Fréttatíminn - 14.08.2015, Page 64

 Í takt við tÍmann anna Hafþórsdóttir
Er að spá í að gerast grænmetisæta
Anna Hafþórsdóttir er 27 ára Akureyringur sem flutti suður eftir menntaskóla og lærði leiklist í Kvikmyndaskólanum.
Hún lék nýverið aðalhlutverkið í kvikmyndinni Webcam og útskrifaðist í vor sem tölvunarfræðingur frá HÍ. Hún
vinnur nú hjá hugbúnaðarfyrirtækinu Nextcode og vonast til að leika meira meðfram þeirri vinnu í framtíðinni.
Staðalbúnaður
Ég tek tímabil í stílum og finnst stundum
gaman að skipta um týpur. Mér finnst
mjög gott að eiga nokkrar klassískar
flíkur sem ég get svo dressað mig upp
og niður með. Að undanförnu hef ég
verið mikið í strigaskóm og þægilegum,
„kasúal“ fötum. Ég er með pínu æði fyrir
Adidas-skóm núna. Ég á það til að missa
mig í fatakaupum þegar ég er úti því þar
er allt svo ódýrt. Ég versla til dæmis í
H&M, Forever 21, Topshop og Zöru en
mér finnst líka gott að kaupa dýrari flíkur
sem endast lengur. Um daginn keypti ég
mér til dæmis leðurbuxur í Karen
Millen. Svo geng ég núna alltaf
með Marc Jacobs-úrið sem
ég fékk í útkskriftargjöf.
Það passar við allt en
mér finnst líka flott
að vera með úr og
þurfa ekki alltaf
að vaða ofan í
tösku til að sjá
hvað tímanum
líður.
Hugbúnaður
Ég æfi í
Mjölni, bæði
víkingaþrek
og jóga og
áhugamálin
mín snúa flest að listum. Það er leiklistin
náttúrlega en líka tónlist, bíómyndir, dans
og fleira. Mér finnst gaman að kynnast
fólki og pæla í fólki, gaman að hanga með
vinum mínum á kaffihúsum og svo finnst
mér gaman að skoða í húsgagnaversl-
unum – ekkert endilega af því ég ætli
að kaupa eitthvað. Hús og híbýli er til
dæmis eitt uppáhalds blaðið mitt. Ég er
hætt að drekka en ég fer samt alveg út að
skemmta mér. Mér finnst skemmtilegt að
fara á staði með góðri tónlist til að dansa,
ég fíla til dæmis hip hop og fer því stund-
um á Prikið. Annars vel ég bara barinn
með besta dj-inn.
Vélbúnaður
Ég er með fimmtán tommu Macbook
Pro og iPhone 5. Ég er að pæla hvort ég
eigi að kaupa mér iPhone 6 eða bíða eftir
næstu týpu... ég hugsa að ég bíði. Ég
er nokkuð virk á samfélagsmiðlunum;
Facebook, Snapchat og Instagram og svo
er ég nýbyrjuð á Twitter (@annahaff) og
er að taka það í sátt. Ég held að það megi
segja að fólk geti fylgst ansi vel með lífi
mínu á þessum miðlum en ég reyni þó að
vera ekki of persónuleg.
Aukabúnaður
Mér finnst mjög gaman að borða en ég
er ekki mjög mikil kjötmanneskja. Ég
er meira að segja að hugsa um að gerast
grænmetisæta, það er pæling hjá mér
núna. Ég mætti vera duglegri að elda en
ég mætti líka vera duglegri að minnka
sykurneysluna, ég er dálítill nammigrís.
Uppáhalds maturinn minn er grænmet-
islasagna. Ég fer mikið á Gló og Saffran
af því það er hollasti skyndibitamaturinn
sem ég veit um. Ég keyri um á rauðum
Polo og eyði miklum tíma í bílnum, ég skil
stundum ekki hvað ég er alltaf að gera
keyrandi hingað og þangað. Mér finnst
gaman að ferðast, bæði innanlands og
utan. Ég fór í skiptinám í vor til Kaliforníu
og það var algjör snilld. Þar var alltaf gott
veður og allir voða glaðir. Uppáhalds borg-
in mín eftir þessa dvöl er San Francisco
og ég væri til í að fara þangað aftur.
Ljósmynd/Hari
G jörningaklúbburinn The Icelandic Love Corpora-tion f lytur verkið Cere-
mony Harmony á Hamraborgar-
brúnni á Cycle listahátíðinni sem
haldin er um þessar mundir í
Kópavogi. Gjörningurinn bygg-
ir á tveimur ólíkum hópum sem
koma óvænt saman. Von er á að
spurningar vakni um það hvað
þessir kraftmiklu hópar eigi sam-
eiginlegt, hvar þeir eigi heima og
hvort þeir eigi heima saman og
það á þessum stað, í þessu sam-
hengi. Viðburðurinn er opinn öll-
um. Gjörningurinn verður mynd-
aður og síðar sýndur á sýningunni
New Release, sem stendur fram
til 27. september í Gerðarsafni í
Kópavogi. Gjörningaklúbburinn
er á tuttugasta aldursári og sem
fyrr eru það listakonurnar Sigrún
Hrólfsdóttir, Jóní Jónsdóttir og
Eirún Sigurðardóttir sem standa
að honum. Viðburðurinn á laugar-
dag hefst klukkan 15 og allar upp-
lýsingar má finna á www.cycle.is
-hf
 kópavoGur CyCle listaHátÍðin
Gjörningaklúbburinn
í Hamraborg
64 dægurmál Helgin 14.-16. ágúst 2015
Fararstjóri er Dr. Anna Elísabet
Ólafsdóttir, eigandi TanzaNice
Farm í Tansaníu.
588-8900
Transatlantic.is
Innifalið:
Allt flug með sköttum og gjöldum. Allur flutningur
milli staða með 5–7 manna safaríbílum.
Innlendur og íslenskur fararstjóri.
Gisting og matur á upptöldum (eða sambæri-
legum) gististöðum eins og er í ferðalýsingu.
Öll gjöld vegna aðgangs í þjóðgarða eins og
lýst er.
Einstök safari ferð til Tanzaniu á slóðir villtra dýra, ósnortinna
náttúru og fornrar menningar.
Við sjáum óviðjafnanlegt dýralíf í sínu náttúrulega umhverfi, þá
kynnumst við menningu heimamanna m.a. Masai þjóð flokknum.
Ferðin er eitt ævintýri, einstök upplifun sem lætur engan ósnortin.
675.900.- *
Tanzania
22. Janúar–4. febrúar
*Verð per mann i 2ja manna herbergir r i j r r i