Dagblaðið Vísir - DV - 23.12.2009, Blaðsíða 22

GLEÐILEG JÓL!
Sjálfsagt hefur ekki farið fram hjá neinum sem kannast við Svarthöfða að hann er með sigg á sálinni enda annálað-
ur fyrir illmælgi, ómerkilegheit og
almenn leiðindi. Þá fer heldur ekkert
á milli mála að Svarthöfði er fundvís
á viðkvæma bletti á samborgurum
sínum og hikar ekki við að pota í þá.
Þetta þýðir þó alls ekki að Svarthöfði
sé rakið illmenni, sem gengið hefur
myrkraöflunum á vald, og sjálfur lifir
hann í þeirri frómu trú að hann sé í
raun vinur þeirra sem hann pönkast
á með því að segja til vamms á sinn
oft á tíðum ósmekklega hátt.
Starf Svarthöfða er vanþakk-látt og hann fær iðulega bágt fyrir beinskeyttar umvandan-ir sínar til þeirra sem fara út
af sporinu og hann hefur því komið
sér upp þykkum skráp sem fátt bítur
á. Undir brynjunni slær samt hjarta
sem er ósköp meyrt þessa dagana
þar sem smá skíma frá jólaljósum
hefur náð að lýsa upp geðvonskulegt
myrkrið sem Svarthöfði hjúpar sig
dagana langa.
Svarthöfði er einhvern veginn aldrei meðvitaðari um þá and-legu bresti sem gera honum kleift að veitast með fúkyrð-
um og leiðindum að fólki en einmitt
þegar hann stendur undir mistilteini,
með rjúkandi glögg í bolla og starir í
kertisloga á aðventukransi. Gremj-
an gufar upp og honum finnst allir
eiga gott eitt skilið um leið og hann
viðurkennir fyrir sjálfum sér að hann
getur kennt sjálfum sér um allar
kartöflurnar sem hann hefur fengið í
skóinn í gegnum tíðina. Eineltispúkar
eiga ekkert annað skilið en kartöflur
þannig að Svarthöfði er síður en svo
öfundsverður af hlutskipti sínu en
einhver verður að leiðrétta kúrsinn
og axla um leið þær byrðar að vera út-
hrópaður hrekkjusvín og skepna.
Svarthöfði gerir þetta þó alls ekki með glöðu geði og þegar jólaandinn hellist yfir nagar hann efi og eftirsjá. Samvisku-
bitið hverfist oftar en ekki um blessuð
framsóknarhéraskinnin sem Svart-
höfði hefur tekið á beinið vegna þess
að eðlilega vill hann ekki vera vondur
við minnimáttar. Svarthöfði getur að
sjálfsögðu samt ekki hætt að vera sá
sem hann er en til þess að hann fari
ekki í jólaköttinn ætlar hann að vera
ljúfur sem lamb fram yfir jól og vera
góður við alla.
Svarthöfði óskar landsmönn-um öllum nær og fjær og þá sérstaklega framsóknarmönn-um gleði og friðar á jólunum.
SANDKORN
n Kastljós Ríkissjónvarpsins á
ekki von á góðu eftir að hafa fjall-
að um áfengisneyslu Ögmundar
Jónassonar alþingismanns. Nú
beinast augu þingheims að kostn-
aði við dag-
skrárliðinn.
Gunnar Bragi
Sveinsson,
alþingismað-
ur Framsókn-
arflokksins,
spurði um
kostnað Rík-
isútvarpsins
við einstaka dagskrárliði. Þá kom
í ljós að Kastljós kostar skattgreið-
endur árlega 130 milljónir króna.
Þannig kostar hver þáttur um 500
þúsund kall. Einhverjir gleði-
menn myndu anda léttar af Kast-
ljós yrði slegið af.
Einn grimmasti bloggari Morg-
unblaðsins er Baldur Hermanns-
son. Baldur tilheyrir náhirð
Davíðs Oddssonar, ritstjóra
Morgunblaðsins, og heldur merki
þess hóps hátt á lofti. Og hann
er á köflum
fyndinn. „Þá
er það opin-
berlega stað-
fest: komma-
kerlingin Ásta
Ragnheiður
Jóhannes-
dóttir er vit-
lausasta kona
Íslands. Það er ekki vitað með
vissu hvort hún sé vitlausasta
kona Íslandssögunnar en hún er
alla vega í baráttusæti,“ bloggar
Baldur um forseta Alþingis sem
bannaði orðið djók í ræðustóli.
