Morgunblaðið - 16.04.2015, Qupperneq 14

14 FRÉTTIRInnlent
MORGUNBLAÐIÐ FIMMTUDAGUR 16. APRÍL 2015
Tilboðsdagar
Veltisög ogmultisög
SDS-MAX Brotvél
Gerð: HM1203C
Mótor: 1510 wött
Brotkraftur : 19,1 Joule
Þyngd : 9,7 kg
SDS-Plus Brotvél
Gerð: HR2470
Mótor: 780 wött
Brotkraftur : 2,4 Joule
Þyngd : 2,9 kgBrotvélatilboð
TILBOÐSVER
Ð
140.000- m/v
sk
TILBOÐSVER
Ð
150.000- m/v
sk
ÞÓR HF
Reykjavík:
Krókháls 16
110 Reykjavík
Sími 568-1500
Akureyri:
Lónsbakka
601 Akureyri
Sími 568-1555
Vefsíða:
www.thor.is
ÚR BÆJARLÍFINU
Skapti Hallgrímsson
Akureyri
Leikfélag Akureyrar hefur fengið
frest þar til í ársbyrjun 2018 til að
greiða af láni sem það fékk á sínum
tíma hjá Akureyrarbæ, vegna erfið-
leika í rekstri. Eftirstöðvar lánsins
eru rúmar níu milljónir króna.
  
Menningarfélagið óskaði eftir
því að bærinn felldi niður útistand-
andi skuld LA eða frestaði láninu á
meðan á þriggja ára upphafstímabili
Menningarfélagsins stendur. Félag-
ið tók til starfa fyrir nokkrum miss-
erum, stofnað til að sjá um rekstur
LA, Sinfóníuhljómsveitar Norður-
lands og menningarhússins Hofs.
  
Fjórtánda Kirkjulistavika í Ak-
ureyrarkirkju hefst á sunnudag og
verður fyrsti dagurinn að miklu leyti
helgaður minningu Davíðs Stefáns-
sonar frá Fagraskógi.
  
Hátíðin hefst með Davíðsmessu
þar sem séra Karl Sigurbjörnsson
biskup prédikar. Tónlistin í mess-
unni verður að mestu leyti við ljóð
Davíðs. Ásamt Kór Akureyrarkirkju
syngur Elvý G. Hreinsdóttir og
Birkir Blær Óðinsson leikur á gítar.
  
Að messu lokinni verður opnuð
myndlistarsýning í Safnaðarheim-
ilinu og kapellu þar sem þau Joris
Rademaker og Guðrún Pálína Guð-
mundsdóttir sýna verk sín. Klukkan
12.30 hefjast Davíðstónleikar þar
sem þau Kristjana Arngrímsdóttir
söngkona og Kristján Eldjárn
Hjartarson gítarleikari flytja lög við
ljóð Davíðs Stefánssonar.
  
Sönghópurinn Hljómeyki flyt-
ur messu fyrir tvo kóra eftir Frank
Martin ásamt fleiri verkum á tón-
leikum sem hefjast klukkan 17 í
kirkjunni og um kvöldið teygir há-
tíðin sig til Dalvíkur þar sem verður
æðruleysismessa í Dalvíkurkirkju.
Nánar á vef kirkjunnar, akirkja.is.
  
Leikfélag Menntaskólans á Ak-
ureyri, LMA, frumsýnir söngleikinn
Rauðu mylluna í Sjallanum í kvöld.
Þetta er leikgerð Garúnar leikstjóra
eftir sögu Baz Luhrmann, en marg-
ar leikgerðir eru til um efni sög-
unnar; lífið á veitingastaðnum, hinni
alræmdu Rauðu myllu í París.
  
Nemendurnir sem standa að
sýningunni eru um 80, leikarar,
dansarar, söngvarar, tónlistarfólk
og hópur manna baksviðs, sem sér
um að allt gangi upp. Þegar hafa
verið auglýstar þrjár aðrar sýn-
ingar, föstudaginn 17. apríl og svo
fimmtudag og föstudag í næstu viku,
23. og 24. apríl.
  
Helgi og hljóðfæraleikararnir
fagna sumri með tónleikum á Græna
Hattinum annað kvöld.
  
Rúnar Júlíusson hefði orðið sjö-
tugur á þessu ári og af því tilefni
voru haldnir tónleikar honum til
heiðurs í Stapa um síðustu helgi sem
verða endurteknir á Græna hatt-
inum á laugardagskvöldið. Ferill
hans verður tekinn fyrir í máli og
músík, Valdimar Guðmundsson,
Margrét Rúnarsdóttir og Magni Ás-
geirsson syngja við undirleik sérval-
innar rokksveitar, eins og það er
orðað í tilkynningu.
  
