Morgunblaðið - Sunnudagur - 14.06.2015, Blaðsíða 14
14 MORGUNBLAÐIÐ SUNNUDAGUR 14.6. 2015
Fjölskyldan Hátíðin Breiðholt Festival fer fram í fyrsta sinn í Seljahverfi milli 12 og 22 ídag laugardag. Margir viðburðir eru fjölskylduvænir. Til að mynda leikur
lúðrasveit í skúlptúrgarðinum og gestir fá tækifæri til að leika sér með
listakonunni Ragnheiði Hörpu Leifsdóttur. Nánar á breidholtfestival.com.
Hátíð í Seljahverfi
Hafdís Erla Bogadóttir vinnurásamt góðu samstarfsfólkiað gerð spila sem tengjast
íslensku þjóðsögunum. Spilin eru
venjulegur spilastokkur sem auk
þess er hægt að nota sem sam-
stæðuspil fyrir börn en þau eru
prýdd sérstaklega fallegum myndum
eftir Eyrúnu Óskarsdóttur. Hafdís
hefur áður gefið út spil með ljós-
myndum og fróðleiksmolum um Ís-
land og Íslendinga.
Í þetta skipti langaði hana að gera
eitthvað fyrir börn. „Ég er búin að
ala upp þrjú börn þau Frey, Hrafn
og Björk. Þegar þau voru lítil fórum
við mikið á bókasafnið, ég las fyrir
þau og sagði þeim sögur,“ segir Haf-
dís, sem ólst upp við að pabbi henn-
ar sagði henni sögur þegar fjöl-
skyldan var að ferðast um landið.
Hún er fædd og alin upp á Djúpa-
vogi, „undir Búlandstindi innan um
klettana, trúði á álfa og bar virðingu
fyrir þeim.“
Hrafn sonur hennar er í námi í
Bandaríkjunum og færði henni eitt
sinn spilastokk sem fjallaði um ríkin
í Bandaríkjunum þegar hann kom
heim í frí. Þá ákvað Hafdís að gera
eitthvað í líkingu við þetta sjálf og
stofnaði fyrirtæki.
Hún og maður hennar Markús
Sveinn Markússon, sem hún kynnt-
ist eftir að hún flutti til Reykjavíkur
frá Egilsstöðum árið 2011, hafa unn-
ið að þessu verkefni saman og hafa
margir góðir vinir komið að verkefn-
inu með þeim.
Hægt að lesa eða hlusta
Núna stendur yfir söfnun á Karolina
Fund til að fjármagna þjóðsöguspilin
og koma þeim á markað. Spilastokk-
urinn er með myndum sem unnar eru
út frá 13 þjóðsögum. Á hverju spili er
síðan QR-kóði fyrir snjallsíma sem
leiðir fólk inn á síðuna www.myco-
untry.is þar sem hægt verður að lesa
söguna alla eða hlusta á hana.
„Það var erfitt að velja sögur en
ég reyndi að velja sögur sem koma
héðan og þaðan af landinu. Til gam-
ans hef ég lesið þær inn og vona að
einhverjir hafi gaman að því að
hlusta þó að ég sé enginn leikari.
Meira ánægjan sem ræður þar ríkj-
um. Núþegar er hægt að hlusta á
Búkollu og Lagarfljótsorminn á
vefnum,“ segir Hafdís.
Hún vill með þessu hvetja til
ánægjulegrar samveru foreldra og
barna. Til dæmis sé hægt að spila
saman og svo að spilinu loknu velja
sögu til að hlusta á eða láta lesa fyr-
ir sig.
„Ég vona að þetta eigi eftir að
vekja meiri áhuga á þjóðsögunum og
vekja um leið athygli á þeim stöðum
þar sem þær gerast. Markmiðið er
að gera vefinn okkar skemmtilegan
og setja inn upplýsingar tengdar
stöðunum og sögunum. Þetta er bara
enn sem komið er áhugamál hjá okk-
ur hjónunum og vissulega vonum við
að við fáum góðan meðbyr til að get-
að sinnt þessu betur og byggt upp.
Markús sér um alla vinnslu á vefnum
og gerir það bara í frístundum, eins
og ég hef gert líka hingað til.“
Búið er að ramma inn upphaflegu
myndirnar og fyrsta sýningin á þeim
verður á kaffihúsinu Gamla-Rifi í
Rifi. „Síðan ætlum við að bjóða þeim
fyrirtækjum sem styrkja okkur með
kaupum á auglýsingu á Karolina
Fund að halda sýningu á verk-
unum,“ segir hún.
