Húnavaka - 01.05.1983, Side 11

Efni og útlit þessarar Húnavöku er með svipuðu sniði og undanfarin ár. A þeim
23 árum sem Húnavaka hefur komið út, hefur verið birt efni eftir 285 höfunda —
222 karla og 63 konur.
Mest af þessu efni hefur verið tengt þjóðlegum fróðleik og sögu héraðsins á einn
eða annan hátt eða um 215 þœttir. Þá hafa birst 57 viðtöl, um 50 smásögur, nœr
40 erindi eða rœður, 35 ferðasögur, 146 Ijóð og um 450 vísur.
Frá því árið 1965 hafa verið birt stutt œviágrip allra þeirra er látist hafa í
héraðinu á ári hverju og eru þetta orðin nœr 300 œviágriþ og auk þess 45
minningargreinar með mynd, þar sem œviferill manna hefur verið rakinn nokkru
ítarlegar. A hverju ári hefur verið annáll frétta úr héraðinu í máli og myndum.
Aður en þessi 23. árgangur Húnavöku fór íprentun var ritið orðið samtals 4023
blaðsíður fyrir utan auglýsingar.
Af þessu er Ijóst að í Húnavöku er saman kominn mikill fróðleikur og heimildir
um héraðið að fornu og nýju og þá er það byggja. Marga þœtti í sögu héraðsins
síðustu tuttugu árin má rekja ífréttaþætti ritsins.
ífyrstu var Húnavaka gefin út í mjög litlu upplagi og seldist fljótlega upp. Nú
hafa 7 fyrstu árgangar hennar verið endurprentaðir og eru því fáanlegir á ný.
Argangarnir frá 1968 og 1969 eru alveg uppseldir, en stefnt er að því að
endurprenta þá áður en langt um líður. Allir árgangar Húnavöku, nema þessir
tveir, eru nú fáanlegir, en þó eru aðeins örfá eintök eftir af árgöngunum 1970 og
1971.
Um leið og ritnefndin fœrir öllum sem hafa lagt ritinu til efni eða stutt það á
annan hátt bestu þakkir, óskar hún eftir efni sem birst gæti nœsta ár.
ífórum margra geymist fróðleikur, lífsreynsla, þekking eða annað sem œtti að
varðveita frá gleymsku. Oft finnst fólki ekki taka því að skrá slíkt þótt það leiti á
hugann. Það sé ekkert merkilegt. Það sé líka svo erfitt að byrja. Hugsið ekki sem
svo, hugsið til Húnavöku og grípið nœstu tómstund. Henni vœri vel varið til að
festa frásögn á blað.