Morgunblaðið - 16.04.2015, Side 44

FIMMTUDAGUR 16. APRÍL 106. DAGUR ÁRSINS 2015
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 460 ÁSKRIFT 4995 HELGARÁSKRIFT 3120 PDF Á MBL.IS 4420 I-PAD ÁSKRIFT 4420
1. Meðferð drengsins mun taka tíma
2. Mennirnir unnu mikið þrekvirki
3. Voru hugsanlega að ná í bolta
4. Hindruðu för slökkviliðsins
»MEST LESIÐ Á mbl.is
FÓLK Í FRÉTTUM
 Nýr söngleikur eftir söngvarann
Þór Breiðfjörð verður frumsýndur í
kvöld kl. 19 í Iðnó. Söngleikjadeild
Söngskóla Sigurðar Demetz flytur
söngleikinn og leikstjóri er Valgerður
Guðnadóttir söngkona. Efniviðurinn
er sagan sígilda um gullna hliðið,
kerlingu og sálina hans Jóns sem
þarf að komast upp til himna þótt
Jón hafi verið fyllibytta og syndari í
lifanda lífi. Kerling og Jón þramma til
himna og hitta á leið sinni fræga
þingmenn, þjófa, engla, verði himna-
hliðsins og djöfulinn sjálfan, eins og
segir um söngleikinn á Facebook-
síðu helgaðri honum. Lögin eru eftir
ýmsa söngleikjahöfunda með textum
eftir Þór að undanskildum einum
sem er eftir Öldu Dís Arnardóttur
sem fór með sigur af hólmi í hæfi-
leikakeppninni Ísland Got Talent 12.
apríl sl. Söngleikjadeild Söngskóla
Sigurðar Demetz er á öðru ári sínu
undir stjórn Þórs og Valgerðar.
Frumflytja nýjan
söngleik eftir Þór
 Útgáfu fjórða heftis tímaritsins En-
demi sem fjallar um íslenska sam-
tímalist verður fagnað í
dag kl. 20 í húsakynnum
Myndhöggvarafélags
Reykjavíkur á Nýlendu-
götu 15. Listamenn út-
gáfunnar munu þar
flytja gjörninga og
sýna vídeóverk,
þ. á. m. Curver
Thoroddsen og
Freyja Eilíf Loga-
dóttir.
Listamenn fagna út-
gáfu Endemis nr. 4
Á föstudag Sunnan og suðvestan 8-13 m/s og rigning sunnan-
og vestanlands og hiti 3 til 9 stig. Hiti 6 til 12 stig.
Á laugardag og sunnudag Suðlæg átt 8-13 m/s og súld með
köflum sunnan- og vestanlands. Hiti 4 til 14 stig að deginum.
SPÁ KL. 12.00 Í DAG Léttskýjað norðan- og austanlands. Hiti 2 til
10 stig að deginum, en 8 til 15 stig norðan- og austanlands.
VEÐUR
Andri Már Helgason og
Steindór Ingason, lands-
liðsmenn í íshokkíi, spila
með Almaguin Spartans,
liði úr þúsund manna bæ í
Kanada, mesta íshokkí-
landi heimsins. „Það eina
sem við gerðum var að æfa
og spila hokkí og fara í
ræktina,“ segja þeir fé-
lagar sem bíða eftir slagn-
um við Spánverja á heims-
meistaramótinu í
Laugardalnum í kvöld. »4
Spila með liði í
smábæ í Kanada
Luis Suárez lék við hvern sinn fingur
með Barcelona í gærkvöldi þegar lið-
ið vann PSG í París, 3:1, í fyrri viður-
eign liðanna í 8-liða úrslitum Meist-
aradeildar Evrópu í knattspyrnu.
