Dagblaðið Vísir - DV - 28.06.2010, Blaðsíða 24

villa nálgast raúl David Villa, framherji
spænska landsliðsins, nálgast nú óðfluga markamet hins
magnaða Raúls með spænska landsliðinu. Raúl skoraði 44
mörk í 102 leikjum með spænska landsliðinu en Villa er nú
þegar kominn með 41 mark í 61 leik, hreint ótrúleg tölfræði.
Villa er markahæstur Spánverja á EM með þrjú mörk en hann
er nú þegar orðinn markahæsti Spánverjinn á HM frá upphafi
með sex mörk. Skákar hann þar snillingum á borð við Emilio
Butragueno, Fernando Morientes og auðvitað Raúl.
hræðumst ekki úrúgvæ Eina von Afríku á HM,
Gana, mætir Úrúgvæ í átta liða úrslitum. John Mensah, miðvörður liðs-
ins, veit vel af pressunni frá allri álfunni um að gera vel. „Öll afrísku liðin
eru úr leik nema við þannig að álfan horfir til okkar. Við erum ekkert
hræddir við Úrúgvæ alveg eins og við hræddumst ekkert Bandaríkin. Við
unnu þau og það sama ætlum við að gera gegn Úrúgvæ,“ segir Mensah
en Ganverjar hafa verið eilítið gagnrýndir fyrir mikinn varnarleik. „Þjálf-
arinn vill spila með einn uppi á topp og eftir því förum við. Ef við förum
ekki eftir skipulaginu þá mun okkur ekkert ganga,“ segir hann.
24 uMSJón: TÓMAS ÞÓR ÞÓRÐARSON tomas@dv.is 28. júní 2010 mánudagur
næstuleikir
28. júní kl. 14:00:
holland - slóvakía
n Hollendingar hafa væntanlega
hoppað hæð sína í loft upp þegar
þeir horfðu á leik Slóvaka og Ítala
sem var úr-
slitaleikur um
sæti í 16 liða
úrslitunum.
Hollendingar
hafa verið afar
sannfærandi
á mótinu
þrátt fyrir
að spila ekki
sinn fallega
fótbolta. Þeir fengu aðeins á sig eitt
mark og það var úr víti. Slóvakar
byrjuðu mótið illa og virtust vera
eitt af slakari liðum keppninnar. Þeir
sýndu þó flottan leik gegn Ítalíu og
gegn Hollandi hafa þeir engu að
tapa. Þetta er það sem kallað er sýnd
veiði en ekki gefin.
28. júní kl. 18:30:
Brasilía - síle
n Tvö lið sem þekkjast vel mætast í
16 liða úrslitunum. Brassarnir urðu
efstir í undankeppninni í Suður-Am-
eríku, rétt á
undan Síle,
sem vann
Brasilíu á
heimavelli. Það
má búast við
stórskemmti-
legum leik
því Síle-menn
hafa boðið
upp á frábæra
skemmtun hingað til. Þeir eru
algjörlega óhræddir við að sækja og
vilja helst ekki verjast. Það gæti vel
farið svo að skipulagðir Brassar undir
stjórn Dunga verði Síle-mönnum
of stór biti að kyngja en ljóst er að
skemmtanagildið verður hátt.
29. júní kl. 14:00:
Paragvæ - JaPan
n Kannski ekki mest spennandi leik-
urinn í 16 liða úrslitunum en þarna
fara tvö lið sem eiga svo sannarlega
skilið að vera
komin þetta
langt. Paragvæ
var langbesta
liðið í F-riðlin-
um með Ítalíu
og Slóvakíu
á meðan
Japanir komu
skemmtilega
á óvart í
sterkum E-riðli sem innihélt Holland,
Kamerún og Dani. Japanir hafa sýnt
mjög trausta frammistöðu til þessa,
verið skipulagðir en þó beittir fram
á við og sterkir í föstum leikatriðum.
