Dagblaðið Vísir - DV - 30.12.2009, Blaðsíða 58

58 MIÐVIKUDAGUR 30. desember 2009
NAFN OG ALDUR?
„Helgi Hrafn Jónsson, 30 ára.“
ATVINNA?
„Tónlistarmaður.“
HJÚSKAPARSTAÐA?
„Á lausu.“
FJÖLDI BARNA?
„Ekkert.“

HEFUR ÞÚ ÁTT GÆLUDÝR?
„Já, fuglinn Hnetu sem flaug út að vetrarlagi og svo
flóðhestinn Láka. Er einmitt að fara með hann til
dýralæknis.“
HVAÐA TÓNLEIKA FÓRST ÞÚ Á SÍÐAST?
„Hjaltalín á Nasa.“

HEFUR ÞÚ KOMIST Í KAST VIÐ LÖGIN?
„Nei, af hverju spyrðu, andskotinn hafi það?“
HVER ER UPPÁHALDSFLÍKIN ÞÍN OG AF HVERJU?
„Ætli það sé ekki sundskýlan. Mér líður oftast vel
þegar ég er í henni.“
HEFUR ÞÚ FARIÐ Í MEGRUN?
„Nei, en ég hef stundum reynt að bæta á mig smá
fleski.“
HEFUR ÞÚ TEKIÐ ÞÁTT Í SKIPULÖGÐUM MÓTMÆL-
UM?
„Já, og ég vona að fólkið sem við veittum umboð til
góðra verka geti staðið undir þeirri ábyrgð, en hagi
sér ekki eins og siðspilltar og gagnslausar liðleskjur
eins og sumir forvera þeirra.“
TRÚIR ÞÚ Á FRAMHALDSLÍF?
„Já.“
HVAÐA LAG SKAMMAST ÞÚ ÞÍN MEST FYRIR AÐ
HAFA HALDIÐ UPP Á?
„Ég skammast mín ekkert fyrir lög á borð við „Freed
from Desire“; 90’s danstónlist lifi!“
HVAÐA LAG KVEIKIR Í ÞÉR?
„Good times, bad times með Led Zeppelin af plöt-
unni Led Zeppelin I.“
TIL HVERS HLAKKAR ÞÚ NÚNA?
„Ég hlakka til að taka upp þriðju plötuna mína á
næsta ári.“
HVAÐA MYND GETUR ÞÚ HORFT Á AFTUR OG AFT-
UR? (AF HVERJU?)
„Börn náttúrunnar eftir Friðrik Þór Friðriksson.
Hún minnir mann á, á svo fallegan hátt, að allt í líf-
inu er mögulegt.“

AFREK VIKUNNAR?
„Kláraði að skrifa annan þátt í strengjakvartett sem
ég er að vinna að.“
HEFUR ÞÚ LÁTIÐ SPÁ FYRIR ÞÉR?
„Nei, en ég les stjörnuspána á hverjum morgni.“
SPILAR ÞÚ Á HLJÓÐFÆRI?
„Já, sum. Mig langar samt mikið að geta spilað á
hörpu.“
VILTU AÐ ÍSLAND GANGI Í EVRÓPUSAMBANDIÐ?
„Nei, ætli það. Ég held að Evrópusambandið ásælist
miklu meira hjá okkur en það getur nokkurn tíma
boðið í staðinn.“
HVAÐ ER MIKILVÆGAST Í LÍFINU?
„Að vera.“
HVAÐA ÍSLENSKA RÁÐAMANN MUNDIR ÞÚ VILJA
HELLA FULLAN OG FARA Á TRÚNÓ MEÐ?
„Menntamálaráðherra, ekki spurning.“
HVAÐA FRÆGA EINSTAKLING MYNDIR ÞÚ HELST
VILJA HITTA OG AF HVERJU?
„Menntamálaráðherra, hef heyrt að hún eigi
spennandi vínkjallara og sé sérdeilis prýðilega
skemmtileg á trúnó.“
HEFUR ÞÚ ORT LJÓÐ?
„Nei, lagatextarnir mínir eru svo praktísks eðlis að
ég fer varla að kalla þá ljóð.“
NÝLEGT PRAKKARASTRIK?
„Tók Láka með upp á spítala að heimsækja ömmu.
Það mæltist ekki vel fyrir.“
HVAÐA FRÆGA EINSTAKLING LÍKIST ÞÚ MEST?
„Lillimann klifurmús.“
ERTU MEÐ EINHVERJA LEYNDA HÆFILEIKA?
„Ég er góður í að miðla málum á milli stórveld-
anna. Það hefur ekki reynt mikið á þessa hæfileika
mína enn þá.“
Á AÐ LEYFA ÖNNUR VÍMUEFNI EN ÁFENGI?
„Nei, en það hefur lítið upp á sig að vera að refsa
aumingjans fólkinu sem notar efnin.“

HVER ER UPPÁHALDSSTAÐURINN ÞINN?
„Rauðaskriða í Aðaldal.“
HVAÐ ER ÞAÐ SÍÐASTA SEM ÞÚ GERIR ÁÐUR EN ÞÚ
FERÐ AÐ SOFA?
„Gef flóðhestinum næturskammtinn af róandi. Þið
mynduð ekki trúa því hvað flóðhestur getur gert úr
kjallaraíbúð í Vesturbænum í myrkri.“
HVER ER LEIÐ ÍSLANDS ÚT ÚR KREPPUNNI?
„Bjartsýni, skynsemi, samheldni, réttlæti, vinnu-
semi, virðing fyrir mannfólkinu og náttúrunni. Auk
þess hugrekki og pönnukökur.“
Tónlistarmaðurinn Helgi Hrafn Jónsson fékk um daginn
Kraumsstyrkinn 2009 fyrir nýjustu plötu sína. Hann vildi
helst fara á trúnó með menntamálaráðherra því hún á víst
svo fínan vínkjallara.
HEIMSÓTTI ÖMMU
MEÐ FLÓÐHESTINN
Umboðs- og söluaðili
Birkiaska ehf.
sími: 551 9239
www.birkiaska.is
Birkilauf
www.pingpong.is
Suðurlandsbraut 10 2.h. • Reykjavík
Sími 568 3920 og 897 1715
Borðtennisborð
Umbo›s- og sölua›ili
Birkiaska ehf.
sími: 551 9239
www.birkiaska.is
Vali› fæ›ubótarefni ársins 2002 í Finnlandi
Minnistöflur
NICOLAI
Véla- og hjólastillingar
Tímareimar - Viðgerðir
BIFREIÐASTILLINGAR
Faxafeni 12 Sími 588-2455
2 dálkar = 9,9 *10
Opið: má-fö. 12-18, Opið á laugard. til jóla frá 12-16
Dalvegi 16a,
Rauðu múrsteinshúsunum
Kóp. 201 - S: 517 7727
www.nora.is
Fyrir bústaðinn og heimilið