Morgunblaðið - Sunnudagur - 29.03.2015, Blaðsíða 39

29.3. 2015 MORGUNBLAÐIÐ SUNNUDAGUR 39
* Ég hræðist þann dag, þegar tæknin skararfram úr mannlegum samskiptum. Heim-urinn mun þá sitja uppi með kynslóð af kjánum.
Albert Einstein
HBS er heiti á nýju snjallforriti
sem ætlað er að gjörbylta aðgengi
lánþega að Hljóðbókasafni Íslands.
Með snjallforritinu, sem nálgast
má án endurgjalds fyrir Android
snjalltæki í Play Store, má nálgast
allan bókakost Hljóðbókasafns Ís-
lands á fljótlegan og þægilegan
hátt í gegnum Android-snjallsíma.
Margir lánþegar safnsins eru les-
blindir nemendur og geta þeir nú
nýtt sér þessa nýjung til að nýta
tímann betur, hvort heldur sem er
í skólanum, í strætó eða á kaffi-
húsi, enda er þráðlaust net víða í
boði auk þess farsímanet verða sí-
fellt betri. Aðgengi fyrir blinda og
sjónskerta er einnig sérlega gott
og virkar HBS-snjallforritið vel
með íslenskum talgervilsröddum
sem eru aðgengilegar í gegnum
Android-síma.
Snjallforritið er samstarfsverk-
efni sem Hljóðbókasafn Íslands og
Tæknivörur, sem er umboðsaðili
Samsung Mobile á Íslandi standa
fyrir. Hugbúnaðarfyrirtækið
Stokkur Software hefur veg og
vanda af hönnun og forritun
snjallforritsins en öll forritun bak-
endakerfis var í höndum Pró-
gramm ehf.
HBS-appið er fáanlegt án endur-
gjalds fyrir Android á Play Store.
MEÐ BÓKASAFNIÐ Í VASANUM
Nýtt snjallforrit bætir
aðgengi að hljóðbókum
Upplýsingar um HBS forritið má finna á vefnum www.snjallskoli.is.
Eitt mest notaða spil sem höfundur þessa pistils hefur
eignast um dagana er sjóorrustuspil sem kallaðist
Electronic Battleship og gekk fyrir rafhlöðum. Ætli hon-
um hafi ekki áskotnast spilið um tíu ára aldurinn en það
naut mikillar lýðhylli á árunum í kringum 1980 – og gerir
eflaust enn í uppfærðri mynd. Undirtitill spilsins var „a
computer memory game with live action and sound“. Þar
fyrir neðan hékk orðið „boom“ eins og í lausu lofti. Þið
getið rétt ímyndað ykkur að tíu ára gutti hafi tekist á loft
þegar þessa merkissmíð rak á fjörur hans.
Svo sem sjá má á myndinni sem fylgir skrifinu er spil-
ið eftirlíking af haffleti. Hvor leikmaður hefur sitt borð
sem skilin eru að af spjaldi. Báðir hafa fimm mismunandi
stór skip til umráða, allt frá flugmóðurskipi niður í lítið
strandgæsluskip. Stærsta skipið nær yfir fimm reiti á
borðinu og það minnsta yfir tvo. Þeim má raða að vild,
lóðrétt eða lárétt. Upplagt er að gabba andstæðinginn
með því að raða skipunum hlið við hlið eða í vinkil eftir
lundarfarinu hverju sinni.
Sprengjuhljóð, „blúbb“ og væl
Keppendur skiptast á að skjóta hvor á annan í blindni.
Velja hnit í stjórnborðinu hjá sér og freista þess að lenda
á þilfari eins af skipum andstæðingsins. Takist það gefur
spilið frá sér mikið sprengjuhljóð. Missi skotið marks
segir spilið einfaldlega „blúbb“, til marks um það að
skotið hafi lent í sjónum. Keppendur merkja samvisku-
samlega við hnitin sem búið er að reyna á spjaldinu sem
skilur borðin að, með rauðum keilum eða hvítum, eftir
því hvort skotið hæfði eður ei. Ekki vilja menn skjóta aft-
ur á sama staðinn. Hæfi skot má sá leikmaður gera aftur.
Og svo koll af kolli þangað til búið er að finna öll skip
mótherjans og granda þeim. Þá gefur spilið frá sér ægi-
legt væl til marks um fullnaðarsigur. Stígur þá annar
keppandinn að vonum mikinn stríðsdans og híar jafnvel
á hinn. Ef þannig liggur á honum.
Höfðaði jafnt til ungra sem aldinna
Electronic Battleship reyndist hin besta skemmtun og
óhætt að segja að það hafi verið spilað í drep á heimili
pistlahöfundar. Árum saman. Spilið höfðaði til leik-
manna af ólíkum kynslóðum og pistlahöfundur minnist
margra rimma við föður sinn og aðra fullorðna kepp-
endur – sem yfirleitt gáfu ekki þumlung eftir. Enginn er
annars bróðir í leik.
Sterkt var í Electronic Battleship og þegar pistlahöf-
undur vissi síðast var spilið ennþá til í geymslunni hjá
móður hans. Eins og svo margt annað frá þessum árum.
Spilið enda framleitt á þeim tíma þegar græjur voru
hannaðar til að endast. Sú var tíð. orri@mbl.is
GAMLA GRÆJAN
Electronic Battleship
í öllu sínu veldi.
Rafræn sjóorrusta
Fermingar-
tilboð
MacBook Air 13”
128GB Fermingartilboð*
189.990.-
Fullt verð: 199.990.-
MacBook Pro
Retina 13”128GB
Fermingartilboð*
249.990.-
Fullt verð: 269.990.-
B
ir
t
m
eð
fy
rir
va
ra
um
pr
en
tv
ill
ur
og
ve
rð
br
ey
tin
ga
r.
Fe
rm
in
ga
rt
ilb
oð
gi
ld
a
til
3.
ap
ríl
20
15
,e
ða
m
eð
an
bi
rg
ði
r
en
da
st
.
FREYJU
PÁSKAEGG NR 6
Fylgir með fyrstu 125
fermingartilboðum*