Morgunblaðið - 30.01.2015, Blaðsíða 15

MORGUNBLAÐIÐ FÖSTUDAGUR 30. JANÚAR 2015
Hjörtur J. Guðmundsson
hjorturjg@mbl.is
Sterling-málið svokallaða hélt áfram
í Héraðsdómi Reykjavíkur í gær en
þar kom meðal annars fram að sér-
stakur saksóknari teldi hæfilegt að
Hannes Smárason yrði dæmdur í
tveggja til þriggja ára fangelsi fyrir
fjárdrátt. Hannes er ákærður fyrir
að hafa án heimildar stjórnenda FL
Group látið millifæra fjármuni sem
námu 2,87 milljörðum króna af
reikningi félagsins í Kaupþing Lúx-
emburg á reikning eignarhalds-
félagsins Fons árið 2005. Hannes var
þá starfandi stjórnarformaður FL
Group. Þá kom fram í málflutningi
ákæruvaldsins að óyggjandi væri að
Hannes Smárason hefði látið milli-
færa fjármunina.
Leynt fyrir stjórnendum
„Hann og enginn annar kom til
leiðar þessari millifærslu til Fons,“
sagði Finnur Þór Vilhjálmsson sak-
sóknari í málflutningi sínum. Þetta
sýndi bæði framburður vitna og
skjalleg gögn fram á. Gögn málsins
og framburður vitna sýndi að sama
skapi fram á að Pálmi Haraldsson,
eigandi Fons, og Hannes ráðgerðu
að FL Group kæmi að kaupum Fons
á lággjaldaflugfélaginu Sterling.
Millifærslan hefði verið hlutur FL
Group í þeim viðskiptum. Samþykki
fyrir því hefði hins vegar ekki legið
fyrir af hálfu stjórnar FL Group og
málinu beinlínis haldið leyndu fyrir
stjórnendum félagsins.
Finnur sagði ákæruvaldið ekki
ætla að fullyrða að þessi viðskipti
hefðu verið geirnegld en þau hefðu í
það minnsta verið langt komin. Hins
vegar væri alveg ljóst að millifærslan
hefði átt sér stað og að Hannes hefði
haft forræði á því máli og verið drif-
krafturinn að baki þess. Starfsmenn
Kaupþings í Lúxemborg hefðu stað-
fest það og starfsmenn og stjórnend-
ur FL Group sem reynt hefðu að fá
upplýsingar um reikninginn og stöðu
hans hefði verið neitað um þær.
Fjárdráttur og umboðssvik
Eftir að peningarnir hefðu verið
komnir á reikning FL Group í Lúx-
emburg hefði vitneskju starfsmanna
og stjórnenda félagsins um málið
þannig lokið. Enginn stjórnandi FL
Group hefði þannig vitað annað en að
fjármunirnir hefðu verið um kyrrt á
reikningnum í Kaupþing Lúxem-
borg. Upplýsingar hefðu hins vegar
kvisast út og einstakir stjórnendur
þrýst á Hannes vegna málsins sem
hefði orðið til þess að fjármununum
var að lokum skilað með vöxtum um
tveimur mánuðum eftir að þeir voru
millifærðir á reikning Fons. Endur-
greiðslan hefði verið fjármögnuð
með láni frá Kaupþingi í Lúxemborg
og Hannes gengist í persónulegar
ábyrgðir vegna lánsins.
Finnur sagði að þannig héldi eini
maðurinn sem hefði mátt fá upplýs-
ingar um reikning FL Group, það er
Hannes, því fram að hann vissi ekk-
ert um málið. Gögn málsins og fram-
burður vitna sýndi hins vegar fram á
annað. Ákæruvaldið fer fram á að
Hannes verði sakfelldur fyrir fjár-
drátt og gerð refsing auk þess að
vera dæmdur til að greiða máls-
kostnað. Til vara að hann verði sak-
felldur fyrir umboðssvik.
Segir skjöl ekki liggja fyrir
„Hvað gerðist þarna í bankanum
er algerlega órannsakað. Það var
bara ákveðið að fara á eftir mínum
umbjóðanda,“ sagði Gísli Hall hrl.
um umbjóðanda sinn, Hannes
Smárason. Málflutningur Gísla
byggðist á því að ekki hefði verið
sýnt fram á að slík millifærsla hefði
átt sér stað með lagalega bindandi
hætti og ef svo væri hefði Hannes
hvergi komið þar nærri. Til þess að
millifærslan hefði átt sér stað hefðu
ýmis skjöl þurft að liggja fyrir lögum
samkvæmt sem hvergi hefðu fundist.
Svo virtist sem starfsmenn Kaup-
þings í Lúxemborg hefðu gerst sekir
um lögbrot í tengslum við málið. Það
væri þeirra að upplýsa hvað hefði
gerst í bankanum en ekki umbjóð-
anda hans. Það hefði hins vegar ekki
verið rannsakað.
Hannes hefur staðfastlega hafnað
því að hafa látið millifæra fjármunina
og ennfremur lýst því yfir að hann
kannist ekki við gögn tengd málinu
sem bera undirskrift hans enda sé
langt liðið síðan meint brot hafi átt að
eiga sér stað. Gísli lagði áherslu á að
það eina sem máli skipti í raun í
þessu sambandi væri hvort lagalega
bindandi fyrirmæli hefðu verið gefin
af hálfu Hannesar um að fram-
kvæma millifærsluna.
Brotið á mannréttindasáttmála
Þá gagnrýndi Gísli rannsókn máls-
ins harðlega. Bæði hefði rannsóknin
tekið langan tíma, sem væri brot á
mannréttindasáttmálanum, auk þess
sem ákæruvaldið hefði gerst sekt í
september 2010 um að leka gögnum
til þriðja aðila í tengslum við húsleit
hjá Hannesi. Gögnin hefðu síðan rat-
að í fjölmiðla. Tilgangurinn með því
hefði verið að skapa „rétta stemn-
ingu“ í kringum málið. Líkti Gísli því
við lekamálið svokallað þó ekki væri
um nákvæmlega eins mál að ræða og
sagði að um skýrt lögbrot hefði verið
að ræða. Fór Gísli fram á að Hannes
yrði sýknaður eða málinu vísað frá
og málskostnaður felldur á ríkissjóð.
Morgunblaðið/Þórður
Ákæra Hannes er ákærður fyrir millifærslu upp á 2,87 milljarða króna.
Segir tveggja til
þriggja ára
fangelsi hæfilegt
 Ákæruvaldið er sakað um lögbrot