Morgunblaðið - Sunnudagur - 05.04.2015, Page 40

Tíska
AFP
AFP
*Leikarinn Antonio Banderas hefur lýst yfir áhuga á því aðhefja nám í fatahönnun í virtasta listaháskóla Bretlands,Central Saint Martins í London. Banderas greindi frá áform-um sínum í breska spjallþættinum Loose Women í síðustuviku. Háskólinn hefur gefið út yfirlýsingu þess efnis að Bande-ras muni stunda nám við skólann. Fatahönnuðirnir Alexander McQueen, John Galliano og
Stella McCartney eru meðal hönnuða sem útskrifaðir eru úr
Central Saint Martins.
Antonio Banderas stefnir á nám í fatahönnun
H
ver hafa verið bestu fatakaupin þín? Þegar ég keypti mér
mínar fyrstu svörtu „skinny jeans,“ það má segja að það
hafi verið skref sem hefði átt að vera tekið fyrir löngu
þar sem það eru einfaldlega bestu kaup sem ég hef gert.
En þau verstu? Föt sem eru allt of dýr sem ég enda með að nota
aldrei, það gerist allt of oft.
Hvar kaupir þú helst föt? Oftast reyni ég að halda aftur af mér
hérna heima og kíki síðan í fríum til London til þess að fylla skáp-
inn. Það er reyndar ein búð hérna heima sem ég er búinn að versla
mjög mikið hjá núna nýlega og heitir hún Neon og er staðsett í
Kringlunni, það vita ekki rosalega margir
af henni þar sem hún er mjög lítil og til-
tölulega ný en þau eru að taka inn flott
og öðruvísi snið af allskonar götufatnaði
sem höfðar alveg gríðarlega til mín.
Manstu eftir einhverjum tískuslysum
sem þú tókst þátt í? Ég var eitt stórt
tískuslys áður, en fyrrverandi yfirmaður
minn í Jack & Jones og kær vinkona,
Sunna Rán Wonder, tók mig undir vernd-
arvæng sinn og kenndi mér allt sem ég
kann um tísku.
Hverju er mest af í fataskápnum? Það
eru hvítir bolir, þröngar svartar buxur og
strigaskór.
Ætlar þú að fá þér eitthvað fyrir sum-
arið? Það sem ég stefni á að fá mér
næst er ljósbrúnn síðfrakki sem er búinn
að vera á listanum ágætlega lengi, ekki
beint sumarlegt en þetta er Ísland, það
var síðast sumar
árið 2012.
Hvernig myndir þú
lýsa þínum fatastíl?
Ég er mjög mikið
fyrir götustílinn, fíla boli og bomberjakka frek-
ar en skyrtu og blazera. Þægilegri valkostur og
býður upp á meiri fjölbreytileika, mér finnst
formal klæðnaður svo einhæfur, alltaf sama
combo, skyrta, jakki og támjóir leðurskór, á
djamminu finnst mér flestir gæjar vera alltaf
eins klæddir (skyrta, blazer, leðurskór), ég kýs-
frekar að vera klæddur í götustílnum einfald-
lega til þess að geta prufað nýja og öðruvísi
hluti í hvert skipti sem ég klæði mig.
Hverju myndir þú aldrei klæðast? Ég er
þokkalega djarfur þannig að það er ekki mikið
af hlutum sem
ég er ekki tilbú-
inn til þess að
prófa, en ég býst
við að víðar gallabuxur séu örugglega
eitthvað sem ég sé ekki fram á að
fara klæða mig í á næstunni.
Hvaða flík eða fylgihlut muntu aldrei
skilja við? Ég hef alltaf verið reglu-
lega að breyta til hvernig ég klæði
mig en það sem virðist ekki ætla að
breytast eru þröngu buxurnar, held að
ég verði skinny jeans-maður „to the
end“.
Uppáhaldslitasamsetning? Hvítt á
svörtu, klikkar ekki.
ÞOKKALEGA DJARFUR
Alex segir fataskápinn
einkennast af hvítum
bolum, þröngum svörtum
buxum og strigaskóm.
Morgunblaðið/Eva Björk
Ég var eitt
stórt tískuslys
ALEX MICHAEL GREEN STOFNAÐI TÍSKUBLOGGIÐ
HERRATREND Í BYRJUN ÁRS. ALEX HEFUR BRENNANDI
ÁHUGA Á TÍSKU OG HELDUR UPP Á SVOKALLAÐAN
GÖTUSTÍL SEM HANN SEGIR ÞÆGILEGRI VALKOST
Í FATNAÐI SEM BJÓÐI UPP Á MEIRI FJÖLBREYTILEIKA.
Sigurborg Selma Karlsdóttir sigurborg@mbl.is
Alex ætlar að fjárfesta
í þessum fallega frakka
fyrir sumarið.
Hvítur bolur
og bomber-
jakki er málið.
Þröngar gallabuxur
eða „skinny jeans“
eru í miklu uppáhaldi.