Dagblaðið Vísir - DV - 10.09.2010, Blaðsíða 4

Ólína vill
þjÓðaratkvæði
n Sáttanefnd Guðbjartar Hannes-
sonar sem átti að útfæra fyrningu í
anda stefnu stjórnarflokkanna hefur
skilað áliti sem
að margra mati
lýsir fullkominni
uppgjöf gagnvart
veldi útgerðar-
manna. Lagt er
til að farin verði
svokölluð samn-
ingaleið í stað
þess að fyrna eins
og stefnt var að. Sægreifaskelfirinn
Ólína Þorvarðardóttir alþingismað-
ur mun vera mjög óhress með þessa
niðurstöðu. Hún lýsti því yfir síðasta
vor að heppilegt væri að fara með
málið í þjóðaratkvæðagreiðslu. Hún
mun hafa eflst í þeirri skoðun sinni.
ÓlíkindatÓl í vG
n Það kom mörgum mjög á óvart
þegar Þráinn Bertelsson, alþing-
ismaður Borgarahreyfingarinnar,
gekk til liðs við
VG. Þráinn hefur
hvað lengst verið
framsóknarmað-
ur en eftir slæma
útreið innan
þess flokks gekk
hann til liðs við
Borgarahreyfing-
una sem fleytti
honum inn á þing. Eftir að hafa lent
upp á kant við flokk sinn gerðist
Þráinn utanflokka. Því var spáð að
einungis væri tímaspursmál hvenær
hann gengi í Samfylkinguna fyrir til-
stuðlan vinar síns og fræna, Össurar
Skarphéðinssonar. En Þráinn er hið
mesta ólíkindatól og er nú orðinn
sósíalisti og líklega einn af köttunum.
klúður Sturlu
n Augu manna beinast að hinni
alræmdu Bakkafjöru þessa dag-
ana þegar ferjan Herjólfur forðast
hinn nýja áningarstað eins og heitan
eldinn. Einhverjir eru þegar tekn-
ir að leita að sökudólgi vegna þess
sem sumir kalla eitt versta klúður
íslenskrar samgöngusögu. Frum-
kvöðull framkvæmdarinnar er Sturla
Böðvarsson, fyrrverandi samgöngu-
ráðherra.
þorlákShöfn
fÓrnað
n Ýmsar samsæriskenningar eru
í kringum það hvernig það kom
til að hafist var handa við Bakka-
fjöruhöfn. Ein er sú Gísli Gísla-
son, formaður stjórnar Faxaflóa-
hafna, hafi frétt af áformum um að
dýpka í Þorlákshöfn og gera höfnina
þannig betur búna til þess að taka
við skemmtiferðaskipum og öðrum
stórskipum. Sagan segir að Gísla
hafi þótt líklegt að þá myndu hans
hafnir missa spón úr aski. Hann hafi
því tafarlaust fengið samgönguráð-
herra í lið með sér og tryggt að fjár-
veiting færi í Bakkafjöru en ekki til
að dýpka í Þorlákshöfn.
sandkorn
4 fréttir 10. september 2010- föstudagur
TÆMDI SJÓÐ FYRIR
SKÓLABÚÐIR BARNA
Upp komst um fjárdrátt Ingólfs Kjart-
anssonar, fyrrverandi skólastjóra
grunnskólans á Tálknafirði, eftir að
starf hans var lagt niður á síðasta ári.
Málið snýst um styrk sem skólinn
fékk frá norrænu samtökunum Nord-
plus upp á 1,5 milljónir króna. Ingólf-
ur hafði umsjón með verkefninu fyrir
hönd skólans og var styrknum ætlað
að fjármagna heimsókn grunnskóla-
barna í skólabúðir í Finnlandi.
Ríkissaksóknari hefur ákært Ing-
ólf fyrir að misnota aðstöðu sína sem
skólastjóri með því að draga sér sam-
tals rúmlega 1,5 milljónir króna af
fjármunum skólans. Fyrir liggja gögn
um rúmlega tuttugu millifærslur af
bankareikningi skólans sem Ingólf-
ur hafði aðgang að í heimabanka
sínum. Ingólfur er ákærður fyrir
að millifæra samtals 1.280 þúsund
krónur inn á persónulegan banka-
reikning sinn og 230 þúsund krón-
ur inn á bankareikning eiginkonu
sinnar, Jörgínu Elínbjargar Jónsdótt-
ur. Í ákærunni gegn Ingólfi kemur
fram að hann hafi hagnýtt sér í eign
þágu og fjölskyldu sinnar þær fjár-
hæðir sem hann dró sér. Í samtali við
DV vildi Jörgína ekki tjá sig um málið
og sagði eiginmann sinn heldur ekki
geta rætt við blaðamann þegar eftir
því var leitað.
Endurgreiddi allt
Millifærslurnar sem eru til grundvall-
ar ákærunni gegn Ingólfi voru fram-
kvæmdar á tímabilinu 5. nóvember
2008 til 30. júlí 2009. Lægstu milli-
færslurnar námu 10 þúsund krónum
en hæsta einstaka millifærslan var
200 þúsund krónur, framkvæmd 7.
nóvember 2008.
Samkvæmt upplýsingum DV hef-
ur Ingólfur þegar endurgreitt Tálkna-
fjarðarhreppi alla upphæðina. Ekki
liggur hins vegar fyrir í hvað Ingólf-
ur notaði peningana en heimildir
DV herma að fyrstu millifærslurnar
hafi verið hugsaðar sem lán sem yrði
greitt til baka skömmu síðar. Ingólf-
ur hafi síðar haldið áfram að lána
sjálfum sér þar til sjóðurinn var tóm-
ur. Á vormánuðum 2009 var skóla-
stjórastaða Ingólfs lögð niður vegna
sameiningar skóla í sveitarfélaginu.