Hinn umdeildi Suárez skoraði tvö af
mörkum liðsins eftir að hafa leikið
varnarmenn franska liðsins grátt. Í
hinni viðureign
kvöldsins í keppn-
inni vann Porto
óvæntan sigur á
Bayern München,
3:1. »1
Luis Suárez lék varnar-
menn PSG grátt
Tindastóll frá Sauðákróki tryggði sér
í gærkvöldi rétt til þess að leika til úr-
slita um Íslandsmeistaratitilinn í
körfuknattleik í annað sinn í sögu
sinni. Tindastóll vann Hauka í þriðja
sinn í fjórum leikjum liðanna í undan-
úrslitum, 69:62. Oddaleik þarf annað
kvöld í rimmu KR og Njarðvíkur eftir
að KR tapaði í Ljónagryfjunni í gær-
kvöldi, 97:81. »2
Tindastóll í úrslit í ann-
að sinn í sögu sinni
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Steinþór Guðbjartsson
steinthor@mbl.is
Skagfirðingar eru þekktir gleði-
menn og nú hefur verið ákveðið að
blása til nýrrar tónlistarhátíðar í
Skagafirði laugardagskvöldið 27.
júní næstkomandi. „Hún verður í
anda Bræðslunnar á Borgarfirði
eystri en með skagfirsku yfir-
bragði,“ segir Áskell Heiðar Ás-
geirsson, helsti hvatamaður beggja
hátíðanna.
Bræðurnir Heiðar og Magni Ás-
geirssynir hafa ásamt Ægi Ás-
björnssyni haldið utan um Bræðslu-
tónleikana frá upphafi. Heiðar og
Ægir búa í Skagafirði og hefur lengi
blundað í þeim að skipuleggja þar
tónlistarhátíð. Þeir hafa leitað að
rétta staðnum og þegar hann fannst
var ekkert til fyrirstöðu. „Við dutt-
um niður á þá hugmynd að halda há-
tíð hjá Viggó Jónssyni og fjölskyldu
á Reykjum á Reykjaströnd, þar sem
þau reka ferðaþjónustu, höfum feng-
ið með okkur frábært tónlistarfólk
og nú er bara að kýla á þetta,“ segir
Heiðar.
Fyrir alla fjölskylduna
Á Drangey Festival - þar sem
vegurinn endar - koma meðal annars
fram Emiliana Torrini, Jónas Sig-
urðsson og hljómsveit, Contalgen
Funeral og fleiri og lagt er upp með
fjölbreytta tónlist í fallegu umhverfi.
Heiðar leggur áherslu á að ekki sé
um útihátíð af gamla skólanum að
ræða heldur tónleika fyrir alla fjöl-
skylduna. „Emiliana Torrini kom
fram á fyrstu Bræðslunni 2005 og
það er mjög ánægjulegt að hafa
hana líka með í því að koma Drangey
Festival af stað. Bæði hún og Jónas
eru miklir vinir mínir auk þess að
vera framúrskarandi tónlistarfólk
og það eru forréttindi að fá að búa til
svona viðburð með vinum sínum,“
segir hann.
Heiðar bendir á að tónlistarstað-
urinn sé einstakur frá náttúrunnar
hendi, við ysta haf og í mikilli nánd
við Drangey. Ákveðið hafi verið að
halda hátíðina lokahelgina í júní í
tengslum við skagfirsku bæjarhátíð-
ina Lummudaga, sem á sér orðið
nokkurra ára sögu. „Á Lummudög-
um kemur fólk saman og gerir sér
glaðan dag og víða eru til dæmis
skipulögð götugrill,“ segir Heiðar.
„Við höfum hugsað okkur að Drang-
ey Festival verði lokapunkturinn á
Lummudögum, þegar fólk er búið að
grilla er upplagt að renna á tón-
leikana til okkar,“ segir Heiðar.
Takmarkaður fjöldi miða er í boði,
en miðasala hefst á midi.is 4. maí nk.
Innifalið í miðaverðinu verður tjald-
stæði á Reykjum og bað í Grettis-
laug.
Sveifla í anda Bræðslunnar
 Drangey Festi-
val þar sem
vegurinn endar
Skipuleggjendur Áskell Heiðar og Guðbrandur Ægir sjá um nýja tónlistarhátíð ásamt Viggó Jónssyni.
Ljósmynd/Aldís Fjóla Borgfjörð Ásgeirsdóttir
Emiliana Torrini Hún kom fram á fyrstu Bræðslunni og verður í Skagafirði.