Morgunblaðið - 16.05.2015, Blaðsíða 20

Flugferðin yfir hafið
Hornafjörður
Reykjavík
Vogar í Færeyjum
Wick í Skotlandi
Sywell á Englandi
SVIÐSLJÓS
Sigurður Bogi Sævarsson
sbs@mbl.is
Hópur flugmanna á fimm litlum
heimasmíðuðum flugvélum stefnir í
næstu viku að því að fljúga frá
Reykjavík til Skotlands með viðkomu
á Höfn í Hornafirði og í Vogum í
Færeyjum. Undirbúningur hefur
staðið yfir frá því um áramót og
stefnan var strax sett á að fara utan
síðari hluta maí. Þá er að jafnaði stað-
vindasamt yfir norðurhöfum og lægð-
ir sjaldan í loftinu. „Okkur sýnist
langtímaspáin fyrir næstu viku vera
góð. Við horfum til næsta miðviku-
dags, 20. maí,“ segir Sigurður Ás-
geirsson, flugstjóri hjá Landhelgis-
gæslunni, sem er fyrirliði hópsins.
Hafa mikla reynslu
Vélarnar sem flogið verður út eru
TF BTH og BLU, sem báðar eru
Pitts Special, en hinar eru TF ART,
TF RVA og TF RVC, allar þrjár af
gerðinni Van’s. Þær eru allar smíð-
aðar af Árna Sigurbergssyni, fyrrver-
andi flugstjóra, sem er einn leiðang-
ursmanna. Fáir ef þá nokkrir
Íslendingar hafa smíðað jafnmargar
flugvélar og Árni, sem á að baki vel
yfir 20 þúsund flugtíma, rétt eins og
Björn Thoroddsen, sem verður á ann-
arri vél.
„Fljótlega eftir að hugmyndin um
þessa ferð kom fram var nefnt að
gaman væri ef flotinn yrði aðeins
heimasmíðaðar vélar og það gekk eft-
ir. Að slíkt skyldi nást er mjög
skemmtilegt,“ segir Sigurður Ás-
geirsson, sem hefur margsinnis flogið
litlum vélum milli landa. Hann býr
því að mikilli reynslu sem nú kemur
sér vel.
Þess má og geta að sjötta vélin
verður í samfloti við hinn heimasmíð-
aða flota. Það er TF-MAX, af gerð-
inni Socata, sem nú hefur verið seld
til Bretlands.
Á flugsýningu í Syvell
Fyrsti áfangi ferðarinnar, frá
Reykjavík til Hafnar í Hornafirði, er
400 kílómetrar. Áætlaður flugtími
þangað er 1:40 klst og er þá miðað við
125 hnúta flughraða. Leiðin frá Höfn
til Voga í Færeyjum er um 470 kíló-
metrar og flogin á um 2:30 klst. Legg-
urinn frá Færeyjum til Wick, sem er
nyrst í Skotlandi, er svo viðlíka bæði í
vegalengdum og flugtíma. Ætlunin er
að fljúga áfram suður Bretland, milli-
lenda á nokkrum stöðum og enda síð-
an í bænum Syvell, sem er nokkru
fyrir norðan Lundúnir. Þar verður
haldin flugsýning dagana 29.-31. maí
og er koma Íslendinganna hluti af
dagskránni. Heimferð þeirra er svo
fyrirhuguð einhvern fyrstu daganna í
júní.
Sigurður Ásgeirsson segir að í
mörg horn hafi verið að líta við und-
irbúning ferðar. Öryggismálin séu
númer eitt. Tveir verða í hverri vél,
verða í flotgalla með björgunarvesti
og gúmmíbátur er um borð. Þá hafa
leiðangursmenn fengið margvíslegar
æfingar, meðal annars í þyrlubjörgun
hjá Landhelgisgæslunni. Þá hefur
verið farið vandlega yfir kort og leið-
arlýsingar. Flogið verður yfir hafið í
5.500 feta hæð og þaðan af lægra eftir
skilyrðum til sjónflugs.
Landsýn mestan hlutann
„Nei, þótt þetta séu eins hreyfils
flugvélar er þetta í góðu lagi. Mót-
orarnir slá sjaldan feilnótu og vél-
arnar eru yfirfarnar mjög vandlega.
