Morgunblaðið - 14.04.2015, Qupperneq 14

14 FRÉTTIRInnlent
MORGUNBLAÐIÐ ÞRIÐJUDAGUR 14. APRÍL 2015
Breikkun vegarins um Hellisheiði
fól ekki í sér að mýkja hinar kröppu
beygjur í Kömbunum. Eflaust þykir
mörgum það miður og sýna víra-
vegriðin í Kömbunum að það er ein-
mitt í þessum kröppustu beygjum
sem ökumenn missa stjórnina á bíl-
um sínum. „Þessar beygjur sem
þarna eru uppfylla ekki kröfur
hönnunarreglna. En breikkunin, að
fara með veginn í tvo plús einn og
tvo plús tvo niður Kambana, var
miðuð við það að veglínunni yrði
ekki breytt,“ segir Kristján Krist-
jánsson, forstöðumaður hjá Vega-
gerðinni.
Hann segir að þegar farið sé
gegn veghönnunarreglum þurfi að
fá leyfi hjá vegamálastjóra. „For-
sendurnar fyrir öllum þessum
framkvæmdum voru að þarna yrði
óbreyttur vegur og hann breikk-
aður,“ segir Kristján.
Radíusinn í kröppustu beygj-
unum er í kringum 150 metrar en
reglurnar fyrir vegi með 90 kíló-
metra hámarkshraða miða við að
radíusinn sé 366 metrar og gefur að
skilja að slíkar beygjur myndu
teygja sig æði langt í Kömbunum.
„Það rými er bara ekki til,“ segir
Kristján.
Vegurinn um Kambana er því
býsna langt frá því sem reglurnar
um veghönnun gera ráð fyrir og því
enn ríkari ástæða til að gæta að ör-
yggi við akstur á þeim slóðum,
einkum og sér í lagi í erfiðri færð.
Morgunblaðið/Þórður
Kambar Breikkun vegarins var ekki hugsuð til að mýkja beygjurnar.
Stóð ekki til að
mýkja beygjurnar
 Kambarnir frávik frá reglum
Malín Brand
malin@mbl.is
Í vetur hafa nokkuð margir öku-
menn fengið að kynnast því hvernig
víravegrið virkar þegar bíll skellur á
því. Vegriðin eru til dæmis á milli
akstursstefna í Kömbunum og víðar
á Suðurlandsvegi. Raunar hefur
víravegriðum verið komið upp stór-
an hluta leiðarinnar frá Svínahrauni
að fyrsta hringtorginu við Hvera-
gerði. Nýjast er vegriðið í Kömbun-
um en starfsmenn Ístaks hf. luku við
að breikka veginn þar í nóvember sl.
Endurbætur á veginum yfir Hellis-
heiði frá Hveradölum í Hveragerði
hófust haustið 2014 og lýkur fyrir
árslok 2015.
Varasöm lagfæring
Víravegrið er þannig úr garði gert
að þegar ekið er utan í það gefur
strekktur vírinn eftir og má í raun
segja að bíllinn kastist aftur inn á
veginn. Vegfarendur sem leið hafa
átt yfir Hellisheiðina gætu hafa veitt
því athygli að býsna margir staur-
anna sem halda eiga vírnum strekkt-
um liggja niðri eftir ákeyrslu. Alla
jafna eru staurarnir lagfærðir eins
skjótt og auðið er en síðustu vikurn-
ar hefur lítið farið fyrir því. Páll
Halldórsson er rekstrarstjóri hjá
Vegagerðinni á starfsstöð hennar á
Selfossi og hefur sú starfsstöð haft
viðhald vegriðsins á sinni könnu. Páll
kannast við að töluvert hafi verið ek-
ið utan í vegriðið að undanförnu og
lagfæringar hafi ekki verið gerðar á
því. „Mér er óskaplega illa við að
mannskapurinn sé þarna í vitlausu
veðri,“ segir Páll. Í Svínahrauni
reyndist erfitt að lagfæra vírinn þar
sem starfsmenn Vegagerðarinnar
náðu staurunum ekki upp.
Stikur á víð og dreif
Um ástæður þess að ítrekað skuli
vera ekið utan í vírinn á sömu veg-
arköflunum vill Páll ekki fullyrða.
