Morgunblaðið - 08.04.2015, Blaðsíða 12

12 FRÉTTIRInnlent
MORGUNBLAÐIÐ MIÐVIKUDAGUR 8. APRÍL 2015
Við styðjum átaksverkefni Styrktarfélags barna með einhverfu
B L Á R A P R Í L
Lífið er blátt á mismunandi hátt
902 10 10 #blarapril
Malín Brand
malin@mbl.is
Allar líkur ættu að vera á að bílafloti
landsmanna sé orðinn þokkalega
dekkjaður því innflutningur á hjól-
börðum var 77% meiri á síðasta ári
en árið 2009 og verðmæti þeirra
nemur um 3,4 milljörðum. Flest fara
dekkin undir grá ökutæki og má
draga þá ályktun út frá þeirri stað-
reynd að um helmingur nýrra bíla er
grár og hefur grái liturinn verið vin-
sæll í mörg ár.
Í sannleika sagt er bílaflotinn í
heildina bæði gamall og grár því
meðalaldur bíla hér á landi er með
því hæsta sem sést innan þeirra
landa sem eru í Evrópusamtökum
bílgreina, eða 12,7 ár. Bílaflotinn er
einungis eldri í tveimur aðild-
arríkjum samtakanna , í Finnlandi
og Eistlandi. Ástæðan að baki hinum
háa meðalaldri er ekki endilega sú
að Íslendingar fari svo vel með eigur
sínar heldur frekar sú að nýskrán-
ingar náðu sögulegu lágmarki árið
2009. Í dag eru aðeins 16% bílaflot-
ans fimm ára eða yngri.
Þetta er á meðal þess sem fram
kemur í Árbók bílgreina 2015 þar
sem hagtölur um íslenskar bíl-
greinar er að finna. Bílgreina-
sambandið og Rannsóknarsetur
verslunarinnar tóku tölurnar saman.
Til bílgreina flokkast atvinnugreinar
á borð við sölu nýrra og notaðra bíla
og vélhjóla ásamt viðhaldi, við-
gerðum og sölu vara- og aukahluta,
svo einhverjar greinar séu nefndar.
411 þúsund fyrir hvern bíl
Hlutur bílgreina hefur verið um
1% af landsframleiðslu síðustu árin
og hefur stöðugur vöxtur verið í
veltu þeirra frá hruni. Árið 2014 var
veltan 99,3 milljarðar króna sem er
um 16% aukning frá fyrra ári. Árið
2009 dróst velta bílgreina saman um
50% frá fyrra ári en hefur nú næst-
um tvöfaldast, um 93% á breytilegu
verðlagi og 58% á verðlagi 2014. Þó
kemur fram í árbókinni að enn eigi
bílgreinar langt í land með að ná
sama styrk og fyrir hrun. Veltan hafi
verið 41% minni árið 2014 en árið
2007 að raunvirði og vegur þar
þyngst sala nýrra bíla en sá flokkur
nemur 70-80%. Segir ennfremur að
nokkuð víst sé að velta áranna 2005-
2007 hafi verið töluvert fyrir ofan
það sem gengur og gerist á meðalári.
Árið 2014 voru 12.000 bílar ný-
skráðir og að meðaltali voru vöru-
gjöld fyrir hvern bíl 411.000 krónur
sem er 14,3% lægra en árið á undan
þegar meðaltalið var 480.000 krónur.
Tekjur ríkisins af vörugjöldum hafa
þrefaldast á síðustu fjórum árum en
eru þó nokkuð langt frá þeim fjár-
munum sem fóru í ríkiskassann af
vörugjöldum árið 2007 og námu 11
milljörðum króna. Tekjuaukning
ríkisins af vörugjöldum á bensín og
olíu var lítil á síðasta ári, eða um 430
milljónir króna. Alls voru vörugjöld
af eldsneyti 11,6 milljarðar. Sömu
sögu er að segja af breytingum á
tekjum vegna bifreiðagjalda. Ríkið
innheimti 6,6 milljarða vegna bif-
reiða- og úrvinnslugjalda og er það
örlítið lægri upphæð en árið 2013.
Rétt er að ljúka umfjölluninni með
jákvæðum tölum, neytendum í hag
en þær lúta að vanrækslugjöldum
því minna innheimtist af vanrækslu-
gjöldum vegna bifreiðaskoðunar ár-
ið 2014 en 2013. Í árbók bílgreina er
dregin sú ályktun að ökumenn gæti
betur að þessum öryggisþætti.
Af nýskráðum fólksbílum í fyrra
voru flestir skráðir á höfuðborg-
arsvæðinu eða 6.479 bílar. Séu
fjöldatölur bornar saman við íbúa-
fjölda kemur í ljós að flestar ný-
skráningar voru á Norðurlandi
eystra eða 51 bíll á hverja 1.000
íbúa. Á höfuðborgarsvæðinu var
31 bíll á hverja 1.000 íbúa. Þegar
tölurnar eru skoðaðar fyrir Suður-
og Austurland, Norðurland vestra,
Vesturland og Vestfirði er útkom-
an nokkuð lægri eða 11 bílar á
hverja 1.000 íbúa. Þar af voru
langfæstar nýskráningar á Vest-
fjörðum. Þó ber að hafa í huga að
tæplega helmingur hinna nýskráðu
bíla er bílaleigubílar og gæti það
skekkt myndina að einhverju leyti.
