Morgunblaðið - 30.01.2015, Blaðsíða 12

12 FRÉTTIRInnlent
MORGUNBLAÐIÐ FÖSTUDAGUR 30. JANÚAR 2015
Kauptúni 3 / Garðabæ / Sími: 564-3364
kíktu í heimsókn
Lifandi veslun
af sjávarfiskum í öllum
regnbogans litum.
Komdu og skoðaðu
ljónsfiskinn, Dóru, Nemó
og alla hina fiskana.
Mikið úrval af kóröllum.
Frábæ
r tilboð
á
fiskabú
rum
og fylg
ihlutum
NÝ SENDING
SVIÐSLJÓS
Ágúst Ingi Jónsson
aij@mbl.is
Menningar- og safnanefnd Akraness
leggur til að forstöðumanni Byggða-
safnsins í Görðum verði falið að gera
áætlun um að taka Kútter Sigurfara
niður og fjarlægja hann af safn-
asvæðinu. Regína Ásvaldsdóttir
bæjarstjóri, segir að ekkert hafi
endanlega verið ákveðið í þessum
efnum.
Á fundi bæjarráðs Akranes í gær
var fjallað um málið. Í bókun segir
að bæjarráð samþykki „að fela bæj-
arstjóra að leita eftir formlegu sam-
starfi við þjóðminjavörsluna, forsæt-
isráðuneytið og menntamála-
ráðuneytið varðandi framhald
málsins“. Þá segir í bókuninni að
kanna þurfi hvort styrkveiting frá
forsætisráðuneytinu, sem var upp á
fimm milljónir, geti falið í sér vinnu
við gerð verndunaráætlunar fyrir
skipið að hluta eða í heild. Slík vinna
yrði unnin undir forystu Þjóðminja-
safnsins.
Regína segir að hún hafi rætt stöðu
málsins við þjóðminjavörð og Minja-
stofnun og segist eiga von á því að það
verði unnið áfram í sameiningu. Hún
segir Kútter Sigurfara mjög illa far-
inn og það sé ekki á færi bæjarfélags-
ins að annast eitt viðgerð á skipinu.
Fleiri þyrftu að koma að verki
„Við fengum fimm milljóna út-
hlutun úr græna hagkerfinu og sá
styrkur var skilyrtur til viðgerða og
endurbóta á skipinu,“ segir Regína.
„Nauðsynlegar endurbætur kosta
hins vegar miklu meira og þetta er
verkefni af þeirri stærðargráðu að
sveitarfélagið getur ekki staðið eitt
undir því. Í raun og veru þyrftu fleiri
aðilar að koma að því að gera kútt-
erinn upp, en svo má hugsa sér að
gera hann upp að hluta þannig að sög-
unni yrðu gerð skil.
Það eru alls konar hugmyndir í
gangi, sem þarf að ræða áfram.
Menningar- og safnanefndin taldi sig
hins vegar ekki geta þegið styrkinn
og skuldbundið bæinn um leið til að
leggja fram tugi milljóna ef ekki
meira til að gera skipið upp.“
Mætti vernda skipið að hluta
Regína segir að í áætlunum sem
menn hafi velt á milli sín sé talið að
það kosti á annað hundrað milljónir
að gera skipið upp. Ef gera eigi kútt-
erinn sjófæran verði kostnaður enn
þá meiri. Auk þess hafi verið rætt
um að byggja yfir skipið og teikn-
ingar gerðar af slíku húsi. Kostn-
aðaráætlun hafi verið um 130 millj-
ónir fyrir tveimur árum.
Regína segist ekki hafa nákvæm-
ar tölur um hversu mikið Akranes-
kaupstaður og Hvalfjarðarsveit, sem
á 10% í byggðasafninu, hafi lagt í
skipið frá því að það kom í Garða
1975. Hún áætlar þó að sá kostnaður
geti verið á bilinu 20-30 milljónir
króna þegar allt komi til alls, enda
rúm 40 ár síðan skipið kom til Akra-
ness.
Spurð um áhuga á að vernda skip-
ið segir Regína að þó að þarna sé
ekki um sjálfan Kútter Harald að
ræða, þá hafi kútterinn ákveðna til-
vísun í söguna enda sé þetta eini
kútterinn, sem sé til á landinu. Þeirri
sögu megi hugsanlega gera skil með
því að vernda hluta skipsins svo
kostnaður verði ekki svona gríð-
arlegur.
60 milljónir skiluðu sér ekki
Í nýlegri bókun menningar- og
safnanefndar Akraness segir að á
árinu 2007 hafi verið skrifað undir
samkomulag við menntamálaráðu-
neytið um samstarf við endurbætur
á Kútter Sigurfara og hafi ráðu-
neytið veitt 60 milljónum króna til
endurbótanna.
„Sú fjárhæð hefur aldrei komið til
greiðslu þrátt fyrir ítrekaðar óskir
forsvarsmanna Akraneskaupstaðar
þar að lútandi. Menningar- og safna-
nefnd telur fullreynt að fá ríkisvaldið
til að styðja við endurgerð Kútters
Sigurfara og á meðan heldur ástand
skipsins áfram að versna og er nú
svo komið að af því stafar hætta.
Menningar- og safnanefnd óskar
því eftir að bæjarstjóranum á Akra-
nesi verði falið fyrir hönd eignaraðila
að afþakka styrkinn frá Minjavernd.