Stikurnar meðfram veginum hafa
ekki síður en vegriðin orðið fyrir
barðinu á ökutækjum í vetur og eiga
þar snjómoksturstæki stærstan
þátt. Stikur vantar víða á löngum
köflum og hafa ökumenn átt óhægt
um vik í blindbyl þegar engar eru
stikurnar. „Við erum ekki í stikum
og vegriðum í veðri eins og verið hef-
ur. Það er alltaf eitthvert fólk sem
ekki tekur tillit til okkar,“ segir Páll.
Þegar tímafrekar holuviðgerðirnar á
vegunum eru afstaðnar ætti að gef-
ast tími til að lagfæra stikur og fleira
en eins og staðan er í dag má sjá gulu
stikurnar, stuttar og langar, á víð og
dreif í námunda við Suðurlandsveg-
inn og ljóst að hreinsunarstarfið
mun teygja sig langt út í mosa þegar
þar að kemur.
Margir ekið á vírinn í
kröppum beygjum
 Varasamt að senda mannskap til að gera við víravegriðin
Morgunblaðið/Malín Brand
Vír Víravegriðið á Suðurlandsvegi hefur ekki verið lagfært að undanförnu.
Vegrið af ýmsum gerðum eru til og
fer valið alfarið eftir aðstæðum
hverju sinni. Tekið er mið af því
hvernig landið liggur og hvort snjór
kunni að safnast upp á veginum sem
um ræðir. Vír hentar sums staðar en
á öðrum stöðum gæti svonefnt „rör“
einnig komið til skoðunar og svo má
áfram telja. Tilgangurinn er sannar-
lega að takmarka þann skaða sem
verður þegar bíl er ekið út af veg-
inum og eru vegrið í dag þannig úr
garði gerð að þau eiga að gefa eftir
og halda bílnum í réttri akstursátt
svo hann fari ekki yfir á akrein um-
ferðarinnar á móti og framan á bíla
þar, út í sjó, ofan í skurði og svo
framvegis. Á kafla á Vesturlands-
vegi, skammt frá Álafossi í Mos-
fellsbæ, hefur verið sett rör eins og
sjá má á meðfylgjandi mynd. Að-
spurður hvort til tals hafi komið að
nota rör í kröppu beygjunum í
Kömbunum segir Kristján Krist-
jánsson, forstöðumaður hjá Vega-
gerðinni, að margar breytur hafi ver-
ið í þeirri jöfnu.
„Það er margt frábrugðið í Kömb-
um og Mosfellsbæ. Í Kömbum erum
við nokkuð hátt fyrir ofan sjávarmál.
Við vitum það að áhrif í skafrenn-
ingi, kófmyndun, eru miklu meiri í
bitum og rörum, eða massívum veg-
riðum, heldur en í vírnum. Kófið er
skyggnisvandamál,“ segir Kristján.
Tillit hafi verið tekið til þess og þótti
ekki ráðlegt að koma upp vegriði sem
mögulega gæti gert skyggni í erfiðri
færð verra.
„Í annan stað er það að ef ekið er á
bitavegrið eða rörið þá skemmist það
og er bæði tímafrekt og dýrt að koma
því í samt lag aftur. Í stað þess að vír-
inn má hengja upp á mjög skömmum
tíma. Þannig að vegfarandi sem
næstur lendir í óhappi, lendir að öll-
um líkindum á vegriði sem komið hef-
ur verið í samt lag, sem ekki myndi
vera í hinu tilvikinu,“ segir Kristján.
Það er ljóst að þegar vegrið er val-
ið þarf að vega og meta fjölmarga
þætti og ekki hægt að ganga út frá
því að það sem vel virkar á einum
stað virki vel á öðrum, enda aðstæður
sjaldan samanburðarhæfar.
malin@mbl.is
Ljósmynd/Ólafur Guðmundsson
Rör Vegrið sem hentar á Vesturlandsvegi en kannski ekki í Kömbum.
Rörið laut í lægra
haldi fyrir vírnum
 Að mörgu að huga við val á vegriði
Brynjólfur Þorkelsson
Framkvæmdastjóri
binni@remax.is
Sylvía Walthers
Löggiltur fasteignasali
sylvia@remax.is
„...veittu mér framúrskarandi
þjónustu í alla staði,
mæli hiklaust
með þeim!“
Katrín
Skeifunni 17
Vilt þú vita hvers virði
eignin þín er í dag?
Pantaðu frítt söluverðmat án skuldbindinga!
HRINGDU NÚNA 820 8080