Dagblaðið Vísir - DV - 28.06.2010, Blaðsíða 4

4 fréttir 28. júní 2010 mánudagur
„Það voru einhverjir sem komust
bakdyramegin inn og tóku afrit af
hálfkláruðum lista. Hann var svo
settur á Facebook og víðar þannig
að margir gátu séð,“ segir Ingi Ólafs-
son, skólastjóri Verslunarskóla Ís-
lands. Ókláraður listi yfir niðurröðun
í bekki á haustönn 2010 var aðgengi-
legur nemendum í skamman tíma á
netinu.
Ingi segir leiðinlegt, sérstaklega
fyrir nemendurna sem um ræðir, að
listinn yfir niðurröðun í bekki hafi
komist í umferð því hann hafi alls ekki
verið fullkláraður. „Það er þannig að
þegar búið er að ákveða hvaða nem-
endur komast inn í skólann er þeim
raðað inn í bekki. Við viljum ekki að
nemendur fylgist með því,“ segir Ingi
og heldur áfram: „Eins og listinn leit
út þegar hann komst í umferð var eins
og tveir bekkir væru tómir. Það var því
túlkað þannig að við ættum 30 til 40
pláss laus en þetta var bara vinnu-
plagg,“ segir hann og bætir við að
þetta hafi skapað óróa.
Ingi segir aðspurður að ekki hafi
verið um ólöglegt athæfi að ræða.
Nemendur hafi komist inn um gátt
á gömlum vef skólans sem starfsfólk
hafi talið að væri lokaður.
Að sögn Inga verða 308 nýnemar
teknir inn í skólann að þessu sinni en
það er svipað og í fyrra. Skólinn hafi
hins vegar neyðst til að vísa stórum
hópi frábærra nemenda frá en taka
inn slakari nemendur vegna reglna
um að framhaldsskólum sé skylt að
taka inn nemendur úr því hverfi sem
skólinn er í. Ingi vildi heldur hafa
þetta eins og áður en reglurnar komu
til. „Ég vil hafa þetta eins og þetta var
að hver og einn skóli ákveði hvaða
nemendur hann tekur inn, óháð bú-
setu þeirra,“ segir hann aðspurður.
Hann segist hafa þurft að vísa frá um
120 nemendum sem völdu Versló
sem fyrsta valkost. baldur@dv.is
Ókláruð bekkjaröðun Verslunarskólans fyrir haustönn 2010 fór óvart í umferð:
„Þetta var bara vinnuplagg“
Mistök Ingi segir leiðinlegt fyrir
nemendurna sem um ræðir að
listinn hafi komist í umferð.
Mynd Heiða Helgadóttir
Landsbankinn hefur stefnt Þor-
steini  M. Jónssyni, forstjóra Vífilfells,
vegna tugmilljóna víxils sem hann
er í persónulegri ábyrgð fyrir. Málið
var tekið fyrir í vikunni í Héraðsdómi
Reykjavíkur.
Samkvæmt heimildum DV innan
úr bankakerfinu útbjó bankinn um-
ræddan víxil á nafni Þorsteins sem
var að reyna að endurfjármagna sig.
Víxillinn er upp á tugmilljónir ís-
lenskra króna og er hann í persónu-
legri ábyrgð fyrir honum. Þorsteinn
hefur væntanlega ekki náð að standa í
skilum og því hefur Landsbankinn nú
stefnt honum vegna víxilsins.
Miklar skuldir
DV hefur ekki heimildir fyrir því
hver raunveruleg skuldastaða Þor-
steins er í dag en hann hefur sjálf-
ur fullyrt að hann hafi náð að semja
við sinn stærsta lánardrottin, Arion
banka. Við bankahrunið voru skráð-
ar á hann skuldir í bönkunum, eink-
um Kaupþingi, upp á rúma fjórtán
milljarða króna. Samkvæmt skýrslu
rannsóknar nefndar Alþingis sat hann
í 29. sæti yfir mestu skuldara landsins.
Á sama tíma og bankinn stefndi
viðskiptafélögum Þorsteins, þeim
Kevin Stanford og Magnúsi Ármann,
vegna lánaskulda félagsins Materia
Invest segist hann hafa samið við
bankann og því hafi stefnan fallið nið-
ur. Þá heldur hann enn um stjórnar-
taumana hjá Vífilfelli, umboðsaðila
Coca-Cola á Íslandi.
