Morgunblaðið - 16.04.2015, Side 2

2 FRÉTTIRInnlent
MORGUNBLAÐIÐ FIMMTUDAGUR 16. APRÍL 2015
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Bílaeigendur flykktust út í blíðviðrinu í gær til
að þrífa bíla sína og mikið var að gera á bensín-
stöðvum höfuðborgarsvæðisins. Að sögn Krist-
ins Más Waage, starfsmanns Olís í Álfheimum,
var mun meiri erill í gær en síðustu daga en
hann sagði veðrið, sólina og vorið í loftinu hafa
haft mikið með það að gera. Margir halda líklega
í vonina um að veður haldist áfram gott næstu
daga svo bílarnir verði ekki fljótt skítugir á ný.
Þvoðu bílfáka sína í blíðunni
Morgunblaðið/Ómar
Mikill erill á bensínstöðvum höfuðborgarsvæðisins þegar vorið lét loksins sjá sig
Brynja Dögg Guðmundsd. Briem
brynjadogg@mbl.is
Sífellt fleiri tilkynningar berast til
Matvælastofnunar um illa meðferð
á dýrum en á vefsíðu stofnunar-
innar, www.mast.is, má finna
ábendingarhnapp þar sem einnig er
mögulegt að senda annars konar
ábendingar eða fyrirspurnir.
Algengustu tilkynningarnar sem
berast Matvælastofnun eru vegna
illrar meðferðar á dýrum, þá sér-
staklega illrar meðferðar á hundum
og hrossum. Af 640 ábendingum á
árinu 2014 voru 532 sem vörðuðu
velferð dýra.
Ábendingar undir
nafni eða ekki
Hægt er að senda tilkynningu
undir nafni eða nafnlaust, oft er þó
betra að bregðast við ábendingu ef
tilkynnandi getur nafns, svo hægt
sé að hafa samband ef þörf er á
ítarlegri upplýsingum fyrir rann-
sókn á ábendingu.
Í kjölfar tilkynningar til Mat-
vælastofnunar er ábending send
umdæmisskrifstofu viðeigandi hér-
aðsdýralæknis. Héraðsdýralæknir
eða eftirlitsaðili á hans vegum fer á
vettvang og kannar aðstæður. Ef
ábending er á rökum reist og talið
að dýr hafi sætt vanrækslu eða
annarri illri meðferð þarf að grípa
til aðgerða. „Það getur verið fram-
kvæmd úrbóta á kostnað eiganda,
beiting dagsekta eða stjórnvalds-
sekta, stöðvun á starfsemi, kæra til
lögreglu eða vörslusvipting. Með
vörslusviptingu er hægt að leggja
tímabundið bann við dýrahaldi eða
fara fram á að dýraeigandi verði
sviptur með dómi heimild til að
hafa dýr í umsjá sinni hafi hann
gerst sekur um stórfellt eða ítrekað
brot á lögunum,“ segir Hjalti
Andrason, fræðslustjóri Matvæla-
stofnunar.
Hann vill hvetja almenning til að
nýta hnappinn og senda ábendingar
ef menn verði varir við að það sé
verið að fara illa með dýr.
Dýraníð oftar tilkynnt
 Hnappur á vef MAST  Oftast tilkynnt um illa meðferð á hundum og hrossum
Morgunblaðið/Sigurður Bogi
Matvælastofnun Hægt er að koma ábendingum á framfæri á vef MAST.
Baldur Arnarson
baldura@mbl.is
Fulltrúar Íbúðalánasjóðs gengu í
gær frá sölu á fasteignasafni til
ónafngreindra kaupenda. Um er að
ræða fjórða fasteignasafnið af sjö
sem seld verða í einu lagi eftir útboð
í fyrrahaust, alls um 400 íbúðir.
Sigurður Erlingsson, forstjóri
sjóðsins, segir að líkt og við sölu fyrri
fasteignasafna ríki trúnaður um
kaupendur þess fjórða og að ekki
verði veittar upplýsingar um kaup-
verðið eða meðalstærð íbúðanna í
fermetrum.
