Dagblaðið Vísir - DV - 14.07.2010, Blaðsíða 22

HVERT
STEFNIR
H NABANDIÐ?
22 ÚTTEKT 14. júlí 2010 MIÐVIKUDAGUR
Í viðamikilli rannsókn kemur fram að lík-ur á skilnaði aukast mikið ef þú þekk-ir einhvern sem er að ganga í gegnum
skilnað. Vísindamenn, sem rannsökuðu líf 12
þúsund Ameríkana frá árinu 1948, komust að
því að skilnaður virðist smitast manna á milli
í fjölskyldum, á vinnustöðum og í vinahóp-
um. „Það fara einhvers konar dómínóáhrif í
gang svo ef náinn vinnufélagi er að skilja auk-
ast líkur á að þú skiljir við þinn maka um 75
prósent sem svo veldur því að einhver í þínu
umhverfi verður líklegri til að skilja og svo
koll af kolli,“ segir Rose McDermott sérfræð-
ingur við Brown University á Rhode Island
og bætir við að hver einn og einasti skilnaður
valdi álagi á hjónaband fólksins í kring. „Það
eru ekki aðeins skilnaðir vina og nánustu fjöl-
skyldumeðlima sem hafa þessi áhrif heldur
einnig skilnaðir vina vina þinna enda ferð-
ast fréttir um skilnaði vanalega hratt manna á
milli,“ segir McDermott sem telur að skilnað-
ir annarra verði til þess að fólk líti gagnrýnni
augum á eigið hjónaband.
Í rannsókninni kemur einnig í ljós að
skilnaður foreldra getur haft neikvæð áhrif
á sambönd barnanna við sína maka og
auki þannig líkur á að börnin endi einnig
sitt hjónaband. Þar kemur líka fram að það
skipti hvorki máli hvort hjón eigi börn eða
ekki né hvort vinurinn sem stendur í skilnaði
býr nálægt eða langt í burtu frá ykkur. „Ef þú
vilt langt og hamingjuríkt hjónaband skaltu
halda þig fjarri þeim sem eru að skilja,“ segir
McDermott.
Bættu hjónabandið
Fagnið saman
Það hvernig hjón bregðast við góðum fréttum
er alveg jafn mikilvægt og hvernig þau bregð-
ast við erfiðleikum, árekstrum og óhamingju,
samkvæmt rannsókn. Hvernig bregst þú við
afrekum manneskjunnar sem þú elskar? Fær
ástin þín bros frá þér þegar hún stendur sig
vel í vinnu eða prófi? Stekkurðu út í búð og
kemur heim með blómavönd, kampavín og
gefur henni „high five“?
Elskist meira
Í rannsókn háskólans á Havaí sögðust þátt-
takendur af báðum kynjum vilja að mak-
inn væri djarfari í hjónaherberginu en við-
urkenndu að sjálfir væru þeir of meðvitaðir
um sjálfa sig til að lýsa þeirra eigin þörfum
og löngunum. Lausnin: Skrifaðu niður fimm
atriði sem þú vilt að maki þinn segi eða geri
þegar þið elskist. Ekki einbeita þér að ein-
hverju sérstöku eins og sérstakri stellingu.
Markmiðið er frekar að stuðla að almennum
breytingum og fjölbreytni. Berið svo listana
ykkar saman.
Lágmarksgagnrýni
Rannsóknir á hjónaböndum sýna að ein-
kenni slæmra rifrilda er að þau hefjast á
gagnrýni, en rifrildi sem hjálpa sambandinu
hefjast á umkvörtun. Dæmi: „Ég vildi að við
myndum stunda meira kynlíf“ hljómar betur
en „þú nennir aldrei að stunda kynlíf. Hvað er
málið með þig eiginlega?“
Það að velja réttu orðin getur skipt sköp-
um þegar þú vilt ná fram ákveðnum breyt-
ingum.
Ræðið saman
Þegar þið byrjuðuð saman eydduð þið ekki
kvöldunum í spjall um ógreidda reikninga,
vandamál í skóla og þak sem lekur. Auðvitað
þarf að tala um þessi mikilvægu mál en sam-
band ykkar er líka mikilvægt. Prófaðu að eyða
smá tíma á hverjum degi í að tala um eitthvað
annað við makann en hver á að fara út með
ruslið. Ef makinn á erfitt með að einbeita sér
að ákveðnu málefni bjóddu honum þá út í
göngu og notaðu tækifærið til að tala um eitt-
hvað jákvætt og skemmtilegt.
Sanngjörn rifrildi
Oft þróast rifrildi út í ágreining um hver hef-
ur rétt fyrir sér. Eiginkona sjónvarpslæknis-
ins dr. Oz, höfundurinn Lisa Oz, segir það að
hafa rétt fyrir sér ofmetið. „Farið yfir rifrildi
ykkar saman þegar þið hafið sæst. Voruð þið
sanngjörn?“
Takið ábyrgð
Ef það er eitthvað í hjónabandinu sem þú vilt
breyta skaltu breyta því sjálf/ur. Ef þér leiðist
finndu þá upp á einhverju að gera. Ekki sitja
með fýlusvip og bíða eftir að makinn stingi
upp á einhverju frábæru.
Hversu gott
er hjóna-
bandið
ykkar?
Tina Tessina sálfræðingur og höfundur bókarinnar The Ten Smartest
Decisions a Woman Can Make After 40 bjó til eftirfarandi lista eftir að
hafa tekið viðtöl við fjölda sérfræðinga. Spurðu þig þessara spurninga í
von um að gera þér grein fyrir því hvert hjónaband ykkar stefnir.
Einblínirðu á það neikvæða? Skráðu niður alla góðu og alla slæmu dagana á dagatalið næstu tvo
mánuði til að komast að hinu sanna.
Hefurðu dregið þig til baka tilfinningalega? Ertu hætt að reyna að bæta sambandið? Heldurðu að
það sé einhver von til að laga hjónabandið?
Hafið þið orðið svo reið síðasta mán-uðinn að þið hafið hent hlutum
eða barið hvort annað?
Ef svarið er já: Hangirðu í hjónabandinu af því að
þú ert hrædd við að verða ein? Eða ertu viss um
að þú getir ekki gert betur?
Þótt þú viljir að eiginmaður þinn breytist, verði til dæmis meira
karlmenni, er virkileg þörf á því?
Af hverju viltu ná þessum breytingum fram? Er
ástæðuna að finna í æsku þinni? Stóð faðir þinn
aldrei með þér þegar þú þarfnaðist hans?
Leyfirðu honum að særa þig? Segirðu aldrei neitt þegar hann gagnrýnir þig
fyrir framan aðra? Vaskarðu upp diskana fýld á svip
af því að hann gerir það aldrei?
Er gaman þegar þið eruð saman? Getið þið gert grín að aðstæðum ykkar þótt þær
séu erfiðar? (það er jákvætt). Ef ekki: Getið þið bætt
skemmtun inn í hjónabandið?
Forðastu að ræða ákveðin málefni við makann?
Ertu hrædd við hvað gerist ef þú bryddar upp á þeim?
Þarfnastu meiri tíma ein?
Hefur eitthvað mikilvægt gerst? Andlát, stórafmæli, atvinnumissir – sem hefur sett álag á samband
ykkar og þarfnast umræðu?