Morgunblaðið - 07.02.2015, Blaðsíða 24

24 FRÉTTIRErlent
MORGUNBLAÐIÐ LAUGARDAGUR 7. FEBRÚAR 2015
Uppljóstrunar-
vefurinn Wiki-
Leaks opnaði í
gær vefsíðu þar
sem gagnrýnt er
hve miklum fjár-
munum bresk
stjórnvöld hafa
varið í að fylgj-
ast með Julian
Assange, aðalrit-
stjóra Wikileaks.
Assange dvelur í sendiráði Ekva-
dor í London en hann sótti þar um
hæli í júní 2012. Breska lögreglan
hefur síðan fylgst grannt með
sendiráðinu.
Á vefsíðunni govwaste.co.uk
segir að gæslan hafi kostað 10
milljónir punda, jafnvirði um 2
milljarða króna. Fyrir þá upphæð
væri hægt að gefa 8,3 milljónum
manna að borða, kaupa 39 þúsund
sjúkrarúm og greiða laun 459
kennara.
Dýrt að fylgjast
með Julian Assange
Julian
Assange
STÓRA-BRETLAND
Vígamenn úr
röðum sjíta í
Jemen tilkynntu
í gær að þeir
hefðu leyst upp
þingið og komið
á fót sérstakri
„forsetanefnd“
til þess að stýra
landinu næstu
tvö árin. Víga-
mennirnir, sem
tóku öll völd í höfuðborginni í sept-
ember síðastliðnum höfðu gefið
þinginu frest fram að miðvikudegi
til þess að mynda nýja ríkisstjórn
sem nyti stuðnings þeirra.
Vígamennirnir segja að þeir
muni koma á fót nýju ráði, skipuðu
551 manni í stað þingsins, en for-
setanefndin verður með fimm
mönnum. Jemen hefur verið í upp-
lausn frá árinu 2010, en forseti
landsins, Abd Rabbo Mansour Hadi,
sagði af sér í síðasta mánuði.
JEMEN
Þingið leyst upp af
vígamönnum sjíta
Abd Rabbo
Mansour Hadi
Stefán Gunnar Sveinsson
Guðmundur Sv. Hermannsson
„Við vitum að það er algjörlega opið
hvort okkur tekst að koma á vopna-
hléi með þessum viðræðum,“ sagði
Angela Merkel Þýskalandskanslari
við fjölmiðla í gær þegar hún kom til
Moskvu ásamt Francois Hollande,
forseta Frakklands, en þau hittu
Vladimír Pútín, forseta Rússlands, í
Kreml og ræddu við hann um nýjar
tillögur um vopnahlé í Úkraínu.
Hollande tók í svipaðan streng
áður en hann lagði af stað til
Moskvu og sagði að fyrsta skrefið
yrði að koma á vopnahléi að nýju.
Það væri þó ekki nóg. Varaði Hol-
lande við því að tíminn til að ná sam-
komulagi væri ekki óþrjótandi, og
að stutt væri í að ástandið færi úr
böndunum.
Merkel og Hollande kynntu
stjórnvöldum í Kænugarði tillögur
sínar í fyrradag, en þeim er ætlað að
byggja á vopnahléinu sem sam-
þykkt var í Minsk, höfuðborg Hvíta-
Rússlands, í september síðastliðn-
um. Þó að það vopnahlé sé enn í
gildi að nafninu til hafa harðir bar-
dagar geisað frá áramótum í austur-
hluta Úkraínu, og saka stjórnvöld í
Kænugarði Rússa um að hafa sent
atvinnuhermenn og þungavopn til
aðstoðar rússneskumælandi upp-
reisnarmönnum.
Deilt um hugsanlega vopnasölu
Petró Porosjenkó, forseti Úkra-
ínu, sagði að tillögur Merkel og Hol-
lande væru þær fyrstu í langan tíma
sem gæfu von um varanlegan frið.
Arseníj Jatsenjúk, forsætisráðherra
landsins, varaði hins vegar við því
að mögulega væri Pútín að reyna að
koma fleyg á milli Evrópusam-
bandsins og Bandaríkjanna með því
að ljá máls á viðræðum. Sagði hann
að Rússar ættu að byrja á því að
halda sig við skilmála vopnahlésins
áður en þeir samþykktu annað.
