Morgunblaðið - Sunnudagur - 14.06.2015, Blaðsíða 28

Matur
og drykkir *Jarðarber bragðast dásamlega, ekki síst snemm-sumars þegar fyrsta uppskeran kemur í hús. Þaueru einstaklega góð bara ein og sér eða meðrjóma en svo er líka tilvalið að búa til jarðarberjaís.Það eru til margar uppskriftir sem krefjast ekki ís-vélar. Svo er líka sérstaklega gott að búa til jarðar-berja daiquiri. Áfengi er kannski ekki hollt eitt og
sér en með því að blanda jarðarberjum í drykkinn
verður útkoman örlítið hollari.
Jarðarber í ís og drykki
Nokkrar
snjallar eld-
húsbrellur
Stingdu röri í gegnum jarðaber til þess að fjarlægja litlu grænu laufin
sem enginn vill borða. Margir skera þann bút yfirleitt af, en þá fer mis-
stór hluti af jarðaberinu til spillis. Sama ráð má nota á kirsuber.
Þegar egg er brotið í
skál eða á pönnu gerist
það gjarnan að brot úr
skurni fer með. Það
getur verið snúið að ná
því upp og reynir jafn-
vel stundum á þolin-
móðina ef sérstaklega
illa gengur. Það ráð sem
leysir þetta vandamál
er einfalt, bleyttu bara
fingurna og reyndu
aftur. Útkoman kemur
þér á óvart.
Gott ráð fyrir
laxinn á grillið er
að stinga undir
hann nokkrum
sítrónusneiðum.
Þannig festist
laxinn ekki
óþarflega mikið
við grillteinana
og auk þess fær
hann ljúft sítrus-
bragð við eldun.
Ef á að slá upp mexíkóskri veislu en aðeins eru til tortilla kökur en ekki
taco-skeljar, þá er til fljótleg leið til þess að bjarga málunum, fljótari en að
bruna út í búð. Smyrðu torilla kökurnar með olíu eða smjöri, báðum meg-
in og skelltu þeim á ofnteinana þannig að báðar hliðar lafa fram af. Hitaðu í
nokkrar mínútur eða þar til kökurnar verða brúngylltar og voilá!
Varstu að kaupa líter af ís í boxi? Þegar þú
skellir honum í frystinn, settu hann þá í plast-
poka, loftþéttan plastpoka. Þannig verður ísinn
ekki það harður, næst þegar þú tekur hann út
úr frystinum, að þú þurfir að beygja skeið eða
jafnvel brjóta hana við að skafa upp eina kúlu.
Snúið baguette brauði á hvolf og skerið það í sneiðar þannig.
Harður botninn kemur í veg fyrir að brauðið kremjist eins
mikið og gerist þegar það er skorið venjulega.
ÞAÐ ER ÓUMDEILANLEGA LEIÐINLEGT AÐ
PLOKKA EGGJASKURN AF HARÐSOÐNU
EGGI ÞEGAR NÁNAST HELMINGURINN AF
HVÍTUNNI FER MEÐ. ÓÞOLANDI, EKKI
SATT? EN EKKI ÖRVÆNTA, ÞAÐ ER TIL
LAUSN VIÐ ÞVÍ OG ÖÐRUM
SVIPUÐUM VANDAMÁLUM Í ELDHÚSINU.
Gunnþórunn Jónsdóttir gunnthorunn@mbl.is
Prófaðu að nota tannþráð til að skera köku eða rúllutertu. Það er ótrúlegt hvað tannþráðurinn nær
að skera í gegn líkt og um hníf væri að ræða. Athugaðu þó að hafa tannþráðinn án allra bragðefna.
Það væri verra ef kökunni fylgdi smá keimur af eucalyptus.
Til þess að leysa vandamálið
með eggjaskurninn er gott
að stinga teiknibólu í gegn-
um skurninn og taka hana út
áður en á að sjóða eggið.
Það hleypir lofti og heitu
vatni inn í eggið sem gerir
það mun auðveldara að
plokka skurninn af þegar
eggið er tilbúið.