Morgunblaðið - 12.06.2015, Blaðsíða 1

F Ö S T U D A G U R 1 2. J Ú N Í 2 0 1 5
Stofnað 1913  136. tölublað  103. árgangur 
BRESKIR HER-
MENN FARAST Í
KOLGRAFAFIRÐI
100 BRJÓSTAKERTI LOGA
VERÐA FYRIR
AÐKASTI OG
HÓTUNUM
GJÖRNINGUR HÖRPU OG ELÍNAR 40 JAFNRÉTTISMÁL Í DANMÖRKU 38ÍSLENSK HEIMILDARMYND 41
Morgunblaðið/Árni Sæberg
Þjóðlenda Mikil uppbygging í ferðaþjón-
ustu í Kerlingarfjöllum er fyrirhuguð.
 „Hrunamannahreppur mun ekki
fara í neinar framkvæmdir þarna á
eigin vegum heldur semur við
Fannborg um þau verkefni sem fé-
lagið tekur að sér,“ segir Jón G.
Valgeirsson, sveitarstjóri Hruna-
mannahrepps, en hreppurinn er að
ganga frá lóðar- og verksamn-
ingum við Fannborg vegna upp-
byggingar ferðaþjónustu og há-
lendismiðstöðvar í Kerlingar-
fjöllum. Lóðarsamningurinn mun
vera sá fyrsti sem sveitarfélag ger-
ir vegna lóðar í þjóðlendu. Samn-
ingurinn er háður samþykki for-
sætisráðuneytisins.
Sambærilegir samningar eru í bí-
gerð hjá fleiri sveitarfélögum
vegna afnota ferðaþjónustufyrir-
tækja af þjóðlendum. »4
Hrunamenn semja
um lóðarleigu í
Kerlingarfjöllum
Agnes Bragadóttir
Benedikt Bóas
Ríkisstjórnin samþykkti á fundi sín-
um í gærkvöldi að leggja fyrir Alþingi
lagafrumvarp um að fresta til 1. júlí
verkfallsaðgerðum einstakra aðildar-
félaga Bandalags háskólamanna
(BHM) og Félags íslenskra hjúkrun-
arfræðinga (FÍH).
Eftir átök á milli oddvita ríkis-
stjórnarflokkanna um hvaða ráð-
herra ætti að flytja frumvarpið varð
niðurstaðan sú, samkvæmt heimild-
um Morgunblaðsins, að Sigmundur
Davíð Gunnlaugsson forsætisráð-
herra sagði að Sigurður Ingi Jó-
hannsson, sjávarútvegs- og landbún-
aðarráðherra, myndi flytja
frumvarpið á Alþingi.
Frumvarpið verður sent þing-
flokkum ríkisstjórnarflokkanna til
umfjöllunar og er ráðgert að leggja
það fram á Alþingi eins skjótt og unnt
er. Þingfundur sem hefjast átti um
hádegi hefur verið færður fram og
hefst kl. 10. Formenn stjórnarand-
stöðuflokkanna voru settir inn í málið
í gær.
Í frumvarpinu er verkfallsaðgerð-
um frestað til 1. júlí næstkomandi og
aðilum falið að nýta þann tíma til að
ná samkomulagi á farsælan hátt, ella
fari kjaradeilan í gerðardóm.
Ástandið óþolandi
Í tilkynningu ríkisstjórnarinnar í
gærkvöldi segir m.a. að ljóst sé að við
óbreytt ástand verði ekki búið enda
þyki sýnt að núverandi aðstæður
skapi verulega ógn við öryggi sjúk-
linga. „Í ljósi þeirra gagna sem Emb-
ætti landlæknis hefur aflað sér frá
heilbrigðisstofnunum og frá ein-
stökum sjúklingum er ljóst að alvar-
leiki málsins er mikill gagnvart ör-
yggi sjúklinga. Í minnisblaði
Embættis landlæknis til ríkisstjórn-
arinnar segir: „Verkföllum verður að
ljúka tafarlaust ef ekki á illa að fara.
Það ástand sem hefur skapast er
óþolandi og kemur til með að valda
óbætanlegu tjóni fyrir fjölda sjúk-
linga og skaða heilbrigðisþjónustuna
bæði til skamms tíma og til lengri
tíma litið. Stjórnvöld bera nú ábyrgð
á því að ljúka þessu ástandi með ein-
um eða öðrum hætti,““ segir í til-
kynningunni.
Þá segir einnig að deilan hafi valdið
nokkrum atvinnugreinum miklu tjóni
og að óbreytt ástand muni valda
miklum skaða. „Verkfallsaðgerðir
hjá sýslumannsembættum og dýra-
læknum koma niður á réttindum ann-
arra og hafa neikvæð áhrif á ráðstöf-
un eigna, viðskipti og framleiðslu svo
fátt eitt sé nefnt.“
Enginn ráðherra vildi tjá sig við
fréttamenn þegar þeir komu út af
ríkisstjórnarfundinum í gærkvöldi.