Lítil endurnýjun fyrir vestan
KAUPGLEÐI Á NORÐURLANDI EYSTRA
Margir gráir stálfákar í bílaflota
sem aldrei hefur verið eldri
 Bílgreinar á Íslandi veltu 99,3 milljörðum á síðasta ári. 12.000 nýskráningar 2014
Morgunblaðið/Golli
Flotinn Þó svo að grái liturinn verði oftast fyrir valinu og bílaflotinn hafi aldrei verið eldri hér á landi gæta ökumenn
að því að fara með bíla sína til skoðunar. Tekjur ríkisins af vanrækslugjöldum minnkuðu um 28% frá 2013 til 2014.
Rafbíllinn Nissan Leaf var í fyrsta
sinn mest selda einstaka bílgerðin
hjá BL í mars. Seldir voru 25 bílar
af gerðinni Nissan Leaf en alls af-
henti BL 217 bíla í mars sem er 34
bílum fleira en í febrúar. Hlutdeild
fyrirtækisins á einstaklings- og fyr-
irtækjamarkaði er því 25,1%, skv.
fréttatilkynningu frá fyrirtækinu.
„Við sjáum nokkuð skemmtilega
dreifingu á Leaf því hún fer vax-
andi í öllum markhópum. Við sjáum
að fjölskyldufólk horfir í sífellt
auknum mæli til Leaf sem fjöl-
skyldubíls, fleiri og fleiri fyrirtæki
á höfuðborgarsvæðinu eru að taka
hann í sína þjónustu og bílaleig-
urnar eru einnig farnar að bjóða
Leaf á leigu,“ er haft eftir Skúla K.
Skúlasyni, framkvæmdastjóra sölu-
sviðs BL. Liðinn marsmánuður
markaði einnig tímamót á bíla-
leigumarkaði hvað Leaf varðar, að
sögn Skúla, en þá fóru sex Leaf-
bílar til bílaleiga.
Ljósmynd/BL
Rafbíll Nissan Leaf seldist vel hjá BL í
mars og er líka í boði hjá bílaleigum.
Rafbíll í fyrsta sinn
mest selda einstaka
bílgerðin hjá BL
Viðar Guðjónsson
vidar@mbl.is
Nýskráning og árgjald hundaleyfa
er umtalsvert dýrari í Reykjavík en í
Kópavogi, Garðabæ og Hafnarfirði.
Eitt útivistarsvæði er ætlað fyrir
hunda í Reykjavík, Hafnarfirði og
Kópavogi en ekkert í Garðabæ.
Samkvæmt upplýsingum frá Heil-
brigðiseftirliti Hafnarfjarðar og
Kópavogssvæðis, sem sinnir Kópa-
vogi, Hafnarfirði og Garðabæ, kost-
ar nýskráning hunda 13.600 kr. og
árgjald 12.600 kr. Kostnaður við
handsömun er 26 þúsund krónur.
Á vef Reykjavíkurborgar kemur
fram að gjald fyrir nýskráningu
hunda er öllu hærra eða 18.900 krón-
ur og sama upphæð er í árgjald.
Handsömun kostar 28.700 kr.
Aðspurður fyrir hvað hundaeig-
endur greiða segir Jón Sigurðsson,
dýraeftirlitsmaður hjá Heilbrigðis-
eftirliti Hafnarfjarðar- og Kópavogs-
svæðis, að stór hluti gjaldsins felist í
tryggingu sem á að dekka það þegar
hundar valda öðrum tjóni. Þá fer
gjaldið einnig í það að halda úti
starfsmanni við það að sinna kvört-
unum, skráningum og utanumhaldi.
Þá eru óskráðir handsamaðir hundar
vistaðir á hundahóteli og fellur til
kostnaður vegna þess.
Að sögn Jóns eru skráðir hundar
um 2.300 í Kópavogi, Garðabæ og
Hafnarfirði. Í Kópavogi er hundaeig-
endum leyft að vera með hunda sína
á nokkurra hektara svæði á Vatns-
endasvæði, Hafnfirðingar geta not-
ast við svæði nærri Krísuvíkuraf-
leggjara en ekkert útivistarsvæði er
ætlað fyrir hunda í Garðabæ að sögn
Jóns. Þrátt fyrir ítrekaðar tilraunir
náðist ekki í starfsmann hjá Reykja-
víkurborg sem gat útskýrt kostnað
vegna hundahalds hjá borginni.
vidar@mbl.is
Dýrara að eiga
hund í Reykjavík
 5.300 kr. munur á nýskráningu hunda
Morgunblaðið/Rósa Braga
Fjárhundur Ýmis kostnaður fellur
til vegna hundahalds í þéttbýli.
Dr. Mads Gilbert, prófessor og yf-
irlæknir í Tromsö í Noregi, fjallar
um ástandið á Gaza í hádegisfyr-
irlestri í dag á vegum Alþjóða-
málastofnunar Háskóla Íslands í
stofu 101 í Odda. Yfirskrift fyrir-
lestursins er Nótt í Gaza: Hvers
vegna vernda alþjóðalög og mann-
réttindasáttmálar ekki borgara í
Palestínu? Í kvöld kl. 20 mun hann
svo halda fyrirlestur á vegum Fé-
lagsins Ísland-Palestína í Iðnó, þar
sem hann mun segja frá sjálfboða-
störfum sínum á Gaza og lýsa
ástandinu þar, skv. fréttatilkynn-
ingu.
Segir frá störfum
sínum á Gaza