Talandi um Græna hattinn;
Haukur Tryggvason vert þar á bæ
flytur í sumar til landsins hollensku
rokksveitina Focus sem margir dá
og enn fleiri kannast við. Hún var
stofnuð 1969, hætti 1978 en hóf störf
á ný 2002 og er nú í heimsreisu.
  
Stofnandi Focus, Thijs van
Leer, situr enn við orgelið, spilar á
flautu og syngur og trommarinn
Pierre van der Linden hefur séð um
að lemja húðirnar öll starfsár sveit-
arinnar nema það fyrsta. Gítarleik-
arinn og bassaleikarinn komu síðar
til sögunnar.
Morgunblaðið/Skapti
Vor Akureyri Krakkar héldu upp á það í körfubolta við Oddeyrarskóla í gær að vorið er formlega komið í bæinn.
LA greiðir ekki af
láni næstu þrjú ár
Ágúst Ingi Jónsson
aij@mbl.is
Nýr Bjarni Ólafsson AK 70 mun
væntanlega hefja veiðar undir ís-
lensku flaggi í lok mánaðarins. Út-
gerðarfyrirtækið Runólfur Hall-
freðsson ehf á Akranesi hefur keypt
uppsjávarskipipð Fiskeskjer frá
samnefndri útgerð í Noregi. Jafn-
framt hefur gamli Bjarni Ólafsson
verið seldur til Rússlands.
Hjá útgerðinni í 15-35 ár
Nýja skipið var smíðað í Noregi
1999 og er 67,40 metrar á lengd og
13 metra breitt. Aðbúnaður um borð
er mjög góður og skipið er búið full-
komnustu tækjum, m..a. fullkominni
RVS kælingu. Skipið hélt frá Noregi
í gær til kolmunnaveiða og er hluti
Íslendinganna í áhöfn Bjarna með í
för til að kynnast nýja skipinu.
Gamli Bjarni Ólafsson var byggð-
ur í Noregi 1978 og bar þá nafnið Li-
bas. Útgerðin á Akranesi keypti
skipið 1998 og hefur það reynst mjög
vel, en er komið hátt á fertugsaldur-
inn. Skipið er 73 metrar á lengd og
11,60 m. á breidd. Í áhöfn nýja skips-
ins verða 1-2 færri hverju sinni held-
ur en á gamla skipinu, en engin
breyting verður þó á mannahaldi út-
gerðarinnar. Flestir skipverjarnir
hafa verið hjá fyrirtækinu í 15-35 ár.
Skipstjórar á Bjarna Ólafssyni
eru þeir bræður Gísli og Runólfur,
synir Runólfs Hallfreðssonar heitins
og Ragnheiðar Gísladóttur. Hún
verður áttræð í haust og er fram-
kvæmdastjóri fyrirtækisins. Fjöl-
skyldan á 62% í fyrirtækinu, en Síld-
arvinnslan í Neskaupstað á 38% í
því.
Þegar Síldarvinnslan og SR-mjöl
runnu saman í eitt fyrirtæki undir
merkjum Síldarvinnslunnar árið
2003 fylgdu ýmis hlutdeildarfyrir-
tæki SR-mjöls með. Eitt þessara
fyrirtækja var Runólfur Hall-
freðsson ehf. og síðan má segja að
Bjarni Ólafsson hafi átt sína aðra
heimahöfn í Neskaupstað. Vonir
standa til að nýr Bjarni Ólafsson AK
komi í fyrsta skipti til heimahafnar á
Akranesi fyrir sjómannadag í byrjun
júní.
Flytur lifandi krabba
Rússneskt fyrirtæki í Vladivostok
keypti gamla skipið sem heldur frá
landinu um næstu helgi. Skipið fær
nú ný verkefni því stefnt er að því að
um borð verði safnað saman lifandi
krabba úr veiðiskipum á krabba-
miðum og komið með krabbann að
landi. Frá Vladivostok verður
krabbinn síðan keyrður til Suður-
Kóreu.
Fiskeskjer Norska skipið er nú á kolmunnaveiðum og er hluti áhafnar Bjarna Ólafssonar um borð.
Endurnýja með kaupum
á norsku uppsjávarskipi
 Fá 16 ára skip í stað Bjarna Ólafssonar AK sem er 37 ára