Morgunblaðið - 07.02.2015, Blaðsíða 16
16 FRÉTTIRInnlent
MORGUNBLAÐIÐ LAUGARDAGUR 7. FEBRÚAR 2015
BÆJARLÍF
Albert Eymundsson
Hornafirði
Bjartsýni ríkir hjá Hornfirðingum
á nýju ári. Atvinnuástand er al-
mennt gott í flestum greinum og at-
vinnuleysi mjög lítið. Mikil uppbygg-
ing er í ferðaþjónustunni sem skilar
sér í auknum umsvifum í bygg-
ingageiranum og vinnu hjá iðn-
aðarmönnum. Vetrarvertíðin fer
reyndar rólega af stað vegna gæfta-
leysis. Netabátar hafa lítið fiskað þá
daga sem gefið hefur á sjó en línu-
bátar aftur á móti ágætlega. Sjó-
menn og aðrir fagna auknum loðnu-
kvóta og eru hornfirsku
uppsjávarskipin farin að sækja stíft.
Þorrablótsvertíðinni lýkur um
helgina með þorrablóti Mýramanna
og Suðursveitunga. Áður höfðu eldri
borgarar, Hafnarmenn og Lón- og
Nesjamenn blótað þorra. Vertíðinni
lýkur síðan með góugleði sem Öræf-
ingar bjóða uppá. Allar þessar
skemmtanir eru vel sóttar og gera
má ráð fyrir að hátt í þúsund manns
sæki samkomurnar.
„Love me do“ er leiksýning sem
verður frumsýnd á næstunni og er
samvinnuverkefni Leikfélags
Hornafjarðar og Framhaldsskólans
í Austur-Skaftafellssýslu. Höfundur
og leikstjóri er Stefán Sturla Sig-
urjónsson sem kemur alla leið frá
Finnlandi til að setja sýninguna upp.
Leikhúsfólk hér hefur góða reynslu
af samstarfi við Stefán Sturlu sem
leikstýrði vel heppnaðri sýningu í
fyrra.
Hollvinasamtök heilbrigðis-
stofnana á Hornafirði voru stofnuð
18. janúar sl. Hornfirðingar hafa
sjálfir rekið heilbrigðis- og öldr-
unarþjónustu ásamt málefnum fatl-
aðra um árabil með sérstökum þjón-
ustusamningum við ráðuneytin. Góð
reynsla er af þessum samrekstri og
samþættingu við félagsþjónustu
sveitarfélagsins. Það styðja rekstr-
arniðurstöður og viðhorfskannanir
notenda og aðstandenda þeirra. Nú
eru blikur á lofti vegna skipulags-
breytinga í þessum málaflokkum og
vilja Hornfirðingar efla sam-
stöðumátt sinn til að standa vörð um
þá góðu þjónustu sem hér hefur ver-
ið veitt og þróuð. Það er orðið á-
ríðandi að bæta við hjúkrunarrým-
um og bæta aðstöðuna með því að
fjölga eins manns herbergjum.
Hollvinasamtök Miklagarðs
voru stofnuð í sömu viku til að
styðja við endurbyggingu hússins. Í
menningar- og atvinnusögulegu
samhengi hefur Mikligarður þjónað
veigamiklu hlutverki hvað varðar
þróun byggðar og mótun sam-
félagsins. Mikligarður var hálfgerð
félagsmiðstöð, skammtíma heimili
margra aðfluttra, kirkja, íþrótta-
hús, tónlistarskóli, dansstaður og
síðast en ekki síst var húsið verbúð,
söltunar- og beitingaraðstaða út-
gerðarinnar, sem er það hlutverk
sem því var ætlað í upphafi. Þessi
bygging hefur að geyma sögu
byggðar og samfélags í mótun sem
skila þarf til komandi kynslóða með
sóma.
Bjartsýni ríkir á nýju ári
Morgunblaðið/Maríus Sævarsson
Mikligarður Hollvinasamtök hafa verið stofnuð til að styðja við endurbyggingu Miklagarðs í Hornafirði.
Um 62.700 erlendir ferðamenn fóru frá landinu í
janúarmánuði, samkvæmt talningu Ferðamálastofu í
Flugstöð Leifs Eiríkssonar. Eru það 16.100 fleiri
ferðamenn en í janúar 2014 og nemur fjölgunin á milli
ára liðlega þriðjungi. Í frétt á vef Ferðamálastofu er
sagt að þetta sýni hvað ferðaárið 2015 fari vel af stað.
Ferðamenn hafa ekki mælst fleiri í janúarmánuði frá
því mælingar hófust.
Flestir ferðamennirnir voru Bretar, eða tæp 35%.
