Morgunblaðið - Sunnudagur - 29.03.2015, Blaðsíða 47

29.3. 2015 MORGUNBLAÐIÐ SUNNUDAGUR 47
Meira um það síðar.
Rikki er ennþá í góðu sambandi við sína
fyrrverandi, Kelvin og Mark, og heimsækja
þeir þá Johnny reglulega. „Það er engin
ástæða til að varpa vináttunni fyrir róða enda
þótt rómantíkin sé ekki lengur fyrir hendi. Ef
allir eru sáttir og engin afbrýðisemi til staðar
gengur þetta alveg upp. Ég met vináttu Kel-
vins og Marks mikils.“
Framarlega í réttindabaráttunni
Mikið vatn hefur runnið til sjávar frá því
Rikki flutti frá Íslandi fyrir 43 árum. Hann
segir allt annað að horfa yfir sviðið hér heima
í dag, Ísland standi mjög framarlega í rétt-
indabaráttu samkynhneigðra. „Eftir þessu er
tekið úti í heimi, það get ég sagt þér. Það
vakti mikla athygli að samkynhneigð kona, Jó-
hanna Sigurðardóttir, væri hér forsætisráð-
herra. Þá var Jón Gnarr óþreytandi við að
vekja athygli á réttindum samkynhneigðra
meðan hann var borgarstjóri. Svona lagað
spyrst út. Heldur má ekki gleyma mönnum
eins og Páli Óskari Hjálmtýssyni, sem lyft
hefur grettistaki hér heima. Hann er fyr-
irmyndin sem mín kynslóð hafði ekki. Palli
hefur hjálpað ófáum hommum og lesbíum að
sættast við sjálf sig og viðurkenna sína kyn-
hneigð. Ungt fólk á Íslandi þarf ekki að hafa
neinar áhyggjur af þessum málum lengur.
Getur jafnvel fikrað sig áfram án þess að hafa
bakþanka. Það er mjög mikilvægt. Það þurfa
ekki allir að vera eins.“
Hann segir Kanada skemur á veg komið í
þessum efnum. „Ég átta mig ekki alveg á því
hvers vegna það er en íhaldssemi er sennileg
skýring. Kanada er íhaldssamt þjóðfélag. Haf-
andi sagt það hef ég aldrei upplifað andúð á
samkynhneigðum í Kanada. Kanadamenn eru
bara ekki eins opnir varðandi þessi mál og við
Íslendingar.“
Hugsar út fyrir rammann
Í starfi sínu sem klínískur sálfræðingur er
Rikki mjög opinn varðandi kynhneigð sína.
Hann var lengi með stofu í Toronto og þar
leitaði samkynhneigt fólk mikið til hans. Eftir
að hann flutti sig út fyrir borgina er minna
um það. „Aðalsvið mitt er fólk sem ekki sér
lengur tilgang með lífinu. Ég hugsa gjarnan
út fyrir rammann og þess vegna er fólki oft
vísað til mín þegar það hefur reynt allt annað
varðandi meðferð. Segja má að ég sé loka-
úrræðið.“
Að sögn Rikka er vonlaust að bregða mæli-
stiku á vitundina og fyrir vikið þurfi gjarnan
að grípa til óhefðbundinna aðferða þótt undir-
staðan í samtalsmeðferðinni sé að venju hefð-
bundin, CBT (Cognitive Behavior Therapy).
„Ég hvet fólk til að hugsa um stóru línurnar í
þessu lífi. Hver er tilgangurinn? Hvers vegna
upplifum við erfiðleika? Mín skýring er sú að
Rikki Líndal segir réttindastöðu
samkynhneigðra á Íslandi vekja
athygli um allan heim.
Morgunblaðið/Eggert
Rikki var hérna heima á dögunum til að
kynna nýja hönnun sem hann á hugmynd-
ina að, Bookollu, leðurhandtöskur unnar
úr kýrjúgrum.
Hugmyndin er hér um bil fjörutíu ára
gömul en ekkert varð úr henni þá, þar
sem ekki var hægt að vinna leður úr
júgrum á þeim tíma. Á seinni árum hefur
á hinn bóginn orðið vakning, nýta ber
alla hluta skepnunnar, og fyrir vikið þótti
Rikka upplagt að draga þessa gömlu hug-
mynd fram í dagsljósið. Kynnti hana fyrir
vinkonu sinni, Elínu Eddu Árnadóttur
hönnuði, og hún féll strax fyrir henni.
„Við skulum gera þetta!“ voru fyrstu við-
brögð hennar. „Þá fannst mér Búkolla
baula einhvers staðar í fjarska,“ segir
Rikki. Gengið var til samstarfs við sút-
unarverksmiðju á Sauðárkróki og er
framleiðsla nú hafin. Að framleiðslunni
koma einnig Sigurjón Kristenssen leð-
urvinnslumaður og Karl Bjarnason sútari.
Að sögn Rikka er um dýra framleiðslu
að ræða og engar tvær töskur eru eins.
Töskurnar sem kynntar voru á Hönn-
unarMars eru prófstykki og ekki er hægt
að kaupa vöruna ennþá. Senn mun þó
koma að því og gerir Rikki ráð fyrir að
salan muni aðallega fara fram á netinu.
„Við bíðum mjög spennt eftir við-
brögðum.“
Vöruna má virða fyrir sér á heimasíð-
unni www.boo-kolla.com.
Ein af júgurtöskunum góðu sem Rikki
hefur hannað og er nú að setja á markað.
Töskur úr kýrjúgrum