Á fjórum tungumálum
Spilin eru líka ætluð fyrir erlenda
ferðamenn en á þeim er setning úr
hverri sögu á fjórum tungumálum,
frönsku, þýsku og ensku auk ís-
lensku. Nánari upplýsingar er að
finna á www.mycountry.is.
SPILASTOKKUR MEÐ MYNDUM ÚR ÍSLENSKUM ÞJÓÐSÖGUM
Þjóðleg samstæðuspil
Gunnar Erik Snorrason, afa-
strákur Gulla bróður hennar,
hefur mikla ánægju af því að
hlusta á sögurnar á vefnum.
Morgunblaðið/Styrmir Kári
HAFDÍS ERLA BOGADÓTTIR VONAST TIL ÞESS AÐ ÞJÓÐ-
SÖGUSPIL SÍN STUÐLI AÐ ÁNÆGJULEGRI SAMVERU FORELDRA
OG BARNA OG VEKI ÁHUGA Á ÍSLENSKU ÞJÓÐSÖGUNUM.
Inga Rún Sigurðardóttir ingarun@mbl.is
Þrettán þjóðsögur urðu fyrir valinu til að prýða spilin.
Þær eru Gilitrutt, Djákninn á Myrká, Búkolla, Kross-
götur, Rauðhöfði, Jóra í Jórukleif, Galdramennirnir í
Vestmannaeyjum, Uppruni Mývatns, Bakkabræður,
Krummasaga, Guð hjálpi þér, Kirkjubæjarklaustur og
Ormurinn í Lagarfljóti.
„Þegar ég fór að vinna út frá hugmyndinni um þjóð-
sögurnar, spurði ég elsta son minn Frey, hver hans
uppáhaldsþjóðsaga væri. Hann sagði strax Búkolla. Svo
hún var sú fyrsta sem ég valdi enda sagði ég krökk-
unum hana ósjaldan og stundum þegar ég nennti ekki
að segja söguna, þá bara söng ég lagið hans Ladda. Sú
saga reyndar endaði ekki alveg eins og sú gamla en
skemmtileg þó,“ segir Hafdís.
Í mjög stuttu máli, þá segir sagan af Búkollu segir
frá strák sem sendur var út með nesti og nýja skó til að
leita kýrinnar Búkollu sem var horfin einn daginn úr
fjósinu. Eftir langa leit fann strákur kúna bundna í helli
þar sem skessur tvær bjuggu. Upphófst nú ferðalag þar
sem strákur og Búkolla þurftu að bjarga sér undan
skessunum sem eltu þau á leið þeirra heim í kotið.
Sagan af Gilitrutt gerist undir Eyjafjöllum en þar
kemur tröllkerlingin Gilitrutt við sögu en tröll eru sann-
arlega áberandi í þjóðsögunum. Jóra í Jórukleif var ung
og efnileg en skapstór bóndadóttir í Flóanum. Þessi
unga stúlka breyttist í óvætt eða tröllkellingu og gerð-
ist ill og hatrömm. Má finna mörg örefni henni tengd á
Suðurlandinu og eitt þeirra er Öxará.
Myndirnar úr tveimur af þessum þremur þjóðsögum
eru birtar hér og gefa góða mynd af verkunum sem
prýða spilin.
„Við þökkum öllum þeim sem hafa hjálpað okkur við
þetta verkefni. Að öllum öðrum ólöstuðum þá eiga þeir
feðgar Benedikt Jóhannesson og Jóhannes Benedikts-
syni miklar þakkir skildar fyrir að leyfa okkur að birta
sögurnar úr bókinni Íslenskar þjóðsögur á síðunni okk-
ar,“ segir Hafdís að lokum.
ÞJÓÐSÖGURNAR ÞRETTÁN
Tröllin áberandi
Flestir þekkja ævintýrið um Búkollu.
Myndir/Eyrún Óskarsdóttir
Sagan af Gilitrutt gerist undir Eyjafjöllum.
VÍKKAÐU HRINGINN
Við gefum þriðja bílinn á þessu ári í glæsilegum
áskriftarleik fyrir trausta lesendur Morgunblaðsins.
Allir áskrifendur eru með í leiknum. Fylgstu með
þann 17. júlí þegar við drögum út fjórhjóla-
drifinn Mercedes-Benz B-Class
með 7 þrepa sjálfskiptingu
að verðmæti 6.970.000 kr.*
*Inni í verðinu er ríkulegur aukabúnaður.
Grunnverð á Mercedes-Benz B-Class CDI 4MATIC er 5.790.000 kr.