Stefnt var að því að ganga frá
samningum um sölu þessara sjö
safna fyrir lok janúar á þessu ári.
Ferli frágangs viðskiptanna reyndist
tímafrekara en áætlað var og segir
Sigurður að nú sé stefnt að því að
ljúka sölunni fyrir sumarið. Fram
kom í kynningu sjóðsins 14. október
síðastliðinn að 19 eignanna 400 séu í
Reykjavík og 34 í Hafnarfirði. Lang-
flestar, eða 151, eru í Reykjanesbæ.
Þá er 71 í Fjarðabyggð, 43 í Fljóts-
dalshéraði og 30 á Akranesi. Sam-
kvæmt kynningunni er samanlagt
fasteignamat fasteignasafnanna sjö
alls um 6,7 milljarðar króna. Tvö
safnanna eru á Suðurnesjum og er
fasteignamat þeirra samtals um 2,4
milljarðar.
Eftir hrunið eignaðist ÍLS fjölda
fullnustueigna og er sala eignasafn-
anna liður í að losa um óseldar eign-
ir. Fram kom í febrúarskýrslu sjóðs-
ins að fjöldi fullnustueigna var þá
1.788 og voru 809 íbúðir í útleigu.
Íbúðalánasjóður gengur
frá sölu á fasteignasafni
Morgunblaðið/Sigurður Bogi
Reykjanesbær Flestar eignirnar í
söfnunum sjö eru á Suðurnesjum.
 Hefur nú selt
199 eignir af 400
Verkfalli tækni-
manna í Rafiðn-
aðarsambandinu
hjá RÚV, sem
vera átti í dag,
var afstýrt í gær.
Skrifað var undir
nýjan fyrir-
tækjasamning
milli RÚV og
tæknimanna á
fundi hjá Ríkis-
sáttasemjara. Var samningurinn svo
samþykktur af miklum meirihluta
tæknimanna. Þar með verður ekkert
af fyrirhuguðu verkfalli sem hefði
sett dagskrá RÚV úr skorðum.
„Það er ánægjulegt að það sé
komin niðurstaða í málið,“ segir
Kristján Þórður Snæbjarnarson,
formaður Rafiðnaðarsambandsins.
Samningurinn er tengdur við aðal-
kjarasamninginn sem er mikil óvissa
um. „Þarna var verið að taka á rétt-
indum og skyldum starfsmanna því
það var mikilvægt að fá það niður á
blað,“ segir Kristján.
Samið á
síðustu
stundu
Áfram RÚV mun
starfa eðlilega.
 Tæknimenn RÚV
fara ekki í verkfall
Hópur mótmæl-
enda kom saman
fyrir framan Al-
þingishúsið í gær
og mótmælti því
að ekki væri haf-
in rannsókn á
einkavæðingu
bankanna þrátt
fyrir að sam-
þykkt hefði verið
af Alþingi þings-
ályktunartillaga fyrir 888 dögum
um að það yrði gert. Mótmælendur
reyndu að kríta töluna 888 á gang-
stéttina við þinghúsið en þingverðir
komu þá út með garðslöngu og
skoluðu það af stéttinni. Karlmaður
úr röðum mótmælenda reyndi að
koma í veg fyrir það en var þá snú-
inn niður af þingverði.
„Þessi vinnubrögð þingvarða eru
algerlega ólíðandi. Þetta verður
tekið fyrir í forsætisnefnd,“ skrif-
aði Birgitta Jónsdóttir, kafteinn Pí-
rata, á Facebook í gær, en Jón Þór
Ólafsson, Pírati og áheyrnarfulltrúi
þeirra í forsætisnefnd, hefur sent
Einari K. Guðfinnssyni þingforseta
bréf þar sem óskað er eftir því að
hann rannsaki málið.
Vilja rannsókn á
átökum við þingið
Alþingi Maðurinn
var snúinn niður.
Skrifstofu og verslunarrými
til leigu í Firði
Fyrirspurnir sendist á
fjordur@fjordur.is
Fjörður - í miðbæ Hafnarfjarðar!
– í miðbæ Hafnarfjarðar