Hann átti rétt á biðlaunum í kjölfar
þess að starf hans var lagt niður. Eft-
ir að upp komst um fjárdráttinn var
ákveðið að skerða biðlaun hans um
nákvæmlega sömu upphæð og hann
millifærði af bankareikningi skólans.
Átti ekki að hafa fjárheimildir
Sem fyrr segir snýst málið um styrk-
veitingu frá Nordplus sem eru evr-
ópsk samtök. Styrkurinn átti að
renna til grunnskólabarna í ungl-
ingadeild grunnskólans á Tálknafirði
svo þau gætu heimsótt skólabúðir í
Finnlandi. Nemendur frá Finnlandi
höfðu einnig komið hingað til lands
í heimsókn til að taka þátt í samstarf-
inu. Sem skólastjóri grunnskólans
átti Ingólfur ekki að hafa neina fjár-
muni til að ráðstafa án þess að þeir
færu í gegnum stjórnsýslu Tálkna-
fjarðarhrepps. Sveitarfélagið vissi
af því að skólinn væri þátttakandi í
Nordplus-samstarfinu en ekki lágu
fyrir upplýsingar um að styrkurinn
hefði þegar verið lagður inn á reikn-
ing skólans. Athygli vekur að þrátt
fyrir að hafa nærri því engar form-
legar fjárheimildir hafði Ingólfur
samt aðgang að bankareikningi skól-
ans í heimabanka sínum. Hann mun
hins vegar ekki hafa haft undirrit-
aða heimild frá sveitarstjóra til þess
að hafa reikning á vegum skólans í
heimabanka sínum.
Hreppurinn borgaði ferðina
Þrátt fyrir að styrkurinn sem ætlað-
ur var börnunum hafi verið notað-
ur með þessum hætti bitnaði það á
endanum ekki á grunnskólabörnun-
um. Eftir að málið komst upp ákvað
sveitarfélagið að hlaupa undir bagga
og greiða ferð barnanna til Finn-
lands.
Jafnvel þótt Ingólfur hafi greitt
sveitarfélaginu allt til baka hefur
það samt sem áður höfðað einka-
mál á hendur honum þar sem hann
er krafinn um tæpar tvær milljónir
króna.
valGEir Örn raGnarSSon
blaðamaður skrifar: valgeir@dv.is
Ríkissaksóknari hefur ákært ingólf Kjartansson, fyrrverandi skólastjóra grunnskólans
á Tálknafirði, fyrir fjárdrátt. Hann er ákærður fyrir að stinga í eigin vasa styrk sem skól-
inn fékk frá norrænum samtökum. Styrkurinn átti að renna til barna í skólanum svo þau
gætu farið í skólabúðir í Finnlandi. Hann hefur þegar endurgreitt alla upphæðina.
Eftir að málið kom upp ákvað
sveitarfélagið að
hlaupa undir bagga og
greiða fyrir ferð barn-
anna til Finnlands.
Tálknafjörður Ingólfurer
ákærðurfyriraðtæmasjóð
semvarætlaðurgrunnskóla-
börnum.Hannhefurþegar
endurgreittupphæðina.
Ellert Sævarsson grét þegar hann lýsti morði í réttarsal:
Ástæðulaustmanndráp
Ellert Sævarsson hefur játað að hafa
valdið Hauki Sigurðssyni áverka
sem leiddu hann til dauða í byrjun
maí síðastliðins. Ellert lýsti atvikinu
í Héraðsdómi Reykjaness á fimmtu-
dag og brast í grát þegar hann sagði
frá nóttinni örlagaríku en aðstand-
endur Hauks sátu á fremsta bekk í
héraðsdómi. Vísir greindi frá því að
Ellert hefði sagst hafa verið mjög
drukkinn þessa nótt og fundust leifar
af amfetamíni í blóði hans.
Ellert sagðist hafa gefið sig á tal
við Hauk á Bjarnavöllum í Reykja-
nesbæ. Hann sagðist hafa spurt
Hauk hvað hann væri að gera þarna
og var svarið að hans sögn að Hauk-
ur væri að bíða eftir krökkum. Vísir
greindi frá því að Ellert hefði spurt
Hauk hvort hann misnotaði börn og
þá hefði Haukur gengið í burtu. Ell-
ert gekk þá á eftir honum og sagðist
hafa munað eftir því þegar Haukur lá
á jörðinni og að hann hefði sparkað í
hann. Hann játaði því að hafa tramp-
að á höfði mannsins þegar saksókn-
ari spurði hann. Ellert sagðist hafa
gripið stein og slegið Hauk í höfuðið
með honum.
Hann sagðist því næst hafa hlaup-
ið heim til sín og beðið eftir að lög-
reglumaðurinn sem býr í næsta húsi
við hann kæmi og handtæki hann.
Það gerðist ekki og fór hann því heim
til sín og inn í herbergi hjá systur
sinni. Ellert sagðist hafa verið mis-
notaður af karlmanni þegar hann
var á leikskólaaldri. Sagði hann þá
minningu ekki hafa haft áhrif á hann
en hann hefði hugsað út í það. Dóm-
ur verður kveðinn upp í málinu inn-
an nokkurra vikna.
Játaði á sig verknaðinn Ellert
SævarssonjátaðiásigmorðiðáHauki
SigurðssyniíReykjanesbæímaí
síðastliðnum.
• Dregur úr vöðvaspennu
• Höfuð- háls- og bakverkjum
• Er slakandi og bætir svefn
• Notkun 10-20 mínútur í senn
• Gefur þér aukna orku og vellíðan
Verð: 9.750 kr.
Nálastungudýnan
Opið virka daga frá kl. 9 -18
Sími 569 3100 • Stórhöfða 25 • www.eirberg.is