Útrásarvíkingar eiga ekki upp á
pallborðið á Íslandi þessi miss-
erin. Margir þeirra hafa kosið að
eyða jólunum og raunar flestum
öðrum árstímum erlendis. En það
eru til undantekningar. Björgólf-
ur Thor Björgólfsson er á landinu
og lætur sem
vind um eyru
þjóta þau
skammaryrði
sem að hon-
um er beint.
Hann mun
vera dugleg-
ur að mæta í
ræktina og fer
þá í World Class. Þar hoppa þeir
gjarnan saman hann og Björn
Leifsson, eigandi WC, og útrásar-
víkingur í Danmörku.
Meðal vefsíðna neðanjarðar er
hvitbok.vg sem er hýst á Tortóla.
Þar standa menn fyrir kosningu
á óvinsælasta útrásarvíkingi Ís-
lands. Efstir og jafnir í kosning-
unni eru þeir Björgólfur Thor
Björgólfsson og Jón Ásgeir Jó-
hannesson
með 14 pró-
sent atkvæða
á bak við sig
hvor. Á hæla
þeim kem-
ur Hannes
Smárason
með 10 pró-
senta fylgi.
Athyglisvert er að á topp 10 listan-
um er Ólafur Ragnar Grímsson,
forseti Íslands, sem fjögur prósent
velja sem óvinsælasta útrásarvík-
inginn.
LYNGHÁLS 5, 110 REYKJAVÍK
ÚTGÁFUFÉLAG: Útgáfufélagið Birtíngur ehf.
STJÓRNARFORMAÐUR: Hreinn Loftsson
FRAMKVÆMDASTJÓRI: Sverrir Arngrímsson
RITSTJÓRAR:
Jón Trausti Reynisson, jontrausti@dv.is
og Reynir Traustason, rt@dv.is
FRÉTTASTJÓRAR:
Brynjólfur Þór Guðmundsson, brynjolfur@dv.is
og Þórarinn Þórarinsson, toti@dv.is
AUGLÝSINGASTJÓRI:
Elísabet Austmann, elisabet@birtingur.is
DV Á NETINU: DV.IS
AÐALNÚMER: 512 7000, RITSTJÓRN: 512 7010,
ÁSKRIFTARSÍMI: 512 7080, AUGLÝSINGAR: 512 7050.
SMÁAUGLÝSINGAR: 515 5550.
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
Öll viðtöl blaðsins eru hljóðrituð.
„Ef mér hrakar jafnmikið
á næsta ári og á þessu, lifi
ég ekki næsta ár
af. Það eru engar
líkur á því.“
n Guðjón Egilsson, 52 ára
húsasmiður, sem var bitinn af
skógarmítli þegar hann var í sumarfríi með
fjölskyldunni í Danmörku. Hann fékk alvarlegan
taugasjúkdóm vegna þess sem hefði verið hægt
að koma í veg fyrir með réttri greiningu.-DV.
„... því er eðlilegt að
almenningur fái að meta
hvort það sé eðlilegt innan
Alþingis.“
n Sigmar Guðmundsson um frétt
Kastljóss um að Ögmundur
Jónasson hafi sinnt störfum undir
áhrifum áfengis. Hann segir neyslu
áfengis ekki tíðkast í starfi hjá til
dæmis lögreglu og læknum.-DV.
„Mig langar líka að vera
borgarstjóri.“
n Einar Skúlason, verðandi
oddviti Framsóknar í borgarstjórn-
arkosningunum, þegar framboð
Jóns Gnarr var borið undir
hann.-DV.
„Eftir sigurleiki eru oft
dansaðir einhverjir
Afríkudansar inni í klefa.“
n Knattspyrnumaðurinn Rúrik Gíslason sem
gerir það gott í danska toppliðinu OB. Hann segir
Afríkumennina Peter Utaka og Eric Djemba-
Djemba, fyrrverandi leikmann Manchester
United, hressa náunga.-Fréttablaðið.