John Kerry, utanríkisráðherra
Bandaríkjanna, hefur hins vegar
lýst yfir stuðningi sínum við við-
leitni þeirra Merkel og Hollande.
Á meðal þess sem rætt er um í
höfuðborgum vesturveldanna er
spurningin hvort senda eigi stjórn-
völdum í Úkraínu vopn, en hingað til
hefur þeim ekki staðið slík aðstoð til
boða. Ashton Carter, sem Obama
Bandaríkjaforseti hefur útnefnt sem
næsta varnarmálaráðherra, sagði á
miðvikudaginn við nefnd Banda-
ríkjaþings sem á að staðfesta út-
nefningu hans, að hann myndi hall-
ast að því að senda Úkraínumönnum
vopn til þess að verja hendur sínar
gegn sókn aðskilnaðarsinna. Obama
sjálfur hefur hins vegar ekki tekið
af skarið um það hvort það verði
gert.
Alexander Lukashevich, talsmað-
ur rússneska utanríkisráðuneytis-
ins, varaði hins vegar við því í gær
að það myndi valda „stórkostleg-
um skaða“ á samskiptum
Bandaríkjanna og Rússlands ef
Bandaríkin sendu Úkraínu-
mönnum vopn.
Joe Biden, varaforseti
Bandaríkjanna, sagði hins
vegar að Úkraínumenn
væru að berjast fyrir lífi
sínu. Sagði hann að Rússar
gætu ekki fengið leyfi til
þess að teikna landakort
Evrópu upp á nýtt.
Merkel slær á væntingarnar
 Óvíst um árangur af „friðarferð“ Merkel og Hollande til Pútíns  Rússar vara
við því að senda vopn til Úkraínu  Anders Fogh óttast um Eystrasaltsríkin
EPA
Komin til Moskvu Angela Merkel, kanslari Þýskalands, við komuna til
Moskvu. Hún og Hollande Frakklandsforseti ræddu við Pútín í gær.
Anders Fogh Rasmussen, fyrr-
verandi framkvæmdastjóri Atl-
antshafsbandalagsins (NATO),
segir í viðtali við breska blaðið
Daily Telegraph að Vladimír
Pútín, forseti Rússlands, ætli
ekki að láta íhlutun í málefni
Úkraínu nægja heldur stefni að
því að endurreisa stöðu Rússa í
Austur-Evrópu.
„Það eru miklar líkur á að
hann hyggi á aðgerðir í Eystra-
saltsríkjunum til að láta reyna á
5. greinina,“ segir Fogh Rasm-
ussen í viðtalinu og vísar þar til
ákvæðis í stofnsáttmála NATO
um að árás á eitt NATO-ríki jafn-
gildi árás á þau öll. „Pútín veit,
að ef hann fer yfir rauðu línuna
og ræðst á aðildarríki NATO
muni hann tapa þeirri orr-
ustu. En hann er sérfræð-
ingur í blandaðri hertækni.“
Óttast er að Rússar muni
reyna að koma af stað átök-
um í Eistlandi eða Lett-
landi, þar sem eru stór
rússnesk þjóð-
arbrot, og taka
síðan þátt í þeim
átökum með
beinum eða
óbeinum hætti.
Óttast áform
Rússa
VARAR VIÐ PÚTÍN
Anders Fogh
Rasmussen
Um 60 gamlir bílar, sem fundust
ryðgaðir og veðurbarðir á bóndabýli
í vesturhluta Frakklands í fyrra,
seldust fyrir háar fjárhæðir á upp-
boði í París í gær.
Bílarnir eru af ýmsum tegundum,
þar á meðal Bugatti, Hispano-Suiza,
Panhard-Levassor, Maserati, Ferr-
ari og Delage. Uppboðshúsið Art-
curial, sem bauð bílana upp, líkti
þeim í tilkynningu við Þyrnirós og
fundi bílanna við það þegar gröf far-
aósins Tutankhamuns var opnuð.
