Dagblaðið Vísir - DV - 30.12.2009, Blaðsíða 70

70 MIÐVIKUDAGUR 30. desember 2009
Blikar unnu bikar, stelpurnar okkar fóru á stórmót, Stjarnan vann KR í körfunni og Atli Eðvalds snéri heim.
Þetta og ýmislegt annað gerðist á íþróttaárinu 2009 en á myndunum er stiklað á stóru í því sem gerðist í ár.
ÍÞRÓTTAÁRIÐ
HÉR HEIMA
STRÁKARNIR OKKAR
Afar lemstrað handboltalandslið barð-
ist í gegnum manneklu og komst á EM
í Austurríki með frábærum leikjum.
Nýir menn stigu upp og framtíðin er
björt í handboltanum.
STELPURNAR OKKAR
Íslenska kvennalandsliðið spilaði á
stórmóti, Evrópumótinu í Finnlandi.
Stelpurnar töpuðu því miður öllum
leikjunum en sigurinn var þá þegar
unninn, að komast á mótið.
ÓVÆNTAST Á ÁRINU
Stjarnan undir leiðsögn Teits Örlygssonar
tók sig til og varð bikarmeistari í körfu-
bolta. Í úrslitaleiknum vann Stjarnan
ofurlið KR með Jón Arnór Stefánsson og
Jakob Örn Sigurðarson innanborðs.
STOLT HANDBOLTANS
Haukar urðu Íslandsmeistarar annað árið
í röð í vor eftir fyrstu úrslitakeppnina frá
2004. Þeir misstu síðan tvo gríðarlega
sterka leikmenn en komust samt í 16 liða
úrslit EHF-bikarsins þar sem Einar Örn
Jónsson skoraði tvívegis úrslitamark á
síðustu sekúndum leikjanna.
LANGBESTAR
Valur varð Íslandsmeistari í þriðja skiptið í röð hjá konunum
þrátt fyrir að missa gífurlega mikinn mannskap.
SNJÓR Á
VELLINUM
Kvennalið Vals
keppti í meistara-
deildinni í haust og
snjóaði fyrir leikinn.
Þurfti því að moka
völlinn áður en
sólarstrandarpíurnar
mættu í heimsókn.
HAFNFIRÐINGAR BESTIR
FH varð Íslandsmeistari í fimmta skiptið á sex
árum hjá körlunum. Atli Guðnason var valinn
leikmaður ársins.
ATLI EÐVALDSSON
Snéri aftur í þjálfun hér heima og ætl-
aði að umturna öllu hjá Val. Gengið
varð ekkert betra og fékk Atli ekki
áframhaldandi samning. Gunnlaugur
Jónsson tók við eftir tímabilið.
FYRSTU DEILDAR
LIÐ Í ÚRSLITUM
Valsmenn mættu fyrstu deildar liði
Gróttu í úrslitum bikarsins í byrjun
árs. Valur hafði auðveldan sigur fyrir
framan smekkfulla Laugardalshöll.
DAPUR ÁRANGUR
Íslenska karlalandsliðið í fótbolta spilaði
betri bolta en áður en endaði samt neðst í
sínum riðli í undankeppni HM. Samningur-
inn við Ólaf Jóhannesson var samt endur-
nýjaður og fær hann aðra undankeppni til
að halda uppbyggingunni áfram.
OFURMANNLEGUR
Gunnar Nelson átti hreint ótrúlegt ár. Hann
vann stærsta mót heims í brasilísku jiu-jitsu og
varð annar á heimsmeistaramótinu svo fátt eitt
sé nefnt. Hann endaði síðan árið með því að
fara á kostum á erfiðasta gólfglímumóti heims
þar sem hann sigraði mann sem er kallaður
snjómaðurinn ógurlegi. Tröll að vexti.
FYRSTI TITILLINN
Breiðablik vann sinn fyrsta titil í knattspyrnu
karla. Liðið varð bikarmeistari eftir vítaspyrnu-
keppni gegn Fram á Laugardalsvellinum.