Morgunblaðið - Sunnudagur - 14.06.2015, Blaðsíða 16

F
ylkið með erfiða nafnið er í suðvest-
urhluta Mexíkó en framburðurinn er
/wa’ha’ka/. Það er þekkt fyrir
fjöldann af frumbyggjaættbálkum
sem hafa náð að halda sérkennum sínum
vegna hversu strjálbýlt og harðgert landið
er. Stærstu ættbálkarnir eru Zapotec og
Mixtec en alls eru sextán ættbálkar í fylk-
inu.
Þurrkaðar engisprettur
Stærsta borgin heitir Oaxaca de Juárez, en
fylkið heitir eftir borginni. Lágreist hús,
stór torg og fallegar kirkjur setja svip sinn
á borgina. Litagleðin er í fyrirrúmi í Oax-
aca. Húsin eru máluð sterkum litum og
skilti og auglýsingar eru skemmtilega máluð
beint á veggina. Mikið er af litlum þorpum
allt í kring sem gaman er að heimsækja,
fara á útimarkaði og lenda jafnvel inni í
miðri þorpsveislu. Oaxaca er frægt fyrir sjö
tegundir af „mole“, sem er mauk af ýmsum
toga, til dæmis úr baunum eða súkkulaði.
Einnig er á hverju horni hægt að kaupa sér
lúku af þurrkuðum og krydduðum engi-
sprettum og finnst innfæddum það mesta
hnossgæti.
Fyrir þá sem hafa áhuga á fortíðinni er
nóg af fornleifum. Frá borginni er stutt að
fara upp á fjall og skoða Monte Albán-
fornleifar en þar var eitt sinn höfuðborg
Zapotec-ættbálksins. Þar eru fallegar rústir
og ekki síður fallegt útsýni til allra átta.
Fyrir strandsjúka er fimm tíma keyrsla
frá Oaxaca-borg á strönd við Kyrrahafið.
Strandlengjan liggur frá Puerto Escondido
til Huatulco og státar af ósnortnum strönd-
um sem eru enn margar lausar við ágang
ferðamanna. Þar má finna höfrunga og sæ-
skjaldbökur og hægt er að stunda þar hinar
ýmsu sjóíþróttir.
Setið á gírstönginni
Í borginni er auðvelt að ná í leigubíla, sem
eru ekki dýrir á íslenskan mælikvarða, til
að ferðast til nærliggjandi þorpa. En fyrir
unga bakpokaferðamenn er tilvalið að
ferðast með „colectivo“, en það eru venju-
legir bílar sem troðið er í þar til þrír sitja
frammi í og fjórir aftur í. Þessa bíla er
hægt að finna á rútustöð eða veifa þeim á
götunni og kosta smáaura. Hugsanlega þarf
þá að sitja á gírstönginni en þú kemst á
leiðarenda fyrir lítinn pening.
LITRÍK MENNING, SÓL OG SAGA
Framandi og
fallega Oaxaca
OAXACA Í MEXÍKÓ ER FYRIR FERÐALANGA SEM VILJA EITTHVAÐ
ANNAÐ EN HEFÐBUNDNAR UTANLANDSFERÐIR. FYLKIÐ
STÁTAR AF LITRÍKRI MENNINGU OG NÓG AF SÓL.
Texti og ljósmyndir: Ásdís Ásgeirsdóttir asdis@mbl.is
Engisprettur þykja ákaflega ljúffengar í Oaxaca,
en þær eru þurrkaðar og kryddaðar en einnig
eru þær notaðar í matargerð. Alls staðar er
hægt að kaupa sér lúku á götuhornum.
Lítið er um skilti og eru litríkar auglýs-
ingar oft málaðar beint á veggina. Í þess-
ari byggingu er verið að rétta tennur.
Á aðaltorgi í Oaxaca er mikið um sölumenn og eru blöðrur þar greinilega vinsæl söluvara.
Útsýnið frá rústum Monte
Albán er stórfenglegt. Einmana
kúreki staldrar við á fjalli fyrir
utan borgina Oaxaca.
Ferðalög
og flakk
AFP
*Þegar ferðast er um erlendar borgir er gottað reyna að muna að hafa ekki augun stöð-ugt á gangstéttinni eða á því sem er í augn-hæð. Við ættum að muna að horfa upp. Ístórborgum eru byggingar jafnan heldurhærri en við eigum að venjast hér á landi ogoft er mikið lagt í þakskegg og ýmsar skreyt-
ingar utan á efri hæðum húsa. Gleymum
ekki að snúa höfðinu og horfa upp á við líka.
Ekki gleyma að horfa upp