Morgunblaðið - Sunnudagur - 29.03.2015, Blaðsíða 56

Verkið Maður og barn eftir Finn Arnar Arnarson verður í Hafnarhúsinu.
Ólöfu þótti tilvalið að kíkja á stöðu karlmanna á þessumbreyttu tímum í tilefni hundrað ára kosningaréttar-afmælis kvenna,“ segir Hlynur Hallsson um sýninguna
MENN og sýningarstjóra hennar, Ólöfu K. Sigurðardóttur, en
hann er einn sýnenda. Sýningin verður opnuð í dag, laugardaginn
28. mars, klukkan 15 í Hafnarborg í Hafnarfirði með verkum eft-
ir fjóra karllistamenn í fremstu röð, en auk Hlyns eru það þeir
Curver Thoroddsen, Finnur Arnar Arnarson og Kristinn G.
Harðarson sem eiga verk á sýningunni.
Fjallað um stöðu karlsins innan fjölskyldunnar
Í tilkynningu segir að sýningin beini sjónum að stöðu karla við upp-
haf 21. aldar og þeim breytingum sem orðið hafa á högum þeirra í
ljósi breyttrar stöðu kvenna. Í verkunum takast listamennirnir á við
spurningar um stöðu karla innan fjölskyldu hvað varðar hugmyndir
um þátttöku í heimilislífi, ábyrgð á afkomu og uppeldi barna.
TVÆR SÝNINGAR OPNAÐAR UM HELGINA
Staða karlsins
rannsökuð
Þrímenningarnir Hlynur Hallsson, Kristinn G. Harðarson og Finnur
Arnar Arnarson eiga verk á sýningunni ásamt Curveri Thoroddsen.
Morgunblaðið/Eggert
SÝNINGIN MENN VERÐUR OPNUÐ Í
HAFNARHÚSINU Í DAG EN ÞAR MÁ
FINNA VERK FJÖGURRA LISTAMANNA.
Davíð Már Stefánsson davidmar@mbl.is
56 MORGUNBLAÐIÐ SUNNUDAGUR 29.3. 2015
Dansverkið Vatnið eftir Nicholas Fishleigh,
Þóru Rós Guðbjartsdóttur og Leif Eiríksson
verður frumsýnt í Tjarnarbíói í dag, laug-
ardag, klukkan 20. Í tilkynningu segir að verk-
ið sé innblásið af vatni í ólíkum birting-
armyndum og að það sameini dans, tónlist,
vídeólist og ljóðlist. Þá segir að um mikið
sjónarspil sé að ræða sem dragi áhorfandann
inn í heim vatnsins og leyfir honum að túlka
það á sinn eigin hátt og finna þannig sína
tengingu við vatnið. 71% af flatarmáli jarðar
er þakið vatni. Meira en helmingur af manns-
líkamanum er vatn. Þá segir einnig að dans-
verkið sé tilraun til að skilja það, og í leiðinni
okkur sjálf, og að uppgötva nýja nánd við
vökva lífsins.
DANSVERK UM HEIM VATNSINS
VÖKVI LÍFSINS
Dansverkið er eftir þau Nicholas Fishleigh,
Þóru Rós Guðbjarstdóttur og Leif Eiríksson.
Söngkonan Hanna Dóra Sturludóttir kemur
fram ásamt píanóleikaranum Gerrit Schuil.
Á morgun, sunnudag, kemur Hanna Dóra
Sturludóttir messósópransöngkona fram á
ljóðatónleikum í Hannesarholti, en Gerrit
Schuil leikur undir á píanó. Á efnisskrá tón-
leikanna, sem hefjast klukkan 16 og standa í
klukkutíma, eru söngljóð eftir Gustav Ma-
hler, þar á meðal lög úr Rückert-ljóðunum
svonefndu og lagaflokkinum Des Knaben
Wunderhorn. Tónleikunum lýkur síðan á því
að Hanna Dóra og Gerrit flytja Söngva föru-
manns, Lieder eines fahrenden Gesellen, í
heild sinni en um er að ræða fimm söngva
sem Mahler samdi við eigin ljóð. Listamenn-
irnir munu einnig kynna tónskáld og söngva
dagsins með nokkrum orðum.
TÓNLEIKAR Í HANNESARHOLTI
SÖNGVAR
MAHLERS
Fyrsti hluti fjölskyldu-
leikritsins Elsku Míó minn
verður fluttur í Bíó Para-
dís í dag, laugardag, klukk-
an 12. Þessi nýja uppfærsla
á verki Astrid Lindgren
verður síðan flutt í heild
sinni um páskana af Út-
varpsleikhúsinu á Rás 1 en
verkið er í nýrri þýðingu
Þórarins Eldjárns. Á vef
RÚV segir meðal annars að verkið sé um
hugrekki og vináttu og að það sé það stærsta
sem Útvarpsleikhúsið ráðist í á þessu leikári.
Tuttugu leikarar taka þátt í uppfærslunni og
þar af átta börn. Með aðalhlutverk fara Ágúst
Beinteinn Árnason, Theodór Pálsson og
Ingvar E. Sigurðsson. Verkið er í leikstjórn
Kolbrúnar Halldórsdóttur. Leikritið verður
flutt í þremur hlutum föstudaginn langa,
páskadag og annan í páskum klukkan þrjú.
UPPFÆRSLA Á VERKI LINDGREN
MÍÓ Í BÍÓ PARADÍS
Verkið flutt í há-
deginu í dag.
Menning
Þ
að voru allir til í að taka þátt í
þessu á þeim forsendum að
þetta væri opinn vettvangur til
þess að sýna hvað íslenskir mál-
arar eru að fást við í samtím-
anum,“ segir Kristján Steingrímur Jónsson,
myndlistarmaður og deildarforseti við
Listaháskóla Íslands, en hann er sýning-
arstjóri Nýmálað 2 ásamt Hafþóri Yngva-
syni, safnstjóra Listasafns Reykjavíkur.
