Morgunblaðið - Sunnudagur - 14.06.2015, Blaðsíða 2

Í fókus
Hvernig byrjaði skemmtiþátturinn Áttan?
„Við byrjuðum sem teymi í þættinum 12:00 í Versló, sem er grínþáttur ætlaður Verslingum en fór
fram úr öllum vonum. Þetta er orðin tuttugu ára nefnd og með tímanum hafa þættirnir undið upp á
sig, og eru nú orðnir mjög góður stökkpallur fyrir ungt fólk til að koma sér á framfæri. Sama dag og
ég útskrifaðist skrifaði ég undir samning og við urðum þar af leiðandi stjórnendur þessa nýja þátt-
ar. Það var mest að gera þessa helgi sem ég útskrifaðist af öllum helgum sem ég man eftir.“
Hver er munurinn á að vera í þessum tveimur þáttum?
„12:00 var svolítið bundið við sketsa og leikið efni, sem ég skildi ekki alveg af hverju ég
var í því ég þyki svo sem enginn stórleikari, á meðan í Áttunni get ég verið ég sjálfur
án þess að setja mig í einhverjar stellingar. Það hentar mér aðeins betur. Eitt sem ég
sakna samt við 12:00 er að við frumsýndum alltaf með fullum sal af Verslingum,
þannig að maður fékk beint í æð hvort eitthvað atriði var að virka með því að heyra
hláturinn, en núna sjáum við það bara í tölum.“
Hver var fyrsti sketsinn sem þér datt í hug?
„Þegar ég sótti fyrst um að vera í 12:00 nefndinni var ég búinn að vera pæla í því í
mörg ár og leika mér að skrifa sketsa. Ég var búinn að skrifa þann fyrsta sem
við gerðum í níunda bekk, en ég var á þriðja ári í menntaskóla þegar við tókum
hann upp. Hann fékk titilinn „Varúð skólabörn“. Í honum voru skilti alls staðar
sem vöruðu við skólabörnum, en við snerum upp á það þannig að skólabörnin
voru það hættulega en ekki öfugt. Það var mjög skemmtilegt.
Ég fór eiginlega í Versló út af 12:00, þótt hann sé námslega séð mjög góður
skóli. Svona þættir hafa alltaf heillað mig.“
Nú varstu kynnir á Color Run hlaupinu,
hvernig var stemningin þar?
Hún var miklu betri en mér hefði nokkurn tímann dottið í hug. Ég hélt
kannski að þessi klikkaða stemning sem maður sér í myndböndum af þessum
hlaupum úti myndi ekki nást hér, kannski því Íslendingurinn myndi ekki þora að
taka þátt í gleðinni og vildi frekar bara horfa á hana, en síðan byrjaði þetta bara og
strax myndaðist þessi bilaða stemning. Ég hef varla kynnst öðru eins.
Ertu mikið fyrir að halda uppi góðri
stemningu á svona viðburðum?
Já, það er rosalega skemmtilegt. Ég var einmitt í svipuðu dæmi í kringum „Ísland
got Talent“ þættina. Þar var ég svona skemmtikraftur milli hléa að rugla í liðinu, fá
salinn til að klappa og halda uppi stemningu. Það var svolítið fyndið að vera að djöfl-
ast uppi á sviði með dómarana fyrir framan mig, mér leið pínu eins og ég væri að
taka þátt í keppninni. Einhver þar hefur greinilega tekið eftir mér og ég fékk þetta
Color Run dæmi í kjölfarið.
Hvar sérðu sjálfan þig eftir fimm ár?
Ég verð örugglega í sama bransa en ég vil vera búinn að þróa ferilinn aðeins áfram.
Til dæmis vil ég að einhverjir aðrir taki við Áttunni og að þátturinn verði áfram
stökkpallur fyrir ungt fólk. Síðan væri ég mjög til í að vera einhvers konar kynnir
aftur í framtíðinni. Í hvaða átt ég fer nákvæmlega á aðeins eftir að sýna sig. Ég nýt
bara hvers dags fyrir sig.
Morgunblaðið/Júlíus
NÖKKVI FJALAR ORRASON SITUR FYRIR SVÖRUM
Nökkvi Fjalar Orrason er einn af þáttastjórnendum Áttunnar, en þátturinn er
sýndur á mbl.is og fagnar eins árs afmæli sínu í júní. Nökkvi byrjaði að gera grín-
þætti í Verslunarskóla Íslands og stefnir á að halda því áfram. Þá var hann kynnir á
Color Run hlaupinu umtalaða á dögunum og hafði gaman af.
„Já og nei. Mér finnst svolítið leiðinlegt að
það þurfi að grípa til þess að setja lög. En
síðan er bara svo mikil þörf á því.“
Guðrún Halla Pálsdóttir
„Ég myndi segja að það væri ekki æskilegt.
En það er þannig að þegar fjárhagslegir
hagsmunir eru í húfi þá er samið en ekki
þegar lífin eru í húfi.“
Ottó Tynes
„Nei, mér finnst það ekki nauðsynlegt. Ég
er ópólitískur. Ég er ekkert á móti neinum,
en með öllu góðu fólki. Ég er hljómlist-
armaður.“
Guðmundur Steingrímsson / Papa Jazz
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
„Fyrir sjúklingana er það það, en alls ekki
fyrir þá sem eru í verkfalli.“
Dagný Guðnadóttir
Morgunblaðið/Júlíus
SPURNING VIKUNNAR TELURÐU NAUÐSYNLEGT AÐ SETJA LÖGBANN Á VERKFALLSAÐGERÐIR?
Ragnheiður Eyjólfsdóttir,
eða Raxel, bauð nokkr-
um góðum félögum í
afar lekkert matarboð
heima hjá sér á dögunum.
Hún bauð meðal annars
upp á bleikju í sítrónu og
chili með epla- og dillsalati
og heimatilbúinn ís.
Matarboð 30
Í BLAÐINU
Forsíðumyndin
er frá AFP
Senn líður að útskriftum
háskólanna og margir fá ef-
laust boðskort í nokkrar
veislur af því tilefni. Fal-
legar vörur inn á heim-
ilið eða íslensk hönnun er
tilvalin og klassísk gjöf fyrir
duglega nýútskrifaða nem-
endur. Hönnun 26
Passíusálmarnir hafa verið endurútgefnir. Mörður
Árnason segir mörg fleyg orð úr Passíusálmunum
hafa orðið að almennum sannleik án þess að fólk viti
hvaðan þau eru komin. Bækur 46
Jóakim Pálsson var út-
gerðarmaður og skipstjóri
í Hnífsdal og lagði sitt af
mörkum við uppbyggingu
sjávarútvegsins. Hann
hefði orðið 100 ára 20.
júní og af því tilefni fagna
afkomendur hans þeim
tímamótum um komandi
helgi. Minning 44
Saknar að frumsýna
með Verslingum