Paragvæska liðið í dag er eitt það
besta sem þjóðin hefur alið af sér.
29. júní kl. 18:30:
sPánn - Portúgal
n Þeir verða vart stærri nágrann-
aslagirnir en þetta. Spánverjar
byrjuðu mótið með mjög óvæntu
tapi gegn Sviss
en voru síðan
gríðarlega
sannfærandi
eftir það. Að
sama skapi
hefur Portúgal
valdið miklum
vonbrigðum,
þrátt fyrir að
hafa rúllað upp
norður-Kóreu, 7-0. Í hinum tveimur
leikjum sínum, gegn Fílabeins-
ströndinni og Brasilíu, reyndi liðið
bara að halda markalausu jafntefli
og sú varð niðurstaðan. Fótbolti sem
á ekki að sjást hjá jafnhæfileikaríku
liði og Portúgal er.
Karma er orð sem er Englending-
um ofarlega í huga eftir 4-1 tap
enska landsliðsins gegn Þýska-
landi í 16 liða úrslitum heims-
meistarakeppninnar í fótbolta. Í
stöðunni 2-1 átti Frank Lampard
skot í slána, niður og út, og fór bolt-
inn langt inn fyrir línuna. Hvorki
aðstoðardómarinn né dómarinn
sáu boltann fara inn og var því ekki
dæmt mark. Ótrúleg mistök eins
besta dómaratríósins á mótinu og
er þátttöku þeirra á HM án efa lok-
ið með þessum mistökum.
Það gerðist í úrslitaleik Eng-
lands og Þýskalands fyrir 44 árum,
á HM á Englandi árið 1966, að
Geoff Hurst skoraði sigurmark
Englands í framlengingu, 3-2. Síð-
ar kom í ljós að boltinn fór aldrei
inn fyrir línuna en þetta er eini
heimsmeistaratitillinn sem Eng-
land hefur unnið. Var sigur Þjóð-
verja nú því sætur og hefndin enn
sætari.
Sannfærandi hjá þýskum
Enska liðið spilaði ekki vel á
heimsmeistaramótinu, eiginlega
þvert á móti. Það rétt komst í gegn-
um riðlakeppnina með 1-0 sigri
á Slóveníu í síðasta leik sínum á
meðan Þjóðverjar sýndu snilldar-
tilburði í sínum riðli. Leikurinn bar
þess merki strax frá fyrstu mínútu
því Þjóðverjar voru miklu betri en
Englendingar en heilt yfir var leik-
urinn mun opnari en búast mátti
við.
Eftir aðeins þrjátíu og þriggja
mínútna leik leiddi Þýskaland 2-0
með mörkum Miroslavs Klose og
Lukas Podolski. Matthew Upson
minnkaði þó muninn fyrir Eng-
land á 37. mínútu og í næstu sókn
gerðist þetta ótrúlega atvik þar
sem Frank Lampard skoraði aug-
ljóst mark sem ekki var dæmt.
Akkúrat á þeim tímapunkti voru
Englendingar komnir með stjórn á
leiknum og hefði mark gert mikið
fyrir liðið.
Í seinni hálfleik þurfti enska
liðið að sækja og var því refsað á
þriggja mínútna kafla þegar hinn
ungi Thomas Muller skoraði tví-
vegis, í bæði skiptin eftir frábæra
skyndisókn. 4-1 sigur Þýskalands
var kannski helst til of stór en
sannfærandi var hann og er eng-
in spurning um að betra liðið hafi
unnið.
Englendingar þurfa að fara í
naflaskoðun eftir þetta mót og þá
sérstaklega Fabio Capello, þjálfari
liðsins. Leikmannaval hans er oft
á tíðum afar sérstakt og er spurn-
ing hvort hann ætti ekki að fara að
gefa yngri leikmönnum landsins
tækifæri. Fyrst og fremst þarf hann
að líta til þess sem liðið gerði vel í
undankeppninni því þar fór það á
kostum.
