Dagblaðið Vísir - DV - 23.12.2009, Blaðsíða 20

20 MIÐVIKUDAGUR 23. desember 2009 FRÉTTIR
Þann 21. desember sviptu fornleifa-
fræðingar hulunni af húsarústum í
Nasaret. Óhætt er að segja að tíma-
setningin hefði ekki getað verið
skemmtilegri, núna rétt fyrir jól, því
um er að ræða rústir sem rekja má
til þess tíma sem talið er að Jesús
hafi verið uppi á. Rústirnar eru sem
fyrr segir í Nasaret, og gefa til kynna,
ásamt grafhvelfingum sem áður
hafa fundist, að Nasaret hafi á þeim
tíma verið smáþorp þar sem um
fimmtíu fátækar gyðingafjölskyldur
bjuggu, þeirra á meðal, samkvæmt
kristnum fræðum, Jósef, María og
eingetinn sonur Maríu, Jesús. Þar af
leiðandi gæti allt eins verið um að
ræða bernskuheimili Jesú Krists.
Fyrstu híbýlarústir
frá tíma Jesú
Þetta er í fyrsta sinn sem fornleifa-
fræðingar finna rústir híbýla manna
frá dögum Jesú á þessum stað og
kann fundurinn, að sögn yfirvalda
um ísraelskar fornminja, að „varpa
ljósi á lífsmáta á dögum Jesú“ á slóð-
um gyðinga í Nasaret þar sem kristn-
ir telja að Jesú hafi vaxið úr grasi.
„Byggingin sem við fundum
er lítil og látlaus og er sennilega
dæmigerð fyrir híbýli í Nasaret á
þeim tíma,“ sagði Yardenna Alex-
andre, fulltrúi ísraelskra yfirvalda
við fornleifauppgröftinn. Alexandra
sagði að fyrir hefðu einungis fund-
ist grafhvelfingar frá dögum Jesú í
Nasaret, en um væri að ræða fyrsta
fund híbýlarústa frá þeim tíma á
svæðinu.
Að leik með öðrum börnum
Fornleifafræðingar og íbúar Nasa-
ret geta eftir fundinn séð Jesúm
fyrir sér, ungan dreng, að leik með
öðrum börnum í einangruðu þorpi
skammt frá þeim stað þar sem erki-
engillinn Gabríel vitjaði Maríu og
boðaði að hún myndi fæða svein-
barn, en á þeim stað stendur nú
Boðunarkirkjan.
Nú er Nasaret, sem þá var senni-
lega þorp, orðin stærsta borg araba í
norðurhluta Ísraels, og kristnir íbú-
ar eru helmingi færri en múslimar.
„Vel kann að vera að Jesú og
samtímamenn hans hafi verið
kunnugir þessum stað,“ sagði Yar-
denna Alexandre, en fundurinn
hefur glatt mjög kristið fólk sem býr
í grenndinni, ekki síst vegna þess
hve stutt var til jóla þegar tilkynnt
var um hann.
Leynigöng í hellisskúta
Ekki liggur fyrir hve stór híbýlin
hafa verið en fornleifafræðingar
hafa grafið upp um áttatíu og fjóra
fermetra af húsinu. Ekki er talið úti-
lokað að húsið hafi verið heimili
stórfjölskyldu og gæti því verið mun
stærra.
Yardenna Alexandre sagði að
einnig hefði fundist falinn inn-
gangur í hellisskúta og telur hún
að gyðingar hafi notað skútann
til að fela sig í fyrir Rómverjum
sem áttu í átökum við uppreisnar-
menn gyðinga á þeim tíma.
Skútinn getur, að sögn Yar-
dennu, hýst sex manns í nokkrar
klukkustundir og svipaðir fald-
ir skútar hafa fundist á öðrum
stöðum sem byggðir voru af gyð-
ingum í Neðri-Galíleu til forna.
Yardenna sagði einnig að þorpið
Nasaret á þeim tíma hefði verið
svo mikið úr alfaraleið að senni-
lega hefði ekki verið þörf á slíkum
felustöðum.
Leir og kalk vitna um íbúana
Yardenna Alexander sagði frétta-
mönnum að fornleifafræðing-
arnir hefðu fundið leir- og kalk-
ílát sem líklegt væri að gyðingar
í Galíleu hefðu notað á þeim
tíma, og vísindamenn hafa kom-
ist að þeirri niðurstöðu að gyð-
ingafjölskylda hafi búið í húsinu
og byggja niðurstöðu sína á til-
vist kalkílátanna. Gyðingar munu
hafa notað slík ílát á þeim tíma
til að tryggja hreinleika matvæla
og drykkjarvatns sem í þeim voru
geymd.
Leirbrotin sem fundist hafa
eru einnig frá dögum Jesú, en
dagar Jesú tilheyra tímabili sem
miðast við síðhelleníska tímann
og snemmrómverska tímann, frá
árinu100 fyrir Krist til ársins 100
eftir Krist.
Að sögn Yardennu Alexandre
hafa hvorki fundist leifar gleríláta
né innfluttra muna og bendir það
til þess að hagir fjölskyldunnar
sem bjó í húsinu hafi verið „fá-
brotnir“, en Yardenna sagði að
ekki væri hægt að fullyrða hvort
um var að ræða fjölskyldu versl-
unarmanna eða bænda.
Byggt á gömlum merg
Boðunarkirkjan stendur í hjarta
Nasaret og er byggð ofan á annarri
kirkju sem var byggð ofan á enn
annarri kirkju frá býsanska tím-
anum. Á svæðinu við kirkjuna er
að finna helli sem var til forna tal-
inn hafa verið heimili Jesú og fjöl-
skyldu hans. Þar hafa vísindamenn
fundið geymslurými og vatnsþrær
umhverfis kirkjuna. Geymslurým-
ið og margar þrónna eru taldar frá
tímum Jesú.
Við forleifauppgröftinn fannst
breiður veggur frá fimmtándu öld
sem var reistur ofan á veggjum
fornrar byggingar.
Sú bygging er sú sem um ræð-
ir og er frá dögum Jesú. Hún sam-
anstendur af tveimur herbergjum
og húsagarði með vatnsþró sem
hlaðin er úr tilhöggnu grjóti.
Kannski sat Jesú, lítill dreng-
ur, flötum beinum í sólskininu og
tálgaði trékubb, og þegar hann
þyrsti slökkti hann þorsta sinn
með svalandi vatnslögg úr vatns-
þrónni. Hver veit?

Rústir híbýla íbúa Nasaret frá dögum Jesú fundust fyrir skömmu. Flest bendir til þess að fjölskyldan
sem þar bjó hafi verið gyðingar og búið við fábreytni. Hver veit nema Jesús hafi verið að leik úti fyrir
þessu húsi með öðrum börnum í Nasaret, sem þá var sennilega þorp fimmtíu gyðingafjölskyldna?
FORNAR RÚSTIR Á
HEIMASLÓÐUM JESÚ
Fornleifar í Nasaret Geta
varpað ljósi á lifnaðarhætti
fólks á bernskuslóðum Jesú.
MYND: AFP
Málverk eftir Bartolomé Esteban
Perez Murillo Jesús eyddi stærstum
hluta ævi sinnar í Nasaret.
Boðunarkirkjan í Nasaret Stendur þar sem erkiengillinn Gabriel er sagður hafa
vitjað Maríu.
Nasaret í dag Var sennilega afskekkt
smáþorp á dögum Jesú.
Fornleifafræðingar og íbúar Nasaret geta eftir
fundinn séð Jesúm fyrir sér, ungan dreng, að
leik með öðrum börnum í einangruðu þorpi.