Morgunblaðið - 18.05.2015, Qupperneq 9

FRÉTTIR 9Innlent
MORGUNBLAÐIÐ MÁNUDAGUR 18. MAÍ 2015
Kringlunni • Sími 568 7777 • heyrnarstodin.is HEYRNARSTÖ‹IN
Snjallara heyrnartæki
Beltone First™
Nýja Beltone First™ heyrnartækið tengist þráðlaust beint í iPhone, iPad og iPod touch.
Komdu í ókeypis heyrnarmælingu og fáðu heyrnartæki lánað til reynslu.
Beltone First gengur með iPhone 5s, iPhone 5c, iPhone 5, iPad Air, iPad (4. kynslóð), iPad mini með Retina, iPad mini og iPod touch (5. kynslóð) með iOS eða nýrra stýrikerfi.
Apple, iPhone, iPad og iPod touch eru vörumerki sem tilheyra Apple Inc, skráð í Bandaríkjunum og öðrum löndum.
Ókeypis
heyrnarmælingsíðan 2004
Steinar Steinsson,
tæknifræðingur og
fyrrverandi skólameist-
ari Iðnskólans í Hafn-
arfirði, lést á Landspít-
alanum í Fossvogi 16.
maí sl. á 89. aldursári.
Steinar fæddist í
Reykjavík 14. október
1926. Foreldrar hans
voru Esther Judith
Löfstedt Steinsson
húsfreyja og Jóhann
Torfi Steinsson vél-
stjóri.
Steinar lauk vél-
stjóraprófi frá Vélskól-
anum í Reykjavík árið 1948 og út-
skrifaðist sem tæknifræðingur frá
Odense Maskinbygnings Teknikum í
Danmörku 1951.
Steinar dvaldi áfram í Danmörku
við nám og störf til 1953 en kom þá
heim og vann á teiknistofu Vélsmiðj-
unnar Héðins og kenndi við Vélskóla
Íslands 1954-56. Hann var fram-
kvæmdastjóri Síldarverksmiðja rík-
isins á Raufarhöfn 1957-64 og Vél-
smiðjunnar Norma 1965-72 en
jafnframt kennari við Iðnskóla
Hafnarfjarðar 1958-74 og skóla-
meistari þar frá 1974-94.
Steinar var um skeið formaður
fræðslunefnda í plötu- og ketilsmíði,
blikksmíði, málmsteypu og eldsmíði.
Hann var í samstarfshópi véltækni-
iðnaðar á Norðurlöndum um
fræðslu- og iðnþróun-
armál 1975-87. Á þeim
tíma samdi hann og
þýddi margvíslegt
námsefni fyrir málm-
iðnaðarmenn.
Steinar sat um ára-
bil í skólanefnd Kópa-
vogs og í skólanefnd
Tækniskóla Íslands.
Hann átti í mörg ár
sæti í Iðnfræðsluráði
og í vatnsveitu- og
hitaveitunefndum
Kópavogs, var formað-
ur Tæknifræðinga-
félags Íslands í þrjú ár
og formaður í Lífeyrissjóði þess fé-
lags, sat í stjórn Meistarafélags
járniðnaðarmanna og í varastjórn
Landssambands iðnaðarmanna og í
ýmsum nefndum þess.
Steinar var félagi í Rótarýklúbbi
Hafnarfjarðar í þrjá áratugi og
gegndi mörgum trúnaðarstörfum
fyrir klúbbinn, meðal annars sem
forseti hans.
Eftir formleg starfslok stofnaði
Steinar fyrirtækið Steinco og vann
þar allt til dauðadags að hönnun,
þróun og framleiðslu vélbúnaðar til
að flokka og flytja lifandi fisk og
fiskseiði.
Steinar lætur eftir sig eiginkonu,
Guðbjörgu Jónsdóttur, og þrjú upp-
komin börn, sjö barnabörn og
sautján barnabarnabörn.
Andlát
Steinar Steinsson
Ingvar Smári Birgisson
isb@mbl.is
Ólafur Ólafsson hefur sótt um hjá
endurupptökunefnd að hæstaréttar-
mál nr. 145/2014, hið svonefnda Al
Thani-mál, verði tekið til meðferðar
og dómsuppsögu að nýju hvað hann
varðar.
Í tilkynningu frá Ólafi og lög-
manni hans kemur fram að helsta
ástæðan fyrir beiðninni er sú að í
dómi Hæstaréttar voru sönnunar-
gögn í málinu ranglega metin. Það
hafði veigamikil áhrif á niðurstöðu
dómsins sem dæmdi Ólaf til fjög-
urra og hálfs árs fangelsisvistar fyr-
ir markaðsmisnotkun, segir í til-
kynningunni.
„Að mati Ólafs lagði Hæstiréttur
rangt mat á símtal tveggja manna,
þar sem annar vísar til samtals við
ótilgreindan mann sem kallaður var
„Óli“, um tiltekna þætti við-
skiptanna sem málið tók til. Í vitn-
isburðum fyrir
héraðsdómi og
öðrum sönnunar-
gögnum málsins
kemur skýrt
fram að þarna
var átt við Ólaf
Arinbjörn Sig-
urðsson lögmann.
Þrátt fyrir þessa
staðreynd telur
Hæstiréttur að vísað hafi verið til
Ólafs Ólafssonar,“ segir í tilkynn-
ingunni.
Símtalið ekki úrslitaatriði
Björn Þorvaldsson, saksóknari í
Al Thani-málinu, hefur áður sagt við
mbl.is að málið standi ekki og falli
með þessu símtali. Klárlega sé samt
um Ólaf Ólafsson að ræða í um-
ræddu símtali. Hann kveðst ekkert
hafa um endurupptökubeiðni Ólafs
að segja á þessu stigi. „Beiðnin fer
bara í sitt ferli,“ segir Björn.