Stóra breytingin er þó sú að nú eru
komin GPS-tæki sem sýna hárná-
kvæma staðsetningu. Slíkt er mikið
öryggisatriði. Menn vita því alltaf hve
er langt í land vilji svo ólíklega til að
eitthvað beri út af,“ segir Sigurður og
bætir við að sú tilfinning að fljúga yfir
sjó og sjá svo land rísa úr hafi sé jafn-
an býsna ljúf.
„Miðað við flughæð og hæð fjalla
munum við, sé veður gott, hafa land-
sýn lengst af í fluginu til Færeyja.
Fyrst Vatnajökul í baksýn og ekki
löngu eftir að honum sleppir, kannski
150 sjómílur frá Færeyjum, fara
topparnir þar að gægjast upp á sjón-
deildarhringinn. Sama verður í Skot-
landsfluginu; mestan hluta leiðar sést
stranda í millum, sem staðfestir að
flugleiðin milli Íslands og Skotlands
er ekki löng, þrátt fyrir allt.“
20 FRÉTTIRInnlent
MORGUNBLAÐIÐ LAUGARDAGUR 16. MAÍ 2015
Í tilefni af 60 ára afmæli Kópavogs
er opið til kl 21 í kvöld.
Fríar sjónmælingar og léttir veitingar í boði.
Traust og góð þjónusta í 18 ár
Hamraborg 10 – Sími: 554 3200 – Opið: Virka daga 9.30-18 Laugardaga 11–14
„Mér fannst hugmyndin um
að fljúga yfir hafið á heima-
smíðaðri vél mjög spennandi
og þurfti ekki að hugsa mig
um tvisvar og sló til þegar
þetta tækifæri kom bauðst,“
segir Berglind Heiða Árna-
dóttir flugmaður. Þau feðg-
inin, Berglind og Árni Sigur-
bergsson, ætla að fara
saman á vélinni TF ART og
munu þau skiptast á að
fljúga.
„Flugið er alltaf skemmti-
legt og verður seint hvers-
dagslegt. Þetta verður samt
góð tilbreyting frá þotuflug-
inu og þess utan góð
reynsla,“ segir Berglind sem
starfar hjá Icelandair og flýgur á Boeing 757-vélum
„Hlutirnir þróast oft þannig að fólk hættir á litlu vélunum þegar það
fer í atvinnuflug. Sjálf hef ekki haft tíma til að sinna einkafluginu síð-
ustu árin svo það er frábært að rifja upp kynnin við þetta skemmtilega
sport. Verkefnið er spennandi og hópurinn góður. Svo er líka ómetan-
legt að fljúga með pabba sem á stóran þátt í að ég fór í flugið á sínum
tíma. TF ART er fyrsta vélin sem pabbi smíðaði og varð kveikjan að því
að ég fór að læra flug á sínum tíma. Svona tækifæri kemur bara einu
sinni á ævinni.“
Þetta er tækifæri ævinnar
FEÐGININ ÆTLA AÐ FLJÚGA SAMAN TIL SKOTLANDS
Fljúgandi Berglind Heiða og Árni faðir henn-
ar með dóttursoninn Kristófer Sölva.
Á heimasmíðuðum yfir hafið
 Stefna á sjónflug frá Reykjavík til Skotlands í næstu viku  Þaulvanir flugmenn og mikill undir-
búningur  Maí er besti mánuðurinn  Um fimm tíma flug yfir sjó  Taka svo þátt í flugsýningu
Morgunblaðið/Þórður
Listflug TF-BTH er ein vélanna sem flogið verður utan í
næstu viku og verður Sigurður Ásgeirsson undir stýri.
Leiðangursfólk Frá vinstri Árni Sigurbergsson, Berglind Árnadóttir, og synir hennar tveir
sem verða heima, og þá Björn Thoroddsen, Sigurður Ásgeirsson, Sveinn Kjartansson, Óli Öder,
Guðjón Jóhannesson, Atli Þorvaldsson, Þorvaldur Bjarnason og Þórður Arnar Þórðarson.