Ægir - 01.10.2014, Qupperneq 27

27
um og regluverki. Skip og bún-
aður þeirra urðu betri og
öruggari en áður og viðhorf til
öryggismála breyttust mjög í
samfélaginu.
Árið 2008 markaði tímamót í
Íslandssögunni. Þá lét enginn
Íslendingur lífið til sjós, sem
aldrei hafði áður gerst á heilu
ári. Umskiptin voru mikil því á
aðeins einni öld höfðu alls um
4.000 sjómenn farist við Ísland.
Slíkar tölur um mannfall heyrast
bara í styrjöldum og stórfelld-
um náttúruhamförum á heims-
vísu og eru raunar varla skiljan-
legar núna.“
Talstöðin veitti takmarkað öryggi
Haukur segir að þetta stóra
samhengi sjóslysanna 1963 hafi
skýrst mjög fyrir sér þegar út í
kvikmyndagerðina var komið
og haft áhrif á stefnuna sem
verkið tók. Svo sökkti hann sér
niður í ýmsa þætti sem tengd-
ust slysunum beint eða óbeint
og sumu verður gerð skil í
heimildarmyndinni.
„Við höfum til dæmis varið
tíma, orku og fjármunum í að
taka saman efni sem tengist
loftskeytamálum til sjós. Ég var
ekki einn um að halda að tal-
stöðvar í vélbátum teldust til
býsna áreiðanlegra öryggis-
tækja en svo reyndist svo ekki
vera.
Talstöð var í raun fjögur
tengd tæki sem hvorki var ein-
falt né öruggt að nota. Að stilla
talstöð með stirðum sjómanns-
höndum í kulda og vosbúð var
ekki auðvelt. Oft þurfti ekki
meira en litla skvettu á loftnet
til að samband rofnaði við bát-
inn og þá var ekki hægt að láta
vita af sér. Svona búnaður var
algengur á bátaflotanum alveg
til 1966 og 1967.“
Mikið púður fer í peningaharkið
Haukur Sigvaldason smíðar inn-
réttingar í fullu starfi en notar
frítíma sinn til að safna upplýs-
ingum og myndefni af ýmsu
tagi og taka upp viðtöl fyrir
heimildamyndina víða um land.
Á honum hefur líka mætt mest
að safna fjármunum til að halda
verkinu gangandi og reyna að
ljúka því á árinu 2015.
Kvikmyndagerðin kostar
drjúgan skilding og aðstand-
endur heimildarmyndarinnar
hafa ekki úr þeim fjármunum
að spila sem duga. Þeir verða
að reiða sig á stuðning félaga,
Í minningu fórnarlamba
páskahretsins mikla 1963
Sjómannadagurinn á Dalvík um það til 1964. Kappróður og annað tilheyrandi dagskrárefni. Bílar og bátar eru tímanna tákn! Ljósmynd: Sigurður Demetz Franzson