Í tilkynningu ríkisstjórnarinnar
segir að stjórnvöld standi frammi
fyrir þeim erfiða kosti að grípa inn í
kjaramál deiluaðila og sú ákvörðun sé
ekki léttvæg. „Til grundvallar þeirri
ákvörðun liggur það mat deiluaðila
og ríkissáttasemjara að ekki séu for-
sendur fyrir samningum eða frekari
fundahöldum eins og málin standa nú
og lausn sé ekki í sjónmáli þrátt fyrir
ítrekaðar tilraunir til samninga.“
MLangt frá því að vera »22
Verkföllum frestað
með lagasetningu
 Sigurður Ingi flytur frumvarpið  Deilan til gerðardóms ef ekki semst fyrir 1. júlí
Útflutningsverðmæti þorsks og ýsu af
Íslandsmiðum gæti hækkað um allt að
16 milljarða kr. á næsta fiskveiðiári.
Þá er miðað við að farið verði að ráð-
gjöf Hafrannsóknastofnunar sem
kynnt var í gær. Þetta er að því gefnu
að markaðsverð og aðstæður haldist
svipaðar og nú.
Hafrannsóknastofnun leggur til að
þorskafli verði 239.000 tonn sem er
aukning um 21.000 tonn. Þá verði leyft
að veiða 36.400 tonn af ýsu sem er
aukning um 6.000 tonn frá yfirstand-
andi fiskveiðiári.
Samtök fyrirtækja í sjávarútvegi
(SFS) hafa áætlað að FOB-verðmæti
þorskafurða geti aukist um rúmlega
14,8 milljarða kr. og að verðmæti ýsu-
afurða geti aukist um tæplega 1,2
milljarða kr. á næsta fiskveiðiári.
Kolbeinn Árnason, framkvæmda-
stjóri Samtaka félaga í sjávarútvegi,
segir stöðuna á nokkrum grunn-
stofnum vera mjög góða. „Fréttirnar
eru mjög jákvæðar og gefa tilefni til
bjartsýni. Við vonum að þetta verði
viðvarandi og aukningin verði meiri í
framtíðinni,“ segir hann og bætir við
að staða stofnana byggist á ábyrgum
veiðum síðastliðinn áratug. »12
Verðmæti gæti aukist
um 16 milljarða kr.
 71 skaðabóta-
krafa hefur verið
gerð í ábyrgðar-
tryggingu
Reykjavíkur það
sem af er ári sem
er tæplega þre-
földun frá fyrra
ári, þegar kröf-
urnar voru 24.
Kröfurnar má
rekja til slæms
ástands vega innan borgarmarka
og segir Hjálmar Sveinsson, for-
maður skipulagsnefndar, að vitað
sé að vegirnir séu ekki í nógu góðu
lagi. „Unnið er að því að auka fjár-
magn og að bæta ástand vega.“
Skaðabótakröfur
þrefaldast á milli
ára í borginni
Bætur 71 krafa hef-
ur borist árið 2015.
Sigurður Ingi Jóhannsson, landbúnaðar- og sjávar-
útvegsráðherra, umkringdur fréttamönnum á tröppum
Stjórnarráðsins. Hann sat lengst ráðherra inni með for-
sætisráðherra á ríkisstjórnarfundinum í gærkvöldi en
boðað var til fundarins með skömmum fyrirvara.
Sigurður, líkt og aðrir ráðherrar, vildi ekki veita
fréttamönnum viðtal þegar eftir því var leitað. Hann
mun skv. heimildum Morgunblaðsins leggja frum-
varpið fyrir Alþingi. Þingflokksfundir eru boðaðir kl. 9
í dag þar sem fjalla á um málið fyrir þingfund kl 10.
Morgunblaðið/Eggert
Ríkisstjórnarfundur boðaður með hraði
Kínverskir aðilar eru tilbúnir að
skoða uppbyggingu álvers við Haf-
ursstaði í Skagabyggð. Þetta segir
Valgarður Hilmarsson, forseti sveit-
arstjórnar Blönduósbæjar.
Staðfestir hann það sem fram kom
á vef Húnahornsins, fréttavef Hún-
vetninga, en í gær var þar greint frá
því að Arnar Þór Sævarsson, bæjar-
stjóri á Blönduósi, hafi kynnt hug-
myndir um uppbyggingu álvers við
Hafursstaði í Skagabyggð. Um er að
ræða heildarfjárfestingu upp á 78
milljarða króna í fyrsta áfanga.
Þar segir að unnið hafi verið að
verkefninu frá síðasta sumri og fyr-
irtækið sem kæmi að slíkri uppbygg-
ingu sé kínverska fyrirtækið NFC.
Samkvæmt upplýsingum sem fram
komu í kynningu Arnars verður fram-
leiðslugeta álversins 120 þúsund tonn
af áli en möguleiki er að stækka það
síðar þannig að afkastagetan yrði 120
þúsund tonn til viðbótar. Starfsmenn
yrðu um 240, önnur 200 störf yrðu í
þjónustustörfum tengdum álverinu
og áætluð orkuþörf er um 206 MW í
fyrsta áfanga. ash@mbl.is
78 milljarða fjárfesting
 Kínverskir aðilar skoða uppbyggingu álvers í Skagabyggð
Tölvumynd/Arkþing (af vef huni.is)
Álver Tölvuteiknað álver við Haf-
ursstaði sem er í Skagabyggð.