Dagblaðið Vísir - DV - 28.06.2010, Blaðsíða 14

14 neytendur umsjón: baldur guðmundsson baldur@dv.is 28. júní 2010 mánudagur
Bestu tjaldstæði Íslands
Skýringar. Bestu tjaldstæðin. Perlur
fimm
Stjörnu Stæði
Bakkaflöt í skagafirði
Verð: 800 kr. fyrir 12 ára og eldri.
Vegalengd frá Varmahlíð: 11 km.
n skammt frá Varmahlíð er Bakkaflöt þar
sem gott tjaldstæði er að finna. svæðið er
skjólgott með trjám og runnum og aðstaða
er þar mjög góð. Bæði er að finna heitt og
kalt vatn á staðnum auk þess sem gasgrill
og eldunaraðstöðu, þar sem 20 manns geta
setið inni, er að finna á staðnum. svæðinu er
skipt niður í hólf sem gerir það að verkum
að það er hentugt fyrir hópa sem vilja vera
út af fyrir sig. Hægt er að komast í rafmagn
gegn greiðslu. Ekki þarf að fjölyrða um
fegurðina í skagafirði. Þetta er fimm stjörnu
tjaldstæði samkvæmt tjalda.is.
allt til allS
tjaldstæðið í laugardal
Verð: 1.000 kr. á mann.
Vegalengd frá akureyri: 380 km.
n Tjaldstæðið í Laugardal er auðvitað
frábærlega staðsett með tilliti til
aðstöðu, þjónustu og afþreyingar.
sundlaugin, Húsdýragarðurinn,
Grasagarðurinn og listasafn Ásmundar
sveinssonar er í þægilegri göngufjar-
lægð en aðstaða á sjálfu tjaldstæðinu er
til fyrirmyndar. um 40 bílar geta tengst
rafmagni samtímis en í móttöku er hægt
að kaupa gas, póstkort og annað sem
ferðalangar kunna að þurfa á að halda.
svæðið fær fimm stjörnur á tjalda.is
og hefur sérstöðu fyrir nálægð við alla
hugsanlega þjónustu.
ParadíS við vatnið
tjaldstæðið við úlfljótsvatn
Verð: Fullorðnir, 1.200 kr., 12-17 ára, 600 kr.
Vegalengd frá reykjavík: 50 km.
n Við Úlfljótsvatn er glæsilegt tjaldstæði sem almenningi býðst að
nýta sér. Það er þannig uppbyggt að stórir hópar geta komið þar
saman og aðstaðan er til fyrirmyndar. Ölvun er ekki liðin á tjald-
stæðinu en afþreying og aðstaða er öll fyrsta flokks. skátarnir hafa
byggt svæðið upp en gistingunni fylgir veiðileyfi í vatnið. Gestir
geta því veitt sér silung á grillið, krakkarnir geta leigt hjólabáta
eða notað ótal leiktæki sem á svæðinu er að finna. Grill og bekkir
eru víða auk þess sem gestir geta fengið aðgang að eldshúskrók
og litlum sal, gegn góðri umgengni.
Á Íslandi eru hátt í tvö hundruð tjaldstæði, samkvæmt vefsíðunum tjald.is
og tjalda.is. Aðstaðan er mjög misjöfn en fjögurra og fimm stjörnu svæði eru
þó nokkur þegar á landið allt er litið. DV hefur tekið saman bestu tjaldstæði
landsins, samkvæmt stjörnugjöf á vefnum tjalda.is. Auk þess er hér að finna
nokkrar perlur sem allir verða að heimsækja.
Hlýlegt viðmót
Breiðavík á vestfjörðum
Verð: 1.200 kr. á mann.
Vegalengd frá Ísafirði: 198 km.
n Breiðavík er skammt frá Látrabjargi, við
Breiðafjörð. Þar er rekin ferðaþjónusta
með fjölbreyttri gistiaðstöðu. Aðstaða er
þar öll til fyrirmyndar og þeir sem dvelja
á staðnum fá fullan aðgang að þvotta- og
baðaðstöðu. Þá stendur eldhús tjaldgest-
um til boða og þar er auðvitað heitt og kalt
vatn. Þegar búið er að elda er matsalur fyrir
tjaldgesti sem stendur þeim opinn. Raf-
magn er fyrir húsbíla og aðra og aðstaða
fyrir fjölskyldufólk öll hin besta. Ekki er
hægt að sleppa því að nefna að viðmótið
í Breiðavík þykir hlýlegt og andrúmsloftið
vinalegt, þrátt fyrir það sem þarna gerðist
þegar staðurinn hafði annað hlutverk. Þá
þykir náttúrufegurðin í Breiðavík einstök;
þar eru gular strendur og útsýnið yfir hafið
er stórfenglegt.
einS og þau geraSt beSt
fossatún í Borgarfirði
Verð: Fullorðnir, 800-1000 kr., börn eldri en 6 ára, 400 kr.
Vegalengd frá reykjavík: 88 km.
n Fimm stjörnu tjaldsvæði sem er til fyrirmyndar í alla staði. Það er á fallegum
stað í glæsilegu landslagi, að því er segir á tjalda.is. stæðið sjálft er hólfaskipt
en tjaldsvæði eru öðru megin en þjónustuhúsið og leiksvæðin hinum megin.
Á svæðinu er sparkvöllur, klifurkastali, mínígolfvöllur, sturtur, þvottavélar,
heitir pottar og skiptiklefar að ónefndum Tröllagarðinum. Hægt er að komast
í nettengda tölvu auk ókeypis netaðgangs í allt að eina klukkustund. Vart þarf
að nefna útigrill og eldunaraðstöðu og varðeldastæði en tjaldstæðið er eitt hið
allra besta á Íslandi. Rafmagn er í öllum hólfum og skjólsælt mjög. Fyrst flokks
tjaldstæði.
einStök veðurSæld
tjaldsvæðið í Húsafelli
Verð: Fullorðnir, 1.100 kr., 7-17 ára, 550 kr.
Vegalengd frá reykjavík: 115 km.
n Það er engin tilviljun að tjaldsvæðið í Húsafelli hef-
ur notið mikilla vinsælda í áraraðir. Þar er oft á tíðum
gríðarleg veðursæld og hitatölur eru á fáum stöðum
hærri en í Húsafelli. Við stæðin eru salerni, sturta,
heitt og kalt vatn, auk þvotta- og þurrkaðstöðu, auk
þess sem leiktæki, sundlaug og golfvöllur er í næsta
nágrenni. síðast en ekki síst er fjalla- og jöklasýnin úr
Húsafelli með eindæmum en allt þetta setur staðinn í
fremstu röð tjaldsvæða á Íslandi.
Perla í fjallaSal
tjaldsvæðið Þakgil
Verð: Fullorðnir, 850 kr., frítt fyrir 11 ára og yngri.
Vegalengd frá reykjavík: 207 km.
n Þakgil er staðsett á milli mýrdalsjökuls og mýrdalssands, um
14 kílómetra frá þjóðveginum. Þar er mikil veðursæld enda
verja fjöllin svæðið fyrir öllum áttum. Vegurinn er fær öllum
bílum en þeir sem komið hafa á svæðið í fallegu veðri eiga vart
orð til að lýsa fegurðinni. snyrting og sturta er á staðnum og
hellir, með bekkjum, borðum og grilli er notaður sem matsalur.
unnið er að því að koma upp rafmagni fyrir alla á staðnum.
Þakgil er sannarlega perla sem á sér enga líka.