Dagblaðið Vísir - DV - 12.06.2009, Side 30

Föstudagur 12. júní 200930 Helgarblað
EftirminnilEgustu
sukkaugnablik gullæðisins
Góðærið er búið, kosningar að baki og sumarið komið. Og enn berast fréttir af lygilegu bruðli íslenskra
auðmanna og útrásarvíkinga í gullæðinu sem óð hér uppi á fyrstu árum 21. aldar, samanber gullátið
í lúxusferð Landsbankans til Mílanó. Af því tilefni rifjar DV hér upp eftirminnilegustu augnablikin í
þessu undarlega tímabili í sögu þjóðarinnar.
900 fermetra sumarhús
sigurður Einarsson, fyrrverandi stjórnarformaður Kaupþings,
réðst í miklar framkvæmdir þegar hann hugðist reisa eitt
glæsilegasta íbúðarhús landsins á jörðinni Veiðilæk í norð-
urárdal. síðast þegar fréttist voru framkvæmdir stopp vegna
ógreiddra krafna sem verktakafyrirtækið sem sá um bygginguna
átti á sigurð. samkvæmt teikningum hússins, sem er um 900
fermetrar, á það meðal annars að hýsa fullkomna heilsulind
með tveimur gufuböðum og hvíldarstofu með arni, fimmtíu
fermetra vínkjallara, útieldhús og fimm baðherbergi. Ljóst er að
kostnaður við byggingu hússins hleypur á hundruðum milljóna
króna.
sir Elton í afmælisveislunni
Ólafur Ólafsson sem oftast er kenndur við samskip efndi
til heljarinnar veislu í tilefni af fimmtugsafmæli sínu.
Ólafur fékk goðsögnina Elton john til þess að koma fram
í veislunni sem haldn var
í kæligeymslu samskipa í
janúar 2007. sagan segir
að Ólafur hafi borgað herra
Elton rúmar 70 milljónir
króna fyrir klukkustundar
einkatónleika. að tónleikun-
um loknum hélt popparinn
frægi upp í einkaþotu og
flaug af landi brott.
Á endanum átu þeir gullið
Líklega má segja að hátindi gullæðisins hafi verið náð á
haustdögum á því herrans ári 2007 þegar Landsbankinn bauð
nokkrum mikilvægum viðskiptamönnum og háttsettum starfs-
mönnum í lúxusferð til Mílanó. í kvöldverðarboði eitt kvöldið
í þeirri ferð var nefnilega á boðstólum risotto með gullflögum
eins og greint var frá í síðasta tölublaði Mannlífs. Þessi sögulega
veisla var haldin í hallargarði kastala sforza-ættarinnar en hann
er ein þekktasta bygging Mílanóborgar. „Ég hugsaði með mér
að það væri ekki hægt að ganga lengra en að éta gullið,“ sagði
einn gestanna í samtali við Mannlíf sem vissi ekki að hægt væri
að borða gull fyrr en honum var boðið upp á það í veislunni. „Ég
hélt að það væru aðeins guðirnir sem borðuðu gull.“ Á meðal
þeirra sem tóku þátt í gullátinu voru sigurjón Árnason, þáver-
andi bankastjóri Landsbankans og aðalarkitektinn að mörgum
slíkum boðsferðum bankans síðustu árin fyrir hrunið.
Pylsukaup á þyrlu
Þegar menn eru farnir að skjótast á þyrlu út í sjoppu til að fá
sér pylsu má segja að menn séu orðnir ríkir eða klikkaðir nema
hvort tveggja sé. Viðskiptavinum í Baulunni í Borgarfirði brá í
brún í júlímánuði í fyrra þegar stærðarinnar þyrla hóf að lækka
flugið ofan við vegasjoppuna og lenti loks á miðju bílastæðinu.
út gengu menn sem samkvæmt heimildum fréttavefjarins
skessuhorns höfðu verið við veiðar í Kjarrará þegar hungrið
fór að sverfa að. samkvæmt heimildum dV voru þarna á ferð
Bakkabræðurnir svokölluðu, Ágúst og Lýður guðmundssynir.
sagan segir þó að þeir sem í hlut áttu hafi verið svo ólánsamir
að gleyma krítarkortunum í veiðihúsinu og fengu því skrifað hjá
vertinum í Baulu.
afmæli aldarinnar
Björgólfur thor Björgólfsson hélt upp á fertugsafmæli
sitt með eftirminnilegum hætti. Hann bauð vinum og
vandamönnum upp á Keflavíkurflugvöll þar sem gestir
voru vinsamlegast beðnir um að skrá sig inn en enginn
vissi hvert ferðinni var heitið. Björgólfur flaug 130 af
sínum bestu vinum til jamaíka og var dvalið í kastala sem
nefnist trident. skemmtikraftarnir í veislunni voru ekki af
verri endanum. rapparinn 50 Cent kom og söng alveg
örugglega „go, shorty it´s your birthday“ fyrir afmælis-
drenginn, Ziggy Marley, sonur Bobs, lét sig ekki vanta í
afmælið frekar en breski geimkúrekinn jamiroquai.
Hundraða milljóna nágrannadeila
af þeim peningaeyðslusögum og frásögnum af flottræfilshætti
sem gengið hafa um Hannes smárason er nágrannadeila hans
við guðmund Kristjánsson í Brimi ein sú eftirminnilegasta.
Á tímabili bjuggu þeir báðir í glæsihúsum við Fjölnisveg í
reykjavík, Hannes í húsi númer 9 en guðmundur í númer 11.
Þegar Hannes hugðist stækka bílskúrinn sinn kom guðmundur
í veg fyrir það þar sem honum fannst bílskúrinn fara of nálægt
sinni lóð. deilu þeirra kumpána lyktaði með því að Hannes
keypti húsið af guðmundi til að geta haldið sínu striki í fram-
kvæmdunum. samkvæmt séð og heyrt borgaði Hannes samtals
220 milljónir króna fyrir húsin tvö. Heyrðust um tíma sögur af
meintri hugmynd Hannesar um að byggja brú á milli húsanna.
Ef rétt er er brúin í það minnsta ekki enn orðin að veruleika, og
verður það vart úr þessu í ljósi boðafallanna.