Dagblaðið Vísir - DV - 23.02.2011, Blaðsíða 13

Fréttir | 13Miðvikudagur 23. febrúar 2011
ICESAVE
MEÐ OG Á MÓTI
n Fá mál hafa reynt jafn mikið á Íslendinga og Icesave-málið sem nú bíður þjóðaratkvæðagreiðslu
n Málið er afar umdeilt n DV leitaði til nokkurra einstaklinga og bar undir þá hvað myndi gerast
ef núverandi samningur yrði samþykktur og hvaða áhrif það hefði ef hann yrði felldur
Með samþykkt Á móti samþykkt
„Lausn Icesave-deilunnar er lykilatriðið fyrir
því að matsfyrirtækið Fitch komi til með að
breyta horfum á lánshæfiseinkunn Ríkissjóðs
Íslands úr neikvæðum í stöðugar.“
– Í Morgunkorni Greiningar Íslandsbanka 22.02.2011.
„Ef við samþykkjum Icesave-samninginn getum
við byrjað á því að skipuleggja framtíðina, ef við
gerum það ekki erum við enn í óvissu og eini
stöðugleikinn sem við getum treyst á er að við
erum í kreppu og verðum í kreppu – sem ein-
angruð þjóð.“
– Bryndís Ísfold Hlöðversdóttir
„Íslendingar verða að axla ábyrgð á sof-
andahætti íslenskra eftirlitsstofnana, ís-
lenskra stjórnmálamanna og meirihluta
kjósenda á útrásartímanum og standa við
alþjóðlegar skuldbindingar, samninga og
loforð.“
– Þórólfur Matthíasson, hagfræðingur
„Ef við samþykkjum mun þessu flókna og leiðin-
lega máli loksins ljúka og við getum farið að
tala um eitthvað annað.“
– Jón Gnarr, borgarstjóri
„Við óttumst einfaldlega hvað gerist ef Ice-
save hverfur – þá gæti fólk farið að tala um
eitthvað sem skiptir máli. Og þá fyrst erum við
í djúpum skít.“
– Samtök Icesave-unnenda hjá Baggalúti
„Ef við samþykkjum Icesave munum við festa í
sessi enn um sinn gjaldeyrishöftin sem vinna
gegn allri atvinnuuppbyggingu í landinu. Ekki
verður hægt að aflétta þeim fyrr en þrotabú
Landsbankans hefur greitt út stærstan hluta
krafna.“
– Skafti Harðarson, rekstrarstjóri hjá Húsasmiðjunni og bloggari
„Ef við samþykkjum ekki Icesave þá endur-
heimtum við stöðu okkar á meðal þjóða sem
sjálfsætt og fullvalda ríki.“
– Vigdís Hauksdóttir, þingmaður Framsóknarflokksins
„Bretar og Hollendingar eiga ekki
að komast upp með að kúga
okkur með hótunum einum saman. Það er
alltof ódýr sigur. Látum þá standa við hótan-
irnar og sjáum hvort alþjóðasamfélagið styður
í raun ólögmæta kúgun á smáþjóð.“
– Frosti Sigurjónsson á bloggi sínu 25.8. 2009
„Ef við samþykkjum ekki Icesave
þá stendur það upp á Breta og Hollendinga að
taka ákvörðum um það hvort og þá hvernig
þeir vilja sækja fram sínar kröfur á hendur
okkur.“
– Sigurður Kári Kristjánsson, þingmaður Sjálfstæðisflokksins
„Jafnvel þó við töpum dómsmáli verður það
varla verri niðurstaða en núverandi samningur
sem gengur út á að halda Bretum og Hollend-
ingum skaðlausum.“
– Lára Björg Björnsdóttir, pistlahöfundur og höfundur bókarinnar Takk
útrásarvíkingar!
„Enginn íslenskur stjórnmálaflokkur viðurkennir
lögmæti Icesave-kröfunnar en meirihluti
alþingismanna vill staðfesta fyrirliggjandi
samning; þjóðin á kröfu á að fá öll gögn upp á
borðið til að geta tekið upplýsta ákvörðun.“
– Ólafur Ísleifsson, hagfræðingur
„Sé Icesave samþykkt eru minni líkur á greiðslufalli
opinberra aðila til skamms tíma en í staðinn er langtíma-
greiðslugetu sömu aðila ógnað verulega.“
– Ólafur Margeirsson, hagfræðingur
Óákveðnir
Icesave til þjóðarinnar Ólafur Ragnar Grímsson, forseti Íslands, vísaði Icesave-samningnum til þjóðarat-
kvæðagreiðslu á sunnudaginn. Skiptar skoðanir eru um málið. MYND RÓBERT REYNISSON.