Tilgangur forseta
LEIÐARI
Vigdís Finnbogadóttir er aftur orð-in forseti Íslendinga. Í haust var gerð rannsókn á því hvern Íslendingar álitu sameiningartákn þjóðarinnar. Niður-
staðan var að fleiri völdu Vigdísi en nokkurn
annan. Ólafur Ragnar Grímsson forseti reyndist
vera álíka sterkt sameiningartákn og Sigmund-
ur Davíð Gunnlaugsson, formaður Framsókn-
arflokksins. Aðeins eitt prósent svarenda valdi
Sigmund Davíð eða forsetann.
Vigdís er fulltrúi gamalla gilda. Auðmýkt,
varfærni og hófstilling eru aðalsmerki henn-
ar. Núverandi forseti er hróðugri, kraftmeiri og
kapitalískari. Ólafur er fulltrúi þeirra gilda, sem
hér voru við lýði, en hrundu með bönkunum
þarsíðasta haust.
Tilgangur forseta Íslands hefur verið á reiki í
þjóðfélagsumræðunni, bæði í lagalegum, prakt-
ískum og táknrænum skilningi. Lagalega deil-
an snýst um hvort hann eigi að gæta hagsmuna
þjóðarinnar með því að vísa lögum til þjóðarat-
kvæðagreiðslu. Það gerði Ólafur, en Vigdís ekki.
Um táknrænan tilgang forsetans ber helst að
nefna tvenns konar viðhorf. Það hefðbundna
kveður á um að forsetanum sé ætlað að vera
akkeri sem forðar þjóðinni frá því að reka burt
frá sögu sinni og hefð. Forsetinn eigi að vera fasti
í breytilegum heimi, sem veitir hröðum breyt-
ingum viðnám.
Ólafur Ragnar var ekki fasti. Hann hefur ver-
ið hreyfanlegri en aðrir forsetar, enda flaug hann
oft með einkaþotum útrásarvíkinga. Jarðbund-
inn er hann ekki heldur. Fyrir hrun var hann nú-
tímalegur forseti. Eftir hrun er hann álitinn einn
af þeim sem brugðust þjóðinni mest.
Önnur sýn á forsetaembættið er að forset-
inn eigi að vera samferða þjóð sinni og endur-
spegla gildi hennar hverju sinni. Ólafur Ragnar
var á sinn hátt samferða þjóðinni, þótt hann hafi
hlaupið svolítið á undan og farið hraðar yfir en
almenningur. Stefnan var engu að síður sú sama
og áfangastaðurinn sameiginlegur. Samkvæmt
þessari sýn getur forsetinn þjónað tilgangi með
því að styrkja ráðandi gildi og markaðssetja þau.
Á meðan Vigdís var framsækin í kvenrétt-
indamálum var Ólafur Ragnar fánaberi skulda-
væðingar og áhættusækni. Eðlismunur er á
þessu tvennu. Vigdís stóð vörð um grundvall-
armannréttindi; réttindi kvenna til jafns við
aðra. Það sem Ólafur studdi, í besta falli óafvit-
andi um afleiðingarnar, var frelsi hinna fáu til að
stunda skuldsettar yfirtökur í útlöndum og veð-
setja eignir þjóðarinnar, henni til dýrðar. Stuðn-
ingur Ólafs var án vafa byggður á þeirri trú hans
að þjóðin myndi hagnast á útrásinni. Hann virð-
ist hins vegar hafa lagt þjóðina og útrásarvíkinga
að jöfnu. Og hann leit svo á að hin nýstárlega
bankastarfsemi væri jafngild sjávarútveginum,
sem haldið hefur þjóðinni á lífi um aldir.
Forsetinn var tákn um gildi sem endurspegl-
uðu velgengni þjóðarinnar í sögu hennar. Auð-
mýkt, varfærni og hófstilling greyptust inn í
þjóðina meðan tugir mannsaldra lifðu af ham-
farir sem góðæri. Gildin sem við höfðum, og
Vigdís endurspeglaði, voru afsprengi darwin-
ískrar þróunar, þar sem þau urðu ofan á sem
héldu okkur á lífi. Að því leytinu eru hefðir og
gildi hagkvæm í lífsbaráttunni.
