Morgunblaðið - 18.04.2015, Blaðsíða 2
2 FRÉTTIRInnlent
MORGUNBLAÐIÐ LAUGARDAGUR 18. APRÍL 2015
Grágæs ein, er merkt var sem ungi á Blönduósi
árið 2000 með fótamerkinu AVP, lét sjá sig í gær
í gamla bæjarhlutanum á sömu slóðum og hún
hefur haldið sig síðastliðin fimmtán ár. Farfugl-
arnir flykkjast nú til landsins hver á fætur öðr-
um eftir því sem nær dregur sumri. Brynjúlfur
Brynjúlfsson, starfsmaður Fuglaathugunar-
stöðvar Suðausturlands, segir grágæsir og heið-
argæsir byrja að tínast til landsins í lok mars og
byrjun apríl, en þær dvelji hér fram í október.
„Merkingarnar segja meðal annars til um
varpstöðvar, vetrarstöðvar, farleiðir og aldur,“
segir Brynjúlfur. Gæsirnar eru merktar annað-
hvort með hólk um háls eða um fót ásamt núm-
eruðu stálmerki ef hitt skyldi brotna af.
Kann vel við sig á æskuslóðunum
Morgunblaðið/Jón Sigurðsson
Gæsirnar flykkjast til landsins á þessum árstíma
Agnes Bragadóttir
agnes@mbl.is
Á fundi umhverfis- og skipulags-
ráðs Reykjavíkurborgar á þriðju-
dag var tekin fyrir umsókn Vals-
manna hf. „um leyfi til að byggja
staðsteypt 3-5 hæða randbyggt fjöl-
býlishús, ellefu stigahús með 134
íbúðum og atvinnuhúsnæði á jarð-
hæð að Snorrabrautarás á tveggja
hæða bílageymslu með 134 stæðum
á lóð nr. 1-7 við Hlíðarenda,“ líkt og
segir í fundargerð.
Afgreiðslu málsins var frestað á
fundinum, en Brynjar Harðarson,
framkvæmdastjóri Valsmanna hf.,
gerir sér vonir um að málið verði
afgreitt á næstu vikum.
Brynjar sagði í samtali við Morg-
unblaðið í gær að um væri að ræða
um 30 þúsund fermetra hús eða 93
þúsund rúmmetra.
Ofboðslega stórt hús
„Byggingarnefndarteikningarnar
eru fullgerðar. Þetta er ofboðslega
stórt hús og nú er umhverfis- og
skipulagsráð að leita skýringa á
einhverjum atriðum sem ráðið telur
að þurfi að skýra betur. Ég tel því
að það sé bara spurning um það
hvort ráðið afgreiðir umsókn okkar
næsta þriðjudag eða þarnæsta,“
sagði Brynjar.
Þegar um-
hverfis- og skipu-
lagsráð Reykja-
víkurborgar hafi
afgreitt umsókn
Valsmanna hf.
segir Brynjar að
næsti fasi verði
verkteikningar,
sem muni taka
nokkra mánuði
og verða kostnaðarsamar.
125 milljóna verksamningur
„Verksamningurinn við arkitekta
og verkfræðinga um arkitekta- og
verkfræðiteikningar hljóðar upp á
125 milljónir króna. Það liggur al-
veg fyrir hjá okkur að við erum
ekki að fara í neinar framkvæmdir,
eða fyrstu skóflustungu fyrr en
Rögnunefndin hefur skilað af sér,
og það þó nokkru eftir að nefndin
skilar sínum niðurstöðum. Það
verður í fyrsta lagi í haust, sem við
fáum framkvæmdaleyfi,“ sagði
Brynjar.
Aðspurður hver áætlaður kostn-
aður Valsmanna hf. við byggingu
Hlíðarenda 1-7 væri sagði Brynjar:
„Framkvæmdakostnaður við þetta
hús er áætlaður á bilinu fimm til
sex milljarðar króna.“
Kostar 5 til 6 milljarða króna
Valsmenn hf. sækja um byggingarleyfi fyrir Hlíðarenda 1-7, samtals um
30 þúsund fermetra byggingu Vonast eftir að fá byggingarleyfi innan skamms
Brynjar
Harðarson
Drengurinn sem lenti í alvarlegu
slysi við Reykdalsstíflu í Hafnarfirði
er vaknaður og kominn úr öndunar-
vél, samkvæmt upplýsingum frá
Landspítalanum. Drengurinn er á
hægum batavegi og verður áfram á
gjörgæsludeild spítalans við Hring-
braut þar sem hann fær viðeigandi
stuðning og meðferð.