Ólafur Ólafsson vill
endurupptöku máls
 Segir sönnunargögn ranglega metin
Ólafur Ólafsson
Landsvalan er árviss flækingur á Íslandi. Jóhann Óli Hilmarsson, fugla-
fræðingur, sá 25 landsvölur á Stokkseyri. Hefur hann aldrei séð svo stóran
hóp hérlendis. Jóhann segir landsvölur flækjast hingað með veðrum þegar
farflugið stendur yfir hjá þeim í Evrópu. Þá sá hann einnig bæjasvölu en
þær eru sjaldséðari hérlendis en landsvölur.
Landsvölur á ferð og flugi
Mynd/Jóhann Óli Hilmarsson
Hannes Hlífar Stefánssonhefur náð eins vinningsforystu í landsliðsflokkiá Skákþingi Íslands sem
nú stendur yfir í sal Hörpunnar,
Háuloftum. Hannes hefur hlotið 3 ½
vinning en næstir koma Hjörvar
Steinn Grétarsson, Héðinn Stein-
grímsson og Henrik Danielsen með
2 ½ vinning. Baráttan hefur verið af-
ar frískleg og jafnteflishlutfall lágt
eða 33% en reglur keppninnar leyfa
ekki að samið sé um jafntefli eftir
innan við 30 leiki. Hjörvar Steinn
Grétarsson, sem vann Jóhann Hjart-
arson með góðri taflmennsku í 2.
umferð, gat náð efsta sætinu þegar
hann tefldi við Lenku Ptacnikovu í 3.
umferð en lék af sér hrók í vænlegri
stöðu og tapaði. Stórmeistararnir
Jóhann Hjartarson og Jón L. Árna-
son, sem tefldu á Íslandsþinginu síð-
ast á tíunda áratug síðustu aldar,
unnu báðir í gær og eru með 2 vinn-
inga hvor. Æfingaleysi hefur lítil-
lega gert vart við sig hjá þeim báð-
um; þannig missti Jóhann vinnings-
stöðu niður í tap í skák sinni við
Braga Þorfinnsson í 3. umferð en
eins og sakir standa eru þeir til alls
líklegir á lokasprettinum. Kepp-
endur eru 12 talsins og tefla allir við
alla.
Skák Héðins og Hannesar Hlífars
í 3. umferð var fyrirfram talin geta
haft mikil áhrif á það hvernig bar-
áttan um Íslandsmeistaratitilinn
þróast. Á Íslandsþinginu fyrir ári
vann Héðinn innbyrðis viðureign
þeirra en nú snerist taflið við, Hann-
es tefldi af miklum krafti og vann
sannfærandi sigur:
Skákþing Íslands 2015; 3. umferð:
Héðinn Steingrímsson – Hannes
Hífar Stefánsson
Nimzo-indversk vörn
1. d4 Rf6 2. c4 e6 3. Rc3 Bb4 4.
Dc2 O-O 5. a3 Bxc3+ 6. Dxc3 b5 7.
cxb5 a6!?
Peðsfórnin í 6. leik er vel þekkt en
svartur fygir henni yfirleitt eftir
með því að leika 7. … c6. Leikurinn
virtist ekki koma Héðni mikið á
óvart því hann svaraði að bragði.
8. f3 Rd5 9. Dd2 f5 10. e3 f4 11.
e4?
Óákvæmur leikur. Eftir 11. exf4!
Rxf4 12. Df2 er hæpið að svartur
hafi nægar bætur fyrir peðið.
11. … Re3! 12. Df2 Rxf1 13. Dxf1
d5 14. e5 axb5 15. b4
15. … c5! 16. dxc5 Rc6 17. Bb2
Hf5 18. Re2 Rxe5 19. Rxf4 Rc4 20.
Rd3 e5!
Hótar 21. ... e4. Þungu fallstykki
hvíts standa nú öll uppi í borði.
21. g4 Hf8
21. … e4!? var freistandi en þessi
leikur er öruggari þar sem hvítur
getur varist með 22. gxf5 exd3 23. O-
O-O! o.s.frv.
22. Bxe5 Rxe5 23. Rxe5 Dg5 24.
Rd3 Bxg4 25. f4 Dh6
Góður reitur fyrir drottninguna
sem hefur auga með f4-peðinu en 25.
… Hfe8+ 26. Kd2 Df5! vinnur strax
því 27. He1 er svarað með 27. …
He4! o.s.frv.
26. Kd2 Bf5 27. h4 d4 28. Df3
Had8 29. Hhf1?
Meira viðnám veitti 29. Hae1.
29. … Hfe8!
Og hvítur á enga vörn við hót-
uninni 30. … He3.
30. Df2 He3 31. Rc1 De6 32. Hg1
He8 33. Df1 De4 34. Ha2 Hc3 35.
Re2 Dd3 36. Dd3+
- og gafst upp um leið.
Fimmta umferð hefst kl. 17 í
Hörpu í dag og þá teflir Jóhann
Hjartarson við Hannes Hlífar,
Hjörvar Steinn við Braga Þorfinns-
son, Héðinn við Sigurð Daða, Einar
Hjalti við Henrik Danielsen, Jón L.
við Guðmund Kjartansson og Lenka
við Björn Þorfinnsson.
Hannes Hlífar með vinnings
forskot – teflir við Jóhann í dag
Skák
Helgi Ólafsson
helol@simnet.is
Nú geta allir fengið
iPad-áskrift
Skráðu þig í iPad-áskrift á
www.mbl.is/mogginn/ipad/