Morgunblaðið - Sunnudagur - 05.04.2015, Blaðsíða 34

Stjáni blái hámaði sem kunnugt er
í sig spínat til að örva krafta sína
og styrk. Mögulega hefur kapp-
inn skerpt á andlegu atgervi sínu í
leiðinni en ný bandarísk rannsókn
bendir til þess að dulítill skammtur af
þessu græna góðgæti geti haft góð
áhrif á heilastarfsemina.
Vísindamenn við háskólann í
Chicago hafa komist að því að fólk
sem borðar lítið eitt af spínati eða
káli einu sinni eða tvisvar á dag
heldur fullum vitsmunum lengur en
þeir sem gera þetta ekki. Aðrir þætt-
ir eins og menntun, hreyfing og
sjúkrasaga fjölskyldunnar hafa
engin áhrif í þessu sambandi.
Niðurstöðurnar voru kynntar á
mikilli líffræðiráðstefnu í Boston á
dögunum og tóku 950 manns þátt í
rannsókninni. Meðalaldur þátt-
takenda var 81 ár og undirgeng-
ust þeir hvorki fleiri né færri en
nítján ólík próf.
Meðalútkoman var sú að þátt-
takendur sem borðuðu spínat eða
kál einu sinni eða tvisvar á dag
hægðu á andlegri hnignun sinni
um ellefu ár. Það munar um
minna.
Martha Clare Morris, sem fór fyrir rannsókninni, segir K-
vítamínið í spínatinu að öllum líkindum ráða mestu um árang-
urinn.
Sem kunnugt er hverfist Alzheimers-sjúkdómurinn um
rýrnun vitsmuna og Morris veltir fyrir sér hvort spínatið geti
komið þar að gagni. „Einföld og ódýr leið án íhlutunar sem
getur verndað í okkur heilann,“ segir hún.
Það skyldi þá ekki vera? Alltént fékk Stjáni blái ekki Alz-
heimers.
Eða hvað?
NÝ BANDARÍSK RANNSÓKN
Spínat dregur
úr hnignun
andans
Stjáni blái er
ekkert blávatn.
34 MORGUNBLAÐIÐ SUNNUDAGUR 5.4. 2015
Matur og drykkir
Fólk fer á fætur á ýmsum tímum
sólarhringsins. Þess vegna hefur
það um langan aldur verið brot á
mannréttindum margra að geta
ekki pantað sér morgunverð hjá
skyndibitakeðjunni McDonald’s
eftir klukkan 10:30 á morgnana.
Nú er þetta vandamál úr sögunni.
Frá og með þessum mánuði mun
keðjan bjóða upp á morgunverð
allan sólarhringinn. Byrjað verður
á McDonald’s í San Diego í
Bandaríkjunum en að öllum lík-
indum víðar fljótlega.
Vilji maður pönnukökur,
Mcmúffur eða hvaðeina síðdegis
eða á kvöldin verður það sjálfsagt
mál.
Í yfirlýsingu frá McDonald’s
kemur fram að þetta sé gert til að
bregðast við eindregnum vilja við-
skiptavina keðjunnar. Ekki verður
þó sagt að McDonald’s hafi brugð-
ist fljótt við en eins og áhugamenn
um kvikmyndir muna var það
10:30-lokunin sem varð til þess að
persóna Michaels Douglas í Fall-
ing Down gekk af göflunum – og
sú ágæta ræma er frá árinu 1993.
Raunar hefur forsvarsmönnum
McDonald’s snúist mjög hratt
hugur en í febrúar síðastliðnum
var upplýst á samskiptamiðlinum
Twitter að grillin á útsölustöð-
unum rúmuðu hreinlega ekki
morgunverð og hádegisverð á
sama tíma. Mögulega hefur þetta
eitthvað með versnandi afkomu
risans að gera.
Talsmaður McDonald’s sagði í
vikunni að grannt verði fylgst með
tilrauninni í San Diego og gefist
hún vel sé ekkert því til fyrirstöðu
að bjóða upp á þessa þjónustu á
heimsvísu fljótlega.
SKYNDIBITAKEÐJA BREGST VIÐ VILJA VIÐSKIPTAVINA
Mcmorgunverður allan
sólarhringinn
Mcmúffa: Girnileg í morgunsárið.
Michael gamli Douglas tapar áttum í Falling Down um árið.
Robert Parker, einn virtasti vín-
smakkari heims, upplýsir í viðtali við
breska blaðið The Independent að
hann hafi smakkað um 350 þúsund
víntegundir um dagana – að lág-
marki.
„Ég stend enn uppréttur og lifrin
virkar ljómandi vel,“ segir hann létt-
ur í bragði. „Ég tek mjólkurþistil út
af lifrinni og reyni líka að drekka
þrisvar sinnum meira vatn en vín.
Hafi ég verið að smakka drekk ég
yfirleitt ekki vín um kvöldið.“
Spurður hvort hann muni eftir öll-
um vínunum sem hann hafi smakkað
um dagana svarar Parker því til að
svo sé ekki, hann gleymi öllum sem
séu í meðallagi.
Í samtalinu kemur einnig fram að
Parker heldur sig fjarri öllum vín-
framleiðendum til að draga ekki úr
trúverðugleika sínum. Hann við-
urkennir þó að þekkjast einstaka
matarboð lærdómsgildisins vegna.
Því hefur verið haldið fram að
sumir vínframleiðendur hafi lagað
vín sín að smekk Parkers til að fá
hærri einkunn. Sjálfur á hann bágt
með að trúa þessu. „Það væri að
selja sál sína, ég hef engar vísbend-
ingar um þetta. Smekkur minn er
alls ekki eins svarthvítur og sumir
vilja vera láta.“
Þurfa að eldast vel
Parker er mest gefinn fyrir vín sem
eldast vel og segir það taka áratugi
fyrir merki að sanna sig. Mörg yngri
vín geti bragðast vel en gæðin verði
þó aldrei dæmd fyrr en fram líða
stundir.
Að lokum blæs Parker á vanga-
veltur þess efnis að hann sé farinn
að huga að því að setjast í helgan
stein. Hann hefur að vísu þurft að
hægja aðeins á sér undanfarið vegna
bakveiki, þurfti meira að segja að
gangast undir aðgerð, en fullyrðir að
ástríðan fyrir vínsmökkuninni sé
enn sú sama. „Ekki er hægt að
hugsa sér neitt verra en að missa
bragð- og lyktarskynið og geta ekki
lengur neytt áfengis.“
Morgunblaðið/Heiddi
VÍNSMAKKARINN ROBERT PARKER
Hefur smakkað
350 þúsund
víntegundir
Vínsmakkarinn rómaði, Robert Parker.
AFP
Vín er ekki
sama og vín.