Kærður af glitni
Þorsteinn þarf engu að síður
að undir búa málsvörn sína því
snemma maímánaðar var honum
stefnt, ásamt sex öðrum úr hópi
fyrrverandi eigenda og stjórnenda
Glitnis, af slitastjórn Glitnis. Í stefn-
unni er fullyrt að bankinn hafi verið
rændur innan frá með óeðlilegum
og ótryggum lánveitingum til félaga
sem tengjast eigendahópnum.
Þorsteinn, sem gegndi starfi
stjórnarformanns Glitnis um tíma,
er meðal stefndu og er þar í hópi
með Jóni Ásgeiri Jóhannessyni, Ingi-
björgu Pálmadóttur, Pálma Haralds-
syni, Lárusi Welding, Jóni Sigurðs-
syni og Hannesi Smárasyni. Eins og
frægt er orðið var málið höfðað í New
York og krefst slitastjórnin 258 millj-
arða króna í bætur.
STEINA Í KÓK STEFNT
AF LANDSBANKANUM
Þorsteinn M. Jónsson, forstjóri og eigandi Vífilfells, þarf að verjast fyrir dómstólum eftir
að Landsbankinn stefndi honum. Ástæðan er tugmilljóna víxill sem fjárfestirinn er í per-
sónulegri ábyrgð fyrir. Samkvæmt heimildum DV var það gert í von um endurfjármögnun.
Milljóna víxill Þorsteinn skrifaði
undir tugmilljóna víxil hjá Lands-
bankanum og nú hefur bankinn
stefnt honum.
endurfjármögnun Samkvæmt heim-
ildum DV ritaði Þorsteinn undir víxilinn í
þeirri von að ná fram endurfjármögnun.trausti Hafsteinsson
blaðamaður skrifar: trausti@dv.is
Víxillinn er upp á tugmilljónir
íslenskra króna og er
hann í persónulegri
ábyrgð fyrir honum.
Slasaðist á
Spákonufelli
Björgunarsveitir Slysavarnafélags-
ins Landsbjargar á Norðvesturlandi
voru kallaðar út á ellefta tímanum á
sunnudag vegna manns sem slasað-
ist þegar hann brotlenti svifdreka í
Spákonufelli fyrir ofan Skagaströnd.
Maðurinn fékk opið beinbrot og var
með skerta meðvitund. Hann var
einn á ferð og hringdi sjálfur í neyð-
arlínuna. Þyrla Landhelgisgæslunn-
ar var kölluð út og flutti manninn á
sjúkrahús. 
Tekinn á 196
í Ártúnsbrekku
Lögreglan á höfuðborgarsvæðinu
hafði í nógu að snúast aðfaranótt
sunnudags. Alls voru 126 verkefni
skráð í dagbók lögreglunnar. Lög-
reglan stöðvaði ökumann á 196 kíló-
metra hraða á klukkustund í Ártúns-
brekku um klukkan hálf tvö. Leyfður
hámarkshraði í Ártúnsbrekku er 80
kílómetrar á klukkustund. Ökumað-
urinn var sviptur ökuréttindum á
staðnum.
Reyndi að stinga
lögregluna af
Lögreglan stöðvaði 100 ökutæki
í eftirliti vegna ölvunaraksturs á
Kringlumýrarbraut aðfaranótt laug-
ardags. Fjórir þeirra ökumanna sem
stöðvaðir voru reyndust ölvaðir. Þrír
þeirra voru sviptir ökuréttindum til
bráðabirgða en sá fjórði reyndi að
stinga lögregluna af þegar hann varð
var við vegatálma lögreglu. Þá tók
hann upp á því að aka á móti umferð
að Bústaðavegi frá Kringlumýrar-
braut. Hann var handtekinn stuttu
síðar og þurfti að gista fangageymsl-
ur lögreglunnar.
Varð fyrir eldingu
Flugvél Iceland Express varð fyrir
eldingu í aðflugi við Winnipeg í
Kanada skömmu eftir miðnætti að-
faranótt sunnudagsins. Samkvæmt
tilkynningu frá Iceland Express
sakaði engan um borð. Engin hætta
mun hafa verið á ferðum, enda vélin
búin til að bregðast við slíku. Vélin
varð fyrir óverulegum skemmdum
en í kjölfarið urðu tafir á flugi fé-
lagsins.