Morgunblaðið - 17.02.2015, Síða 12

12 FRÉTTIRInnlent
MORGUNBLAÐIÐ ÞRIÐJUDAGUR 17. FEBRÚAR 2015
TA
K
TI
K
/4
33
1/
fe
b
15
Fjölskylduráð Hafnarfjarðarbæjar
dró til baka á fundi sínum fyrir helgi
fyrri ákvörðun um breytingar á sér-
stökum húsaleigubótum, en ákvörð-
unin fól í sér skerðingu og var nokk-
uð umdeild, ekki síst vegna þess að
hún var ekki kynnt áður.
Morgunblaðið greindi frá þessari
breytingu í byrjun febrúar. Þar kom
m.a. fram að hún fól í sér að viðmið-
unarupphæð vegna bótanna, eða sú
lágmarksleiga sem greiða þarf áður
en til bótanna kemur, var hækkuð úr
rúmum 47.000 krónum í 58.000. Af-
leiðingarnar urðu þær að bæturnar
skertust hjá um fjórðungi þeirra
sem fá þær, hjá hluta þeirra nam
skerðingin um 10.000 krónum á
mánuði. 334 einstaklingar fá sér-
stakar húsaleigubætur í Hafnarfirði.
Óvíst um lögmæti
Ráðið hyggst einnig taka til end-
urskoðunar fyrirkomulag þessara
bóta, þær reglur og fjárhæðir sem
miðað er við og hvort tveggja skoðað
aftur í tímann, eins og segir í fund-
argerð af fundi fjölskylduráðs frá 13.
febrúar. Þar segir ennfremur að
miðað sé við að niðurstaða liggi fyrir
þegar rekstrarúttekt á sveitarfé-
laginu verður kynnt í lok apríl.
„Framkvæmdin var ekki eins og
best hefði verið á kosið og spurt hef-
ur verið um lögmæti hennar. Við
höfum ekki fengið óyggjandi svör
um það, verið er að fara yfir það
núna. Það var ekki gerð sérstök
samþykkt vegna þessarar breyt-
ingar, heldur var útskýring á henni
látin fylgja með fjárhagsáætlun bæj-
arins,“ segir Guðlaug Kristjáns-
dóttir, bæjarfulltrúi Bjartrar fram-
tíðar og formaður fjölskylduráðs
Hafnarfjarðar. „Önnur ástæðan er
að opinber kynning hefði mátt vera
betri. Það hefur sætt gagnrýni og
við viljum taka málið frá grunni aft-
ur. Á meðan við höfum ekki óyggj-
andi svör um að þetta hafi verið
ógild ákvörðun, lít ég svo á að við
verðum að fella hana úr gildi til að
geta endurskoðað hana.“
Spurð hversu langt aftur fyr-
irkomulag bótanna verði skoðað seg-
ir Guðlaug að sérstakar húsa-
leigubætur hafi verið greiddar í
Hafnarfirði frá árinu 2005 og málið
verði skoðað aftur til þess tíma.
annalilja@mbl.is
Hætta við að
breyta bótum
 Hafnarfjörður dregur skerðingu á
sérstökum húsaleigubótum til baka
SVIÐSLJÓS
Steinþór Guðbjartsson
steinthor@mbl.is
„Engar straummælingar hafa farið
fram við Bakkafjöru,“ segir Sveinn
Valgeirsson, skipstjóri á Lóðsinum í
Vestmanneyjum. Hann gagnrýnir
harkalega margt í sambandi við
Landeyjahöfn og hugmyndir um
ferjur í grein á
eyjar.net, vef-
miðli sem leggur
áherslu á efni
sem tengist Vest-
mannaeyjum.
Sveinn segir
meðal annars að
á kynningarfundi
smíðanefndar sl.
haust, vegna um-
ræðu um nýja
ferju, hafi komið
fram að þarfagreining hafi verið
gerð vegna hugsanlegrar nýsmíði
en hún passi engan veginn við það
skip sem sé á teikniborðinu. „Sú
ferja verður fljótlega of lítil miðað
við þarfagreininguna,“ segir hann.
Var SA-aldan aldrei könnuð?
Í greininni bendir Sveinn á að að-
koman að Landeyjahöfn sé helsta
vandamálið. Hann segir að á kynn-
ingarfundi Siglingastofnunar 2007
hafi komið fram að viðmið í öldu-
hæð vegna siglinga í höfnina væri
fjórir metrar, en menn myndu sigla
í fimm metra ölduhæð eftir eitt til
tvö ár, þegar þeir hefðu lært á inn-
siglinguna. Um mánuði síðar hafi
komi fram í lokaskýrslu um málið
að tilraunum með suðvestan- og
suðaustan-öldu væri lokið. Hann
dregur það í efa og spyr hvort suð-
austanaldan hafi aldrei verið könn-
uð.
