Fréttatíminn - 14.08.2015, Blaðsíða 16

Það er
hægt að
stilla inn á
rétta orku
hvar sem
maður er
í heim-
inum. Ég er
með með-
hjálpara
sem hjálpa
mér að ná
sambandi
við þá
orku sem
tilheyrir
manneskj-
unni sem
ég ræði við.
Ekta miðlar
geta að
sjálfsögðu
miðlað í
gegnum
internetið,
annað væri
skrítið.
Fólk er
hrætt
við hið
óþekkta
Eftir að hafa misst allar sínar eigur í bruna á Nönnugötunni árið
1996 ákvað Júlíana Torfhildur Jónsdóttir að flytjast búferlum til
Danmerkur með fjölskyldu sína. Nú, nítján árum síðar, er Júlí-
ana einn af þekktari miðlum Danmerkur auk þess að starfa sem
fjármálastjóri í stóru fyrirtæki. Hún mun ferðast til Vestfjarða
með stóran hóp af erlendum miðlum í næstu viku þar sem
hópurinn mun halda opinn skyggnilýsingafund og heimsækja
hús þar sem er reimt, með því markmiði að mynda hina fram-
liðnu með nýrri ljósmyndatækni.
A llar okkar eigur hurfu í brunanum svo allt í einu stóðum við uppi með ekki
neitt,“ segir Júlíana Torfhildur Jóns-
dóttir. Júlíana hefur verið búsett í
Esbjerg í Danmörku með fjölskyldu
sinni síðastliðin 19 ár, allt frá því að
hús hennar og eiginmanns hennar,
Guðna Ragnars Þórhallssonar, við
Nönnugötu brann til kaldra kola
vorið 1996. Orsök brunans kom
aldrei í ljós en fjölskyldan missi all-
ar sínar eigur og slapp naumlega
lifandi úr húsinu.
„Strákarnir okkar voru f jög-
urra ára og eins árs þegar húsið
brann. Við vorum öll steinsofandi
en nágrannakona okkar, Vilborg
Halldórsdóttir leikkona, sá reykj-
armökk og hljóp að húsinu. Við
höfðum þá rétt náð að koma okkur
út með drengina í fanginu. Yngri
strákurinn okkar var dáinn en Vil-
borg blés í hann lífi svo við eigum
henni líf hans að þakka,“ segir Júlí-
ana. „Þetta er lífsreynsla sem fylgir
manni alltaf. Helgi Björnsson, mað-
ur Vilborgar, samdi síðar lag um at-
burðinn sem okkur þykir vænt um,
lagið Dauðinn táknar líf.“
Nýtt líf í Danmörku
„Okkur hefur gengið mjög vel
hérna í Danmörku,“ segir Júlí-
ana en þau hjónin starfa bæði hjá
dönskum fyrirtækjum, Júlíana sem
fjármálastjóri hjá stórri heildsölu
í heilbrigðisgeiranum, og eru þau
tveimur börnum ríkari nú nítján
árum síðar. Þegar vinnudegi Júlí-
önu sem fjármálastjóra lýkur opnar
hún fyrir gáttir sem öðrum eru ekki
sýnilegar og við tekur aukavinnan,
miðilsstörfin. Júlíana hefur séð inn í
annan heim síðan hún var lítil stelpa
en það var ekki fyrr en hún flutti til
Danmerkur sem hún fór að aðstoða
ókunnuga við að ná sambandi við
heim hinna framliðnu, eða andlega
orkuheiminn, eins og Júlíana kallar
hann.
„Ég var aðeins að miðla til minna
nánustu áður en ég flutti út en svo
byrjaði ég að stunda þetta meira í
Danmörku. Nágrannkonur mínar í
Esbjerg fréttu af þessum hæfileika,
fóru að kíkja í kaffi og svo vatt þetta
upp á sig. Það ríkti mikil þöggun um
miðla og þeirra störf í Danmörku á
þessum tíma, fólk var frekar feimið
við þetta og engin þorði að tala. Ég
var aðallega að miðla til kvenna og
þær vildu helst ekkert að aðrir vissu
hvað væri í gangi. Þetta varð allt að
fara fram á kvöldin og þetta var
svakalegt leyndarmál,“ segir Júlí-
ana og hlær. „En eftir 2009 þá varð
hér hálfgerð sprenging þegar þætt-
irnir Åndernes magt og Fornem-
melsen for mord voru sýndir í ríkis-
sjónvarpinu hér. Þá allt í einu voru
allir að tala um þetta og annar hver
maður var með þessa hæfileika.“
Auðvelt að miðla í gegnum
internetið
Eftir að kaffiheimsóknunum fjölg-
aði opnaði Júlíana heimasíðu og
Facebook-síðu auk þess sem hún
hefur kennt fólki að miðla í gegn-
um skype og í enskum miðlaskóla
og í dag er Júlíana einn af þekktari
miðlum Danmerkur. Hún er bókuð
langt fram í tímann þrátt fyrir að
hafa aldrei auglýst sig. Fyrir tveim-
ur árum hafði svo þekktur breskur
miðill samband við Júlíönu, Marion
Dampion, en hún starfar hvað mest
með lögreglunni í Englandi við að
upplýsa sakamál og mannshvörf.
„Marion frétti af mér og spurði
hvort við gætum ekki starfað sam-
Júlíana Torfhildur fluttist búferlum til Danmerkur eftir að húsið hennar við Nönnugötu brann til
kaldra kola. Í dag er hún einn af þekktari miðlum Danmerkur.
Júlíana á engar myndir sem hafa verið teknar með nýjustu tækninni en hún á eina mynd af látinni
manneskju. Myndina fékk ég frá konu sem fékk mig til að hreinsa húsið sitt hér í Danmörku, segir
Júlíana. Marion fær mikið sent til sin af myndum og hún fær sérfræðinga í photoshop til að skera
úr um hvort þær séu ekta og samkvæmt þeim er þessi mynd algjörlega ekta. Á myndinni sést látinn
maður standa í dyragætt.
an og ég var að sjálfsögðu til í það, sérstak-
lega því Marion velur vandlega með hverj-
um hún starfar og hefur bara starfað með
þremur öðrum miðlum í gegnum tíðina.
Við byrjuðum á því að halda miðilsfund á
Facebook sem 700 manns tóku þátt í en
svo hef ég líka verið að kenna við skólann
hennar í Englandi og haldið með henni
námskeið í Danmörku.“
Júlíana segir engan mun vera á því að
miðla til fólks heima í stofu eða í gegnum
internetið. „Það skiptir engu máli. Við erum
bara orka og þetta er hreyfanleg orka sem
ég finn þegar ég tala við fólk. Það er hægt
að stilla inn á rétta orku hvar sem maður
er í heiminum. Ég er með meðhjálpara
sem hjálpa mér að ná sambandi við þá orku
sem tilheyrir manneskjunni sem ég ræði
við. Ekta miðlar geta að sjálfsögðu miðlað
í gegnum internetið, annað væri skrítið.“
Upplifði sterkar sýnir í Súðavík
Í næstu viku munu Júlíana og Marion ferðast
ásamt 18 öðrum miðlum frá Englandi og
Norðurlöndunum til Íslands, alla leið vestur
á firði þar sem verður haldið vikunámskeið
fyrir miðla. Hópurinn mun gista í Holti í
Önundarfirði þar sem verður haldinn opinn
skyggnilýsingarfundur þann 18. ágúst.
Framhald á næstu opnu
16 viðtal Helgin 14.-16. ágúst 2015