Húnavaka - 01.05.1983, Page 128
Ungar raddir
í síðustu Húnavöku birtust nokkrar stökur eftir þrjár ungar stúlkur undir þessari
fyrirsögn. Nú birtum við tvær verðlaunaritgerðir er ritaðar voru nú i vetur af tveim
ungum stúlkum i Húnavallaskóla eftir að nemendur efri bekkjanna höfðu farið í
leikhús. Efnt var til ritgerðasamkeppni um ferðina, og voru þessar tvær ritgerðir
dæmdar bestar.
Jóhanna Halldórsdóttir,
Fagranesi:
Frábœr leikhúsferð 1982.
Þann 6. desember síðstliðinn var lagt af stað frá Húnavöllum í
rútubíl, um áttaleytið eftir kvöldmat. Förinni var heitið afar langt í
burtu, til Blönduóss, að sjá þar leikritið „Ævintýri á gönguför“, sem
Leikfélag Blönduóss var með.
Við vorum nokkuð mörg, bæði krakkar og kennaralið. Erfiðlega
gekk í fyrstu, þegar fólkið ætlaði að koma sér út í rútuna, því alls staðar
var glerhált. Margir stofnuðu lífi sínu í hættu vegna þess að auðvitað
voru allir í hælaháum skóm, til að vera fínir þegar í borgina kæmi. En
hvað um það, fall er fararheill og inn í bílinn komumst við á endanum.
Svo var haldið af stað. Hallur Hilmarsson keyrði, og þar sem hann er
svo rómantískur slökkti hann öll ljós nema framan og aftan á. Þá urðu
kennararnir óðir og uppvægir, hafa sennilega fundið fyrir myrkfælni,
en enginn hlustaði á þá. Á leiðinni sat fólkið yfir sig spennt og nagaði
fingurna, allir nema ég og þrír strákar í 9. bekk. Við sátum prúð og
róleg, enda höfðum við farið í leikhús áður. Bílstjórinn hefur líklega
keyrt eins hratt og hann gat, því við vorum mætt í Félagsheimilið á
Blönduósi fimmtán mínútum áður en leikritið byrjaði. Ekki hefur nú
þeim sem var í miðasölunni litist vel á liðið, því hann lét alla hafa
barnamiða nema kennarana. Út af því urðum við alveg hreint stór-