Margir Bandaríkjamenn létu líka sjá sig, hlutur þeirra
var tæp 15%. Frakkar komu þar á eftir með rúm 5%.
Meira en þriðjungs fjölgun ferðamanna
Vetur Vel dúðaðir
ferðamenn á ferli.
Brynja Björg Halldórsdóttir
brynja@mbl.is
Æskilegt er að íslenskir hýsingarað-
ilar setji sér skýrar reglur um hvort
og í hvaða tilvikum þeir hyggist verða
við beiðnum erlendra stjórnvalda um
veitingu aðgangs að gögnum við-
skiptavina þeirra. Þetta segja lög-
mennirnir Hjördís Halldórsdóttir og
Áslaug Björgvinsdóttir frá Logos
lögmannstofu en þær fluttu erindi um
aðgang erlendra stjórnvalda að gögn-
um sem hýst eru hér á landi, á UT-
messunni í Hörpu í gær.
Þær segja að efling gagnavörslu-
iðnaðar á Íslandi muni að öllum lík-
indum hafa í för með sér fjölgun
slíkra beiðna. Bæði muni beiðnum til
íslenskra hýsingaraðila án aðkomu
stjórnvalda fjölga og eins beiðnum til
íslenskra stjórnvalda.
Að sögn Áslaugar hefur netnotandi
alltaf heimild til að veita erlendum
stjórnvöldum aðgang að sínum eigin
gögnum. Hins vegar ráðist það af not-
endaskilmálum hvers hýsingaraðila
hvort honum sé heimilt að veita að-
gang að þeim gögnum sem hann hýs-
ir. Af þeim sökum sé mikilvægt að
neytendur kynni sér notendaskilmála
til að átta sig á því hvort erlendum
stjórnvöldum kunni að vera veittur
aðgangur að upplýsingum um þá.
Hún bendir í þessu samhengi á
rannsókn sem gerð var við Queen
Mary-háskólann í London árið 2011 á
notendaskilmálum tiltekins fjölda
hýsingaraðila. ,,Í öllum tilvikum
höfðu hýsingaraðilarnir áskilið sér
rétt í skilmálum sínum til að afhenda
hýst gögn undir tilteknum kring-
umstæðum. Hins vegar var mismun-
andi hversu háan þröskuld þessir
hýsingaraðilar settu sér.“ Sumir hafi
gert kröfu um dómsúrskurð og aðrir
talið nægilegt að um væri að ræða
viðurkennt eftirlitsstjórnvald.
Samkvæmt lögum um meðferð
sakamála er dómsúrskurðar að jafn-
aði krafist, ef gera á húsleit í húsum
og hirslum annars manns en sakborn-
ings.
Ísland er aðili að samningi Evrópu-
sambandsins, sem innleiddur var í ís-
lenska löggjöf, um gagnkvæma að-
stoð í sakamálum og einnig að
sáttmála Evrópuráðsins frá 2001 um
tölvuglæpi. Án sáttmálans um tölvu-
glæpi gætu erlend stjórnvöld fengið
aðgang að gögnum sem hýst eru hér
á landi, án aðkomu íslenska ríkisins,
en aðeins við þröngar aðstæður.
Þeim er þó ekki kunnugt um að er-
lend stjórnvöld hafi nálgast íslenska
hýsingaraðila með beinum hætti í því
augnamiði að fá aðgang að hýstum
gögnum. Líklega ráði notendaskil-
málar viðkomandi hýsingaraðila því
hvort og við hvaða aðstæður aðgang-
ur verði veittur.
Hýsingaraðilar
setji skýrar reglur
Beiðnum um aðgang að gögnum
hýstum á Íslandi mun fjölga
Morgunblaðið/Árni Sæberg
UT-messa Hjördís Halldórsdóttir
og Áslaug Björgvinsdóttir.
Beiðnir um aðgang
» Á fyrstu 6 mánuðum ársins
2014 voru um 31 þúsund
beiðnir sendar til Google um
aðgang að hýstum gögnum.
» Á sama tíma fékk Microsoft
34 þúsund beiðnir um slíkt
» Í tilviki Google voru 60%
beiðna frá öðrum stjórnvöldum
en bandarískum. Í tilviki Micro-
soft var hlutfallið 80%.
Glóðarsteiking og gott hráefni
– gerir steik eins og steik á að bragðast
Barónsstíg 11
101 Reykjavík
argentina.is
Borðapantanir
551 9555
20. febrúar vinnur heppinn
áskrifandi Morgunblaðsins
Volkswagen e-Golf.
Rafmagnað samband
við áskrife dur.
Þann 20. febrúar kemst einn heppinn
áskrifandi Morgunblaðsins í samband
við Volkswagen e-Golf.