Sveinn segir að við opnun hafn-
arinnar 2010 hafi verið miðað við
3,7 m öldu miðað við flóð og svo
minnkandi eftir sjávarföllum. Nú sé
talað um 3,5 m. „Hvaða rannsóknir
liggja að baki þessum tölum?“ spyr
hann. „Ég get fullyrt það hér, að
hvorki hönnuðir hafnarinnar né nú-
verandi smíðanefnd eða sérfræðing-
ar þeirra, hafa komið að Landeyja-
höfn og gert rannsóknir á öldufari.“
Árið 2007 benti Sveinn á í grein í
Fréttum að engar straummælingar
hefðu farið fram við Bakkafjöru.
Hann segir að yfirhönnuður Land-
eyjahafnar hafi sagt að það væri
ekki nauðsynlegt en annað hefði
komið á daginn.
Hvað hefur breyst?
Hann spyr einnig hvers vegna öll
aðstaða í og við höfnina sé um 200
m of utarlega í ljósi þess að sandfok
hafi valdið miklu tjóni á ökutækjum
á svæðinu. Í upphafi hafi sérfræð-
ingar landgræðslunnar ekki haft
áhyggjur af sandfoki.
„Hvað hefur breyst?“ spyr
Sveinn og vísar til þess að í loka-
skýrslunni frá 2007 hafi verið teikn-
aðir hafnargarðar út á 17 m dýpi og
höfnin átt að vera opin við allar
venjulegar aðstæður.
Hann gerir líka þjónustubryggju
fyrir sanddæluskip að umtalsefni.
„Bryggja er svo stutt og illa hönnuð
að dæluskipin geta ekki notað
hana,“ segir hann.
Sveinn segir ennfremur að full-
yrðingar smíðanefndarmanna um
frátafir vegna veðurs og sjólags fyr-
ir nýju ferjuna séu byggðar á ófull-
komnum og ótrúverðugum rann-
sóknum og gefnum niðurstöðum.
Krefur sérfræðingana svara
 Sveinn Valgeirsson, skipstjóri á Lóðsinum í Vestmanneyjum, gagnrýnir tilraunir vegna Landeyja-
hafnar og skýrslur um höfnina og hugsanlegar ferjur  Segir að aðkoman sé helsta vandamálið
Morgunblaðið/Styrmir Kári
Landeyjahöfn Mikill sandur safnast saman við höfnina og sanddæluskip oft á svæðinu þegar veður leyfir.
Mikil alda
» Sveinn segir að í sigl-
ingahermi, sem smíðanefnd
hafi notað, sé ekki hægt að
sigla í öldum sem líkjast öldum
á rifinu utan við Landeyjahöfn.
» „Kemur nýja ferjan til með
að láta að stjórn við slíka öldu
á 5 til 6 m dýpi á rifinu?“ spyr
hann. „Kemur nýja ferjan yfir
höfuð til með að láta að stjórn í
3,5 [m] kenniöldu á rifinu?“
Sveinn
Valgeirsson
Þjóðhagslega óhagkvæmt er að halda uppi siglingum
milli Vestmanneyja og Þorlákshafnar. Elliði Vignisson,
bæjarstjóri í Vestmanneyjum, bendir á að það kosti um
milljón krónum meira á dag en að sigla milli Eyja og
Landeyjahafnar.
Elliði segir að Eyjamenn hafi miklar áhyggjur af
stöðu mála í Landeyjahöfn. Sandburðurinn þar sé
meiri en gert hafi verið ráð fyrir og enn sé siglt þangað
á skipi til og frá Vestmanneyjum sem vitað var fyr-
irfram að væri óheppilegt til þessara siglinga og réði
ekki við þær. Vegagerðin telji að siglingavandinn verði
best leystur með því að fá nýtt skip en Sveinn Val-
geirsson og fleiri telji að það sé ekki rétt. Sérfræðing-
anna sé að leysa málið. „Þegar kemur að smíði á skipi
eða hönnun á hafnargörðum verð ég að stóla á að þeir
sem fara með forræði í málinu geri
rétt,“ segir hann.
Nær fimm ár eru síðan Landeyja-
höfn var formlega opnuð og hafa sigl-
ingar þangað legið að mestu niðri á
veturna, mismunandi lengi eftir ár-
um. Elliði segir helsta vandamálið
vera aðgerðarleysið. Siglingastofnun
hafi fyrir hönd ríkisins unnið með
færustu sérfræðingum í nágranna-
löndum að lausn vandans og hann segi þeim ekki fyrir
verkum. Hins vegar krefjist bæjarstjórn Vestmanneyja
þess að samöngur á sjó við Vestmanneyjar verði eins
góðar og best verði á kosið. „Að okkur verði tryggðar
öruggar samgöngur um Landeyjahöfn allt árið.“
Öruggar samgöngur allt árið er krafan
ELLIÐI VIGNISSON, BÆJARSTJÓRI Í VESTMANNAEYJUM
Elliði Vignisson