Meðal bílanna er Ferrari 250 GT
SWB California Spider en aðeins 37
slíkir bílar voru framleiddir í kring-
um 1960. Franski leikarinn Gerard
Blain keypti bílinn upphaflega og
seldi hann síðar landa sínum, leik-
aranum Alain Delon. Bíllinn var á
uppboðinu sleginn óþekktum kaup-
anda fyrir heilar 14,2 milljónir evra,
jafnvirði rúmlega 2,13 milljarða
króna. Þá seldist Talbot Lago T26
Cabriolet, sem Farouk, síðasti kon-
ungur Egyptalands, átti, fyrir jafn-
virði rúmra 200 milljóna króna.
Bóndabýlið keypti Roger Bailárið
1953 með það fyrir augum að opna
þar bílasafn. Næsta áratuginn
keypti Baillon fjölda bíla en lenti síð-
an í fjárhagsvandræðum og neyddist
til að selja flestalla bílana. Hann hélt
hins vegar eftir um 60 bílum, sem
fundust hálfri öld síðar.
Gamlir ryðgaðir bílar
seldust fyrir milljarða
 Fágætir fornbílar gleymdust í hálfa öld
AFP
Ryðgaðir Bílarnir voru margir illa
farnir eftir Þyrnirósarsvefninn.
Björn Már Ólafsson augnlæknir hefur hafið störf hjá Sjónlagi augnlæknastöð.
Björn Már lauk sérnámi í augnlækningum í Falun í Svíþjóð 1981 og starfaði á
eigin stofu í tengslum við St. Jósefsspítala í Hafnarfirði frá 1981.
Björn Már mun sinna almennum augnlækningum hjá Sjónlagi.
Jens Þórisson augnlæknir hefur hafið störf hjá Sjónlagi augnlæknastöð. Jens
lauk sérnámi í augnlækningum í Svíþjóð 1983. Hann starfaði m.a. í Västerås,
Uppsölum og Örebro. Undirsérgrein Jens er augasteins- og glákuskurðlækningar.
Jens hefur starfað sem sérfræðingur í augasteinsaðgerðum í Stokkhólmi frá
1984, hjá Stockholms ögonkirurger, Sophiahemmet. Jens var sérfræðingur og
yfirlæknir við St. Jósefsspítala í Hafnarfirði frá 1985 fram að sameiningu við
Landspítala 2011 en eftir það sérfræðingur við augndeild LSH og sérfræðingur í
augasteinsaðgerðum við Fjórðungssjúkrahúsið á Akureyri frá 2004.
Auk almennra augnlækninga mun Jens sinna augasteinsaðgerðum hjá Sjónlagi en
hann hefur frá 2004 verið annar sérfræðingur Sjónlags í þeim aðgerðum.
Hægt er að bóka tíma hjá Birni Má og Jens
í síma 577 1001.
Sjónlag augnlæknastöð var stofnuð árið 2001 og er í fararbroddi hér á landi
hvað varðar tæknibúnað og þjónustu við sjúklinga.
Auk þess að sinna almennum augnlækningum hefur Sjónlag framkvæmt á tveimur
skurðstofum yfir 10.000 sjónlagsaðgerðir með laser og yfir 2000 augasteinsaðgerðir.
Hjá Sjónlagi starfa sjö augnlæknar, tveir sjóntækjafræðingar og fjórir hjúkrunarfræðingar
ásamt öðru starfsfólki. Nýlega voru öll lasertækin uppfærð og bjóðum við nú upp á
hníflausa Femto-LASIK lasertækni við sjónlagsaðgerðir. Sjónlag hefur verið brautryðjandi
þegar kemur að meðferð við ellifjarsýni en undanfarin ár hafa fjölmargir skjólstæðingar
verið meðhöndlaðir með fjölfókus-augasteinum og PresbyMax lasermeðferð.
Glæsibær . Álfheimar 74 . 5. hæð . 104 Reykjavík . Sími 577 1001 . www.sjonlag.is
Nýir augnlæknar til starfa
hjá Sjónlagi augnlæknastöð