Sýningin verður opnuð á Kjarvalsstöðum í
dag, laugardaginn 28. mars, klukkan 16.
Sýningin Nýmálað 1 stendur nú yfir í Hafn-
arhúsinu en sýningarnar tvær mynda eina
heild að sögn Kristjáns Steingríms.
Áttatíu og átta listamenn
„Tilgangurinn með sýningunum er að varpa
ljósi á hvað það eru margir listamenn að
fást við listsköpun og í þessu tilviki mál-
verkið. Okkur grunaði að það væru mun
fleiri að fást við málverk en menn hefðu
haldið og það hefur verið raunin. Þetta er
ákveðið yfirlit og ætti að gefa ágæta mynd
af stöðunni eins og hún er. Margir af þess-
um listamönnum hafa ekki verið sýnilegir
lengi, það er því áhugavert að sjá hvað þeir
eru að gera. Svo eru þarna listamenn sem
eru áberandi hérna heima sem og erlendis,“
segir hann en alls sýna áttatíu og átta lista-
menn verk sín á sýningunum tveimur en
þar má nefna Erró, Hallgrím Helgason og
Söru Riel.
„Sýningin endaði á því að taka Kjarvals-
staði og hálft Hafnarhúsið undir sig, lista-
mönnunum var skipt á milli þessara tveggja
staða,“ segir hann en þess má geta að sýn-
ingarnar verða í gangi á sama tíma í þrjár
vikur áður en sýningunni í Hafnarhúsinu,
sem var opnuð í febrúar, lýkur. Sýningin á
Kjarvalsstöðum stendur síðan til 7. júní.
Yngri kynslóðir á breiðum grunni
Langflest verkin á sýningunum eru innan
við tveggja ára en Kristján Steingrímur
segir ýmsa strauma leynast þar inni á milli.
„Þetta eru listamenn sem eru innan við
þrítugt og alveg upp í rúmlega áttatíu ára.
Þeir listamenn sem byrjuðu að fást við listir
upp úr miðri síðustu öld, eins og þeir elstu,
eru auðvitað að einhverju leyti trúir þeirri
hugmyndafræði sem þá var ríkjandi þó að
list þeirra hafi að sjálfsögðu þróast og taki
mið af samtímanum. Við erum til dæmis
með listamann eins og hinn franskmenntaði
Hafstein Austmann sem hefur verið trúr
ljóðrænni abstraktsjón og hefur fylgt því og
þróað alla tíð. Svo má nefna Erró sem hef-
ur verið trúr sinni list alla tíð. Þó það megi
klárlega skynja þróun í list hans þá á hann
samt sem áður ákveðnar rætur í popplist
síns tíma,“ segir Kristján Steingrímur.
„Svo erum við með yngstu kynslóðina af
listamönnum sem sækir í menninguna í til-
tölulega breiðum skilningi. Þar hefur póst-
módernisminn haft áhrif. Það sem einkennir
samtíðina í dag er að það er allt í gangi,
hún er á mjög breiðum grunni. Yngsta kyn-
slóðin leitar engu að síður til baka og tekur
upp eldri hluti og endurvinnur þá. Það er
einnig ljóst að tæknistraumar hafa haft
áhrif á þessa tilteknu kynslóð. Allt þetta að-
gengi að upplýsingum, myndefni og öðru
hefur án nokkurs vafa haft áhrif,“ segir
hann.
„Þarna gefst einnig tækifæri til að bera
saman ólíka miðla. Hvað það er sem greinir
þann sem notar málverk sem miðil frá þeim
sem nota aðra miðla, hvort það sé einhver
munur á efnistökum og inntaki,“ bætir
Kristján Steingrímur við.
Málþing og hádegisleiðsagnir
„Það er líka áhugavert að sjá hvað mynd-
mál er alþjóðlegt fyrirbæri og auðvelt að
setja íslenskt málverk í alþjóðlegt samhengi.
Sýningin er ekki þematengd í sjálfu sér,
listamennirnir eru að fást við mjög ólíka
hluti. Eins og áður segir hafa þeir mjög
ólíkan bakgrunn, koma inn í listina á ólíkum
tímum, og endurspegla þar af leiðandi mjög
ólíka listræna afstöðu,“ segir hann.
„Safnið stendur síðan fyrir fræðslu-
dagskrá tengdri sýningunum. Það verður
málþing í apríl um sýninguna og íslensk
samtímamálverk. Einnig verður boðið upp á
hádegisleiðsagnir sem listamennirnir sjá um.
Listamennirnir sjá auk þess um námskeið í
listmálun fyrir unglinga,“ segir Kristján
Steingrímur að lokum.
YFIRLIT ÍSLENSKRA MÁLVERKA
Kynslóðabil brúað
með málverkum
SÝNINGIN NÝMÁLAÐ 2 VERÐUR OPNUÐ Í DAG Á KJARVALSSTÖÐUM EN ÞAR MÁ FINNA LISTAVERK EFTIR ÁTTATÍU
OG ÁTTA LISTAMENN Á ÖLLUM ALDRI. SÝNINGUNNI ER ÆTLAÐ AÐ VARPA LJÓSI Á MÁLVERKAFLÓRU ÍSLENSKS
SAMTÍMA EN HÚN HELST Í HENDUR VIÐ SÝNINGUNA NÝMÁLAÐ 1 SEM STENDUR NÚ YFIR Í HAFNARHÚSINU.
Davíð Már Stefánsson davidmar@mbl.is
Katrín Friðriksdóttir er meðal þeirra lista-
manna sem eiga listaverk á Kjarvalsstöðum.