi, Boy George, Robin
Thicke, Rick Springfield og Clint Eastwood.
Hvað kennir kínversk
heimspeki okkur?
What can be learned from Chinese Philosophy?
Alþjóðlegur málfundur Konfúsíusarstofnunarinnar
Norðurljóss og Heimspekistofnunar Háskóla Íslands
4. september – Lögberg 101 – kl. 12:50-17:40
Dagskrá má finna á konfusius.is
80 dægurmál Helgin 4.-6. september 2015