Morgunblaðið - Sunnudagur - 14.06.2015, Blaðsíða 23
Víða erlendis eru menn farnir að
stunda hjólreiðar í sundlaugum.
Reyndar færast hjólin ekki úr stað
heldur eru þetta sérútbúin æf-
ingahjól sem eru staðsett í sund-
laug. Æfing á slíku hjóli þykir mjög
góð leið til að stunda hreyfingu á
þægilegan máta.
Enginn sviti
Kostir þess að hjóla í vatni eru
margir. Þar sem líkaminn er mun
léttari í vatni verða allar hreyfingar
auðveldari. Minna álag er á liði og
því minni líkur á meiðslum. Hjólin
myndu henta sérlega vel eldra fólki
og fólki sem þjáist af liðverkjum
þegar það stundar annars konar
hreyfingu, auk annarra sem vilja
prófa eitthvað nýtt. Sagt er að við
æfingu í vatni verði minni mjólk-
ursýrusöfnun í vöðvum og því ætti
þreytan eftir æfingu að vera minni
en ella. Einnig er talið að appels-
ínuhúð minnki vegna aukins blóð-
flæðis til fóta. Hægt er að brenna
800 hitaeiningum á klukkustund.
Hér duga engar afsakanir fyrir þá
sem kvarta yfir að svitna í líkams-
rækt, því enginn er svitinn í laug-
inni. Og engin hætta er á að slasa
sig í umferðinni. Það er spurning
hvort þetta verði nýjasta æðið í
hjólamenningu Íslendinga.
Æfingahjól í vatni henta vel til
brennslu og reyna minna á liðina.
Hjólað í vatni
Alls söfnuðust 899.000 krónur í áheitahlaupi Spörtu og Training For
Warriors fyrir Umhyggju, félag til stuðnings langveikum börnum. Það
tók 25 hlaupara 22 klukkustundir að hlaupa frá líkamsræktarstöðinni
Spörtu í Kópavogi og til Blönduóss, eða 244 kílómetra leið.
Söfnuðu fyrir Umhyggju
14.6. 2015 MORGUNBLAÐIÐ SUNNUDAGUR 23
F
rjálsíþróttakonan og læknaneminn Hulda
Þorsteinsdóttir varð Norðurlandameist-
ari unglinga í stangarstökki árið 2010.
Hulda átti ótrúlega endurkomu á dög-
unum eftir þriggja ára glímu við erfið meiðsli en
hún náði 2. sæti í stangarstökki á Smá-
þjóðaleikunum.
Hvenær byrjaðirðu að
æfa stangarstökk?
„Ég byrjaði í frjálsum 14 ára en æfði
þá flestar greinar. Ég var með góðan
grunn úr fimleikum, sem ég æfði í tíu
ár, sem gerði það að verkum að
stangarstökkið varð fljótt sterkasta
greinin.“
Hversu oft æfirðu?
„6-10 sinnum í viku, eftir því hversu
langt er í mót.“
Áttu einhver áhugamál?
„Þegar það eru 2 æfingar á dag ásamt
fullu háskólanámi, þá getur annað orð-
ið útundan. En ég hef gaman af því að
borða góðan mat, hitta vini og elda
með þeim. Svo eigum við fjölskyldan
hesta og það er alltaf á döfinni að fara
oftar á hestbak.“
Leggurðu mikið upp úr heilbrigðu líferni?
„Já, ég geri það, borða yfirleitt hollan mat
og reyni að passa að borða vel þegar æf-
ingaálag er mikið. Hef lengi ætlað að venja
mig á að fara fyrr að sofa en játa að það hefur
ekki náðst mikill árangur í því enn.“
Þú hefur glímt við erfið meiðsli,
hvernig hefurðu nálgast það?
„Ég hef slitið krossband og farið í sex að-
gerðir á hné, tvær aðgerðir á öxl og eina að-
gerð þar sem fótbrot var skrúfað saman. Axl-
armeiðslin voru það alvarleg að ég átti að líta á
seinni aðgerðina sem vel heppnaða ef ég gæti
beitt mér í daglegum störfum án þess að
fara úr axlarlið – að stökkva stangarstökk
aftur var ekki inni í myndinni. Mótlætið
hefur vissulega tekið toll af mér og þá skiptir
máli að hafa gott fólk í kringum sig; fjölskyldu,
þjálfara, lækna og sjúkraþjálfara. Róbert Magn-
ússon sjúkraþjálfari hefur reynst mér mjög vel
og með mikilli vinnu er hægt að ná ótrúlegum
framförum í endurhæfingu. Ég reyni að
horfa ekki of langt fram í tímann heldur
frekar að fagna öllum litlum sigrum.
