Morgunblaðið - 15.04.2015, Blaðsíða 4
4 FRÉTTIRInnlent
MORGUNBLAÐIÐ MIÐVIKUDAGUR 15. APRÍL 2015
ferðaskrifstofa hafa til þess þessi
leyfi Ferðamálastofu. Elín segir að
Ferðamálstofu berist nokkuð af
ábendingum um aðila sem selji
ferðir án þess að vera með leyfi.
„Stundum er þetta einfaldlega
vegna vanþekkingar,“ segir Elín.
„Viðkomandi er jafnvel með leyfi
fyrir annars konar starfsemi sem
tengist ferðaþjónustu, t.d. gistingu
eða veitingarekstri, og áttar sig
ekki á því að annars konar leyfi
þarf til að fara með fólk í ferðir. Við
gefum út merki, sem leyfishöfum er
skylt samkvæmt lögum að auð-
kenna sig með í auglýsingum og
kynningum, þannig að það ætti
ekkert að fara á milli mála hvort
fólk er með leyfi eða ekki.“
Elín en meðal gagna sem skila þarf
inn er fyrirtækjaskrárvottorð,
saka- og búsetuvottorð og staðfest-
ing um ábyrgðartryggingu sem ætl-
að er að tryggja viðskiptavini leyf-
ishafa meðan á ferð stendur.
Elín segir að undanfarið hafi ver-
ið talsvert um að leyfi hafi verið
veitt vegna jeppaferða. „Þá eru
stuttar dagsferðir og skoðunar-
ferðir, eins og t.d. gullni hring-
urinn, alltaf algeng ástæða leyfis-
veitinga og það virðist ekkert lát á
þeim,“ segir Elín.
Ætti ekki að fara á milli mála
Samkvæmt lögum um skipan
ferðamála skal hver sá sem hyggst
starfa sem ferðaskipuleggjandi eða
Anna Lilja Þórisdóttir
annalilja@mbl.is
Það sem af er þessu ári hefur
Ferðamálastofa gefið út 31 leyfi til
ferðaskipuleggjenda og 19 ferða-
skrifstofuleyfi. Nú eru samtals tæp-
lega 1.000 slík leyfi virk, 720 leyfi af
fyrrnefndu gerðinni og 246 af þeirri
síðarnefndu. Talsvert bættist við af
leyfum í fyrra, þegar gefin voru út
118 ferðaskipuleggjendaleyfi og 48
ferðaskrifstofuleyfi. Starfsemi af
þessu tagi er leyfisskyld, en nokkuð
er um að einstaklingar og fyrirtæki
sem ekki hafa til þess leyfi skipu-
leggi og selji ferðir.
Sá sem er með ferðaskipuleggj-
endaleyfi má selja og skipuleggja
ferðir sem eru allt að 24 tíma lang-
ar. Slíkar ferðir geta t.d. verið ferð-
ir um gullna hringinn, hestaferðir
eða hvalaskoðunarferðir. Ferða-
skrifstofuleyfi veitir sömu réttindi
og ferðaskipuleggjendaleyfi og að
auki má handhafi þess selja og
skipuleggja ferðir sem eru lengri
en 24 tímar, svokallaðar alferðir.
Að sögn Elínar Svövu Ingvars-
dóttur, verkefnastjóra hja Ferða-
málastofu, varð sprenging í útgáfu
leyfa af báðum tegundum árið 2013
og hefur þeim fjölgað jafnt og þétt
síðan.
Jeppaferðir vinsælar
„Það er talsvert um umsóknir í
hverjum mánuði og fólki er almennt
ekki synjað um leyfi ef það skilar
inn þeim gögnum sem þarf,“ segir
Morgunblaðið/Eggert
Ferðamenn á Íslandi Handhöfum leyfa til að skipuleggja og selja ferðir og reka ferðaskrifstofur hefur fjölgað mjög.
Um 1.000 hafa leyfi til
að skipuleggja ferðir
Leyfi Ferðamálastofu eftirsótt Nokkuð um leyfislausa
Samkvæmt upplýsingum frá Samgöngustofu eru
135 aðilar með starfsleyfi til að reka bílaleigu hér á
landi. Það er svipað og í fyrra þegar 139 bílaleigur
höfðu starfsleyfi, en ekki er ljóst hvort allar þessar
bílaleigur starfa allt árið eða eingöngu hluta þess,
eins og t.d. á sumrin. Samgöngustofa veitir þessi
leyfi og hefur eftirlit með starfseminni.
Á lista á síðu Samgöngustofu má sjá að all-
flestar bílaleignanna eru staðsettar í Reykjavík
eða á höfuðborgarsvæðinu og sumar gætu verið
með fleiri starfsstöðvar en eina.
135 bílaleigur á Íslandi
ÁLÍKA MARGIR LEIGJA ÚT BÍLA NÚ OG Í FYRRA
Baldur Arnarson
baldura@mbl.is
Sigurður Bessason, formaður Efling-
ar, segir kjaraviðræðum Flóafélag-
anna og Samtaka atvinnulífsins verða
að óbreyttu vísað til ríkis-
sáttasemjara fyrir helgi. Ekkert hafi
miðað í samkomulagsátt.
Eftir að málum hefur verið vísað til
ríkissáttasemjara og verði sáttaum-
leitanir þar án árangurs segir Sigurð-
ur „blasa við“ að það geti komið til
verkfalla.