Forsetinn var bæði tákngervingur og vernd-
ari þessara gilda. Og út frá því getur forseti fund-
ið raunverulegan tilgang, eða misst hann.
JÓN TRAUSTI REYNISSON RITSTJÓRI SKRIFAR. „Vigdís er fulltrúi gamalla gilda. Auðmýkt, varfærni og hófstilling eru aðalsmerki hennar.“
BÓKSTAFLEGA
Andleg útrás
Það vakti bæði reiði og hljóðan harm
þegar Pálmi prestur fann sig knúinn
til þess að biðja griða fyrir útrásar-
víkinga og innmúraða klíkubræður.
Hann bað þjóðina og almáttugan
guð um að fyrirgefa bankabröskur-
unum og þeim sem stálu kjölfestu
þjóðarskútunnar. Þetta gerði Pálmi
í frægri útvarpsmessu á því herrans
ári sem nú er brátt á enda. Þeir voru
nokkrir sem orðuðu það við mig að
þarna væri ríkasti prestur landsins
að gjalda gott með góðu jafnvel þótt
þetta gjálfur kostaði það að hann
þyrfti að rugla saman reytum kristni
og hræsni. Þarna var bljúgur maður
að vernda stétt glæpamanna með
bænasuði. Vinur vina sinna að fá út-
rás fyrir einlæga fyrirgefningu.
Það er þetta með útrásina – yf-
irleitt allt sem að útrás kemur. Allt
er það í dag útjaskað og ef eitthvað
flokkast undir útrás þá er það ógeðs-
legt og ógyslegt. Útrásarvíkingarn-
ir eyðilögðu alla útrás. Í dag er un-
aður kynferðislegrar útrásar nánast
illa séður og upphefð andlegrar út-
rásar engin. Það er til vansæmdar ef
einhverjum verður á að nefna líkam-
lega útrás. Og til háborinnar skamm-
ar telst það athæfi að fá útrás fyrir
skáldskap eða að útrása sig á einn
eða annan hátt. Sá er litinn horn-
auga og jafnvel dæmdur til dauða
með ísköldu augnaráði sem ber upp
þá frómu ósk að mega fá að njóta út-
rásar.
Núna hefur öll útrás verið sett í
salt og engu er líkara en herrann á
himnum sé að undirbúa okkur fyrir
eitthvað stærra og meira. Kannski er
hann akkúrat að nota hátíð ljóss og
friðar sem pækil fyrir allt það kjöt sem
enn má á beinunum finna. Kannski
er okkur ætlað að upplifa ný og hold-
meiri andlit fyrirgefningarinnar –
andlit sem ekki líkjast neinu sem fyr-
ir augu okkar hefur borið. Kannski er
sá í efra að ætla okkur það stóra hlut-
verk að gleyma niðurstöðum nefnd-
arinnar sem rannsakar hrunadans-
inn. Kannski verður dansað í Hruna
þessi jól. Kannski verða dansararnir
í þetta skiptið þjóðkjörnir leiðtogar –
fólkið sem okkur var sagt að við ætt-
um að geta treyst.
Kæra þjóð, ef það fer svo í byrj-
um árs, þegar skýrsla rannsóknar-
nefndar bankahrunsins verður birt,
að enginn verður dæmdur, ef okk-
ur verður boðin sú smán að fyrir-
gefa öllum glæpalýðnum – án þess
að ein einasta hræða verði dregin til
ábyrgðar – þá fyrst mun íslensk þjóð
fá útrás.
Er varla sól á veröld skín
og versna okkar krísur
þá er það besta útrás mín
að yrkja fagrar vísur.
Gleðileg jól
KRISTJÁN HREINSSON
skáld skrifar
„Þarna var bljúgur
maður að vernda
stétt glæpamanna
með bænasuði.“
SKÁLDIÐ SKRIFAR
22 MIÐVIKUDAGUR 23. desember 2009 UMRÆÐA