Það tók t.d. nokkra mánuði í þjálfun að
ná að snúa hendinni út eftir axl-
araðgerðina og enn lengri tíma að ná
að lyfta henni upp. Þótt ég hafi verið
langt frá afrekum í stangarstökki með
þessum sigrum, þá voru þeir ekki síður
stórir og mikilvægt að staldra við og
njóta.“
Hvaða ráð hefurðu handa þeim
sem eru að byrja að æfa frjálsar?
„Prófa sem flestar greinar og ekkert
vera að flýta sér að sérhæfa sig í ein-
hverri grein. Það frábæra við frjálsar
íþróttir er fjölbreytileikinn í greinum.“
Hverjar eru helstu fyrirmyndir þínar?
„Vala Flosadóttir. Ég fylgdist spennt
með henni á Ólympíuleikunum árið 2000
og hef litið upp til hennar síðan.“
Hvaða áfanga fagnaðir
þú síðast í íþróttunum?
„Ég hef virkilega notið þess að snúa loksins
til baka í stangarstökkið eftir að hafa ekki get-
að stokkið í meira en þrjú ár. Það er meira en
að segja það að koma til baka og ná strax að
bæta minn besta árangur eftir allt sem á und-
an hefur gengið og því gríðarlega sætt að
uppskera loksins eftir alla vinnuna.“
Hvað er á döfinni hjá þér
næstu vikur í íþróttunum?
„Keppnistímabilið er rétt að byrja og ég rétt
að komast af stað. Í næstu viku er Evrópubik-
arkeppni landsliða sem fer fram í Búlgaríu
og svo verða vonandi fleiri mót í sumar,
bæði hér heima og erlendis.“
KEMPA VIKUNNAR HULDA ÞORSTEINSDÓTTIR
Átti aldrei að stökkva á ný
Morgunblaðið/Árni Sæberg
Betra er á fjöllum, konum og körlum
koma þau öllum að nýju í lag.
Vistin á öræfum eykur fjör og styrkir þrótt,
öræfin skulum við gista í nótt. Sigurður Þórarinsson
Í Sunnudagsblaðinu sem kom út
hinn 7. júní síðastliðin var rætt við
Fanneyju Hauksdóttur kraftlyft-
ingakonu. Í texta með viðtalinu var
sagt að Fanney væri 17 ára Reykja-
víkurmær. Það er rangt. Hið rétta
er að Fanney, sem er heimsmeistari
í bekkpressu unglinga, er 22 ára
Seltirningur. Fanney er beðin vel-
virðingar á mistökunum.
LEIÐRÉTTING
Við sem mætum reglulega á líkams-
ræktarstöðvar könnumst flest við
fólk sem virðist alltaf vera að æfa.
Alveg sama hvort maður dettur inn
að morgni eða síðla dags, þá er við-
komandi þar. Er þetta fólk svona
svakalega duglegt, eða er möguleiki
að það þjáist af fíkn. Æfingafíkn er
þekkt fyrirbæri og hefur verið
rannsakað erlendis. Í grein frá 2012
í tímaritinu Psychology of Sport
and Excercise er farið yfir könnun
sem gerð var í Ungverjalandi. Sýndi
hún að 0,3 til 0,5% af mannfólki þjá-
ist af æfingafíkn. Eins og önnur fíkn
heltekur þetta fólk og hefur áhrif á
allt líf þess. Ef þú ert í vafa um
hvort þú sért æfingafíkill, svaraðu
spurningum hér að neðan.
Þarftu að æfa sífellt meir og leng-
ur til að ná fram vellíðunartilfinn-
ingu? Ertu farin/n að eyða heilu og
hálfu dögunum í stöðinni? Ertu far-
in/n að taka líkamsræktina fram yfir
allt annað í lífinu? Ertu farin/n að
reyna meira á þig við æfingar en þú
í raun getur? Verður þú pirruð/
aður, þreytt/ur og stressuð/aður ef
þú æfir ekki í einhvern tíma?
Æfirðu þrátt fyrir meiðsl? Ef þú
svarar þessu öllu játandi gæti verið
að líkamsræktin væri orðin að fíkn.
Ef líkamsræktin er farin að stjórna lífi þínu gætir þú verið æfingafíkill.
Morgunblaðið/Árni Sæberg
Ertu æfingafíkill?
þegar þú vilt
kvarts stein
á borðið
Blettaábyrgð
Viðhaldsfrítt yfirborð
Slitsterkt
Bakteríuvörn
Viðarhöfða 1, 110 Reykjavík | Sími 566 7878 | www.rein.is
By Cosentino