Reyndu að ná bolta
Tveir bræður, 9 og 12 ára, ásamt
systur sinni, 11 ára, freistuðu þess
að ná í bolta sem fest hafði í renn-
unni við Reykdalsstíflu fyrr í vik-
unni. Eftir árangurslausar tilraunir
til að ná boltanum tók yngri dreng-
urinn þá afdrifaríku ákvörðun að
fara út í rennuna, samkvæmt frétta-
tilkynningu frá lögreglunni á höfuð-
borgarsvæðinu um rannsókn slyss-
ins. Fram kemur að þegar yngri
drengurinn féll í rennuna tók hann
að sökkva og hringsnúast í hyl, sem
var neðst í rennunni. Eldri bróðirinn
féll einnig í hylinn þegar hann
reyndi að aðstoða þann yngri. Syst-
irin hringdi í móður þeirra sem kom
og hafði samband við Neyðarlínuna.
Móðirin og 16 ára stúlka náðu svo
taki á eldri drengnum en karlmaður
um þrítugt hjálpaði þeim að ná eldri
drengnum úr hylnum en við björg-
unina á þeim yngri féll hann líka í
hylinn.
Björgunarlið kom svo til aðstoðar
og við illan leik náðust allir upp úr
hylnum. Lögreglan vill ásamt fjöl-
skyldu barnanna þakka þeim sem
komu til aðstoðar á vettvangi fyrir
yfirvegun og þrekvirki við erfiðar
aðstæður. laufey@mbl.is »9
Drengurinn vaknaður en
dvelur enn á gjörgæsludeild
Morgunblaðið/Kristinn
Hætta Hringiða myndaðist í hyl
neðan við rennuna og fótfestan lítil.
Festist í hyl og
var hætt kominn
Um helgina gæti hitinn farið upp
fyrir fimmtán stig á norðan- og aust-
anverðu landinu, að sögn Teits Ara-
sonar, veðurfræðings hjá Veður-
stofu Íslands. „Það verður hlýtt loft
yfir landinu, hlý sunnanátt en fyrir
norðan og austan er bjart og hlýjast
núna um helgina,“ segir hann. Á
Suður- og Vesturlandi verður skýjað
að mestu og þurrt en hiti í kringum
sex til tólf stig.
Aðspurður hvort búast megi við
miklum vindi með hlýindunum segir
hann að blása muni hressilega vest-
ast á landinu. „Á norðanverðu Snæ-
fellsnesi verður oftast hvasst í þess-
um aðstæðum,“ segir hann en bætir
við að annars ætti vindurinn ekki að
vera til trafala að neinu ráði.
Landsmenn fá þó ekki að njóta
veðurblíðunnar lengi því það mun
kólna fljótt aftur samkvæmt veður-
spám. „Það verður svalara í næstu
viku,“ segir Teitur. laufey@mbl.is
Spáð hita
og sól um
helgina
Hlýjast á Norð-
ur- og Austurlandi
Morgunblaðið/Eggert
Hiti Landsmenn ættu að geta nýtt
veðurblíðu helgarinnar til útiveru.
François Hol-
lande, forseti
Frakklands, mun
sækja Ísland
heim í október
næstkomandi í
boði Ólafs Ragn-
ars Grímssonar,
forseta Íslands.
Mun Hollande
setja ráðstefnu
hringborðs norð-
urslóða. Ólafur Ragnar er nú stadd-
ur í Frakklandi þar sem hann ræddi
við Hollande um mikilvægi loftslags-
mála og rannsóknir á bráðnun jökla.
Kemur þetta fram í tilkynningu frá
frönsku forsetaskrifstofunni.
Frakklandsforseti
heimsækir Ísland
Francois
Hollande
Fiskiolía og bláber
í einum pakka
• Ónæmiskerfið
• Kolesterol
• Liðina
• Hjartað og æðar
• Gegn skaðlegum sindur-
efnum í frumum líkamans
Sími 555 2992 og 698 7999
Það gerist varla betra fyrir
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.