Rán um hábjartan dag
„Ég er mjög ósáttur við dómarann,
að hafa ekki dæmt þetta mark. Það
hefði breytt öllum leiknum,“ sagði
Capello á blaðamannafundi eft-
ir leikinn. „Við vorum 2-1 undir
þannig að þetta hefði jafnað leik-
inn. Þaðan sem ég sat á bekknum
sá ég boltann greinilega fara inn.
Því skil ég ekki hvernig dómaran-
um og aðstoðarmanni hans tókst
ekki að sjá markið því þeir voru
nær en ég. Þessi mistök voru rán
um hábjartan dag,“ sagði Ítalinn
reiður en hann er á því að þessi
dómur hafi verið gríðarlega stór
vendipunktur í leiknum.
„Ef ekki hefði verið fyrir þetta
mark held ég að við hefðum unn-
ið leikinn. Við spiluðum vel og
stjórnuðum leiknum fyrstu tuttugu
mínúturnar. Eftir það misstum við
einbeitinguna og Þjóðverjar refs-
uðu okkur með tveimur mörk-
um. Aftur á móti rifum við okkur
upp og skoruðum mark á þá. Eft-
ir það fórum við að stjórna leikn-
um og jöfnuðum en það var ekki
dæmt vegna ástæðna sem aðeins
dómarinn getur útskýrt. Þau mis-
tök höfðu áhrif á taktinn í liðinu og
eftir að Þýskaland bætti við þriðja
markinu hættum við bara,“ sagði
Fabio Capello sem ætlar að ræða
við enska knattspyrnusambandið
áður en hann tekur ákvörðun um
framtíð sína.
Þýskaland átti sigurinn
skilinn
„Markið sem ekki var dæmt hafði
áhrif á okkur en við afsökum ekki
4-1 tap með því,“ sagði fyrirliði
enska landsliðsins, Steven Gerr-
ard, við BBC eftir leikinn. „Markið
hefði vissulega verið okkur mikil-
vægt en það er allt saman spurning
um ef og hefði. Þýskaland er með
gjörsamlega frábært lið og það átti
sigurinn skilið,“ sagði Gerrard.
England spilaði ekki vel á HM
og náði aldrei þeim takti sem liðið
sýndi í undankeppninni. Gerrard
hafði ekki svör á reiðum höndum
um hvað væri að hjá enska liðinu
en hann sagði leikinn gegn Þýska-
landi hafa verið ein stór mistök.
„Maður fer eftir svona leiki og
hugsar um hvað maður gerði rangt
og af hverju við fórum ekki lengra
í mótinu. Sem lið gerðum við stór
mistök í dag og það var gott lið
sem sigraði okkur. Þjóðverjar voru
miklu betri upp við markið og
gerðu færri mistök en við. Okkur
var grimmilega refsað fyrir mistök
okkar,“ sagði Steven Gerrard.
Hefndin er sæt
— 44 árum síðar
Þýskaland komst í átta liða úrslit HM í Suður-Afríku
með öruggum sigri á Englandi, 4–1. Sigur Þjóðverja
var verðskuldaður og ekki skemmdi fyrir að
mark Franks Lampard var ekki dæmt gilt
þó að boltinn færi augljóslega langt inn
fyrir línuna. Fyrir 44 árum fór bolt-
inn ekki inn fyrir línuna hjá Eng-
landi en þá var dæmt mark.
TÓMAS ÞÓR ÞÓRÐARSON
blaðamaður skrifar: tomas@dv.is
Ég er mjög ósáttur við
dómarann, að hafa
ekki dæmt þetta
mark. Það hefði breytt
öllum leiknum.
svona langt inni! Wayne Rooney sýnir dómaranum nákvæmlega
hversu langt boltinn fór inn fyrir línuna. MyNd AFP
2–2? Manuel neuer horfir á
boltann fara inn í markið. MyNd AFP