Áætlun um að taka skipið niður og
fjarlægja liggi fyrir 1. mars næst-
komandi.
Baggi á byggðasafninu
 Bæjarráð Akraness fól bæjarstjóra að leita eftir formlegu samstarfi um fram-
tíð Sigurfara  Safnanefnd vildi fá áætlun um að fjarlægja kútterinn
Ljósmynd/Anna Leif Elídóttir
Safnasvæðið í Görðum á Akranesi Kútter Sigurfari var smíðaður í Englandi árið 1885 og þarfnast mikilla og kostnaðarsamra lagfæringa og viðgerða.
Á heimasíðu Byggðasafnsins á
Görðum má finna eftirfarandi
upplýsingar um Kútter Sigur-
fara: „Kútter Sigurfari er tví-
mælalaust eitt helsta tákn
Safnasvæðisins, 86 smálesta
eikarseglskip sem var smíðað
árið 1885 í Englandi og notað
við handfæraveiðar við Ís-
landsstrendur til ársins 1919
og síðan af Færeyingum til
ársins 1970. Sigurfari þótti
ágætt sjóskip, happasælt og
var í mörg ár meðal aflahæstu
þilskipa á Faxaflóasvæðinu.
Skipið hefur verið fært í
upprunalegt horf og er eini
kútterinn sem hefur verið
varðveittur úr fyrri tíðar
þilskipastóli Íslendinga.
Ástand Kútters Sigurfara er
nú orðið mjög bágborið, svo
slæmt í raun að hættulegt er
orðið að fara um borð. Nú er
því bannað að fara um borð í
Kútterinn.“
Gott sjóskip
og happasælt
EINI KÚTTERINN
Það var um 1970 sem Jón M.
Guðjónsson, sóknarprestur á
Akranesi, hóf að vinna að því að
fá keyptan hingað til lands ein-
hvern hinna gömlu íslensku
kúttera sem seldir voru til Fær-
eyja fyrr á öldinni. Leiddi það til
þess að félagar í Kiwanis-
klúbbnum Þyrli á Akranesi
stóðu fyrir kaupum á Sigurfara
vorið 1974, en þá hafði skipið
legið ónotað í höfninni í Klakks-
vík í þrjú ár.
7. júlí 1974 lagðist Sigurfari
að bryggju á Akranesi, þar sem
skipið var afhent Byggðasafn-
inu á Görðum til eignar. Í lok
apríl 1975 var kútterinn settur á
vagn og mánuði síðar dreginn af
bíl gegnum kaupstaðinn og
áleiðis upp að Görðum.
Keyptur frá
Klakksvík
KOM FYRIR 40 ÁRUM
Áætlað er að skíðasvæðið í Skála-
felli verði opnað í um helgina, í
fyrsta skipti á þessu ári. Búist er
við ágætu veðri og að sögn Gunnars
Kristins Björgvinssonar, rekstr-
arstjóra Skálafells, er ekkert að
vanbúnaði. „Við stefnum að því að
opna á laugardagsmorgun og erum
að leggja lokahönd á snjótroðslur
og annan undirbúning,“ segir
Gunnar. Hann segir að undanfarna
vetur hafi verið góð mæting eftir að
Skálafell hefur verið opnað. „Það
er gríðarlega mikill snjór hérna
núna, í öllum troðnum skíðaleiðum.
Við vonum bara að það komi góð
snjógusa og hér verði púðursnjór
um helgina,“ segir Gunnar. Einnig
er stefnt að því að opið verði í Blá-
fjöllum um helgina. Að sögn Gunn-
ars hefur aðsókn verið góð í vetur.
Morgunblaðið/Árni Sæberg
Skálafell Unnið er að undirbúningi fyrir
opnun skíðabrekkna í Skálafelli.
Ætla að opna Skála-
fell um helgina
STUTT
Íslenskir og erlendir fræðimenn
fjalla um aðdraganda bankahruns-
ins og eftirköst í greinasafninu
„Gambling Debt: Iceland’s Rise
and Fall in the Global Economy“
sem nýverið kom út. Félags- og
mannvísindadeild Háskóla Íslands
efnir til hádegisfundar föstudaginn
30. janúar kl. 12-13 í stofu 101 í
Odda í tilefni af útgáfu bókarinnar.
Í tilkynningu segir að bókin
fjalli um bankahrunið á Íslandi í
mun víðara samhengi en gert hafi
verið hingað til. Hún hafi m.a. að
geyma greinar um notkun vík-
ingaminnis og sagnfræði á tímum
útrásarinnar, ábyrgð fræða-
samfélagsins, fjölmiðla og stjórn-
málamanna í aðdraganda hrunsins,
rannsóknir á búsáhaldabyltingunni
og uppgangi Besta flokksins ásamt
áhrifum efnahagshrunsins á skóla-
starf og atvinnuhorfur innflytj-
enda.
Á fundinum í dag munu Gísli
Pálsson, Guðni Th. Jóhannesson,
Vilhjálmur Árnason, Már Wolf-
gang Mixa, Jón Gunnar Bernburg,
Guðný S. Guðbjörnsdóttir og Unn-
ur Dís Skaptadóttir flytja örstutt
erindi um einstakar greinar bók-
arinnar og í lokin verður efnt til
umræðna. Fundarstjóri verður
Margrét S. Björnsdóttir.
Fundað um
nýja bók um
bankahrunið