Sú ákvörðun verður borin undir
120 manna samninganefnd Flóafélag-
anna þar sem tekin verður afstaða til
þess hvort efna eigi til verkfalla og
e.t.v. allsherjarverkfalls.
Alls um 27.000 félagsmenn
Undir Flóafélögin heyra verkalýðs-
félögin Efling, Hlíf og VSFK. Um
27.000 félagsmenn eru í Flóafélögun-
um og eru 18.-19.000 á almennum
vinnumarkaði. Hinir starfa hjá ríki og
sveitarfélögum og á hjúkrunarheim-
ilum.
„Við eigum fund með Samtökum
atvinnulífsins [á morgun] og þá kem-
ur í ljós hvort orðið hafa einhverjar
hreyfingar sem skipta máli. Við erum
komin á leiðarenda og það er ljóst að
ekki verður haldið lengra. Því er
tímabært að halda fund um framhald-
ið,“ segir Sigurður.
„Mér sýnist á öllu að það séu meiri
líkur en minni á að eftir fimmtudag-
inn munum við annaðhvort vísa mál-
inu til ríkissáttasemjara eða við,
ásamt Samtökum atvinnulífsins …
Ég held að það séu hvergi nein merki
um að það séu samningar í spilunum á
næstunni. Það styttist í að taka þurfi
ákvörðun um framhaldið sem kann að
enda í átökum. Við höfum hins vegar
ekki tekið ákvörðun um það.“
Hvernig myndi almenningur finna
fyrir verkföllum hjá Flóafélögum?
„Það hefði gríðarlega víðtækar af-
leiðingar. Okkar félagsmenn starfa á
öllum sviðum þjóðfélagsins, til dæmis
í fluginu, hafnarstarfsemi, í bygging-
ariðnaði, fiskvinnslu, við ræstingar,
hjá öryggisfyrirtækjum og við mjólk-
urframleiðslu,“ segir Sigurður.
„Við erum komin á leiðarenda“
Formaður Eflingar segir ekkert miða í kjaraviðræðum Flóafélaganna og Samtaka atvinnulífsins
Deilan fari að óbreyttu til ríkissáttasemjara fyrir helgi Verkföll félaganna muni hafa víðtæk áhrif
Rann út 28. febrúar
» Síðasti kjarasamningur
Flóafélaganna var undirritaður
1. apríl 2014 og var afturvirkur
til 1. mars það ár. Hann gilti til
28. febrúar sl.
» Sá samningur átti að vera
aðfarasamningur að lengri
samningi en félögin ákváðu í
haust að semja aðeins til árs.
Sunna Sæmundsdóttir
sunna@mbl.is
Framkvæmdir við Hörpuhótel eiga
að hefjast í haust og stefnt er að
opnun þess vorið 2018. Samningar
hafa náðst við bandaríska fast-
eignafélagið Carpenter & Company
um byggingarréttinn.
Carpenter mun reisa 250 her-
bergja fimm stjörnu hótel á lóðinni
og í framhaldinu fela rekstur þess
leiðandi alþjóðlegum hótelrekstr-
araðila. Þetta kom fram á blaða-
mannafundi í Hörpu í gær þar sem
Dagur B. Eggertsson borgarstjóri,
Richard L. Friedman, forstjóri Car-
penter & Company, og Höskuldur
H. Ólafsson, bankastjóri Arion
banka, kynntu verkefnið.
Carpenter er viðurkenndur
rekstraraðili hótelverkefna í Norð-
ur-Ameríku og hefur meðal annars
unnið með hótelkeðjum líkt og St.
Regis, Four Seasons, Marriott,
Hyatt og Starwood.
Samið hefur verið við íslensku
verkfræðistofuna Mannvit og
T.ark-arkitekta um hönnun og
stjórnun framkvæmda.
Friða holuna við Hörpu
Dagur sagði að þróun skipulags
og nýtingar gamla hafnarsvæðisins
í Reykjavík hefði um alllangt skeið
verið mikilvægt viðfangsefni borg-
aryfirvalda. Þá benti hann á holuna
sem staðið hefur við hlið Hörpu.
„Það var alveg á mörkunum að
menn færu að friða hana vegna ald-
urs,“ sagði Dagur léttur í bragði.
Friedman sagðist mjög spenntur
fyrir verkefninu og bætti við að
Carpenter hefði unnið að því í um
það bil ár. Þá sagði hann þetta
fyrsta hótelið erlendis. „Við ætlum
að byggja besta hótel á Íslandi,“
sagði Friedman og bætti við að
byggingarsvæðið við Hörpu væri
eitt það allra flottasta í heimi.
Þá benti hann jafnframt öllum
þeim sem hefðu einhverjar hug-
myndir fyrir hótelið á að hafa sam-
band við Carpenter.
Verður fyrsta
fimm stjörnu
hótelið á Íslandi
Framkvæmdir við Hörpuhótel hefj-
ast í haust „Besta hótel á Íslandi“
Morgunblaðið/Kristinn
Hótel Dagur Eggertsson, Richard
Friedman og Höskuldur Ólafsson.
Dansvörur
Einnig mikið af
fylgihlutum og
gjafavöru
Frábært úrval af ballett- og dansfatnaði
fyrir alla aldurshópa
Háaleitisbraut 68 • sími 568 4240
Opið: mán.–fös. 10–18, lau. 10–16
Ástund dance
Góð þjónusta