Dagblaðið Vísir - DV - 23.02.2011, Blaðsíða 34

34 | Fólk 23. febrúar 2011 Miðvikudagur
Helgi Rafn Brynjarsson vill helst gleyma Lúkasi:
„HEF ALDREI SÉÐ ÞENNAN HUND“
Hundurinn Lúkas, sem er án efa
einn frægasti hundur Íslands, drapst
aðfaranótt mánudags. „Hann var
búinn að vera veikur síðan í októ-
ber,“ sagði Kristjana Margrét Svans-
dóttir, eigandi hundsins. Nýlega féll
dómur í meiðyrðamáli sem tengdist
Lúkasi. Mikil umræða upphófst árið
2007 í kjölfar þess að Lúkas týndist
og sögur fóru á kreik að nokkrir pilt-
ar hefðu sést sparka honum á milli
sín í íþróttatösku.
Kertafleyting og minningar-
athöfn fór fram bæði í Reykjavík
og á Akureyri fyrir hundinn og fóru
margir ófögrum orðum um Helga
Rafn Brynjarsson sem sagður var
aðalmaðurinn í misþyrmingunni á
Lúkasi. Engar stoðir reyndust fyr-
ir þessu og skilaði hundurinn sér
aftur heim eftir að hafa verið týnd-
ur á fjöllum. Ekki liggur fyrir hvað
nákvæmlega varð Lúkasi að aldur-
tila en hann var hreinræktaður kín-
verskur faxhundur.
Helga Rafni voru nýlega dæmd-
ar miskabætur í kjölfar meiðyrða
sem viðhöfð voru á bloggsíðu þegar
Lúkasar-málið stóð sem hæst. Þeg-
ar Helgi er inntur eftir viðbrögðum
við fráfalli hundsins Lúkasar seg-
ist hann helst vilja leggja þetta mál
til hliðar og gleyma því. „Það eru
ekki nein viðbrögð. Ég hef aldrei
séð þennan hund á ævi minni. Ég
ætla ekki að svara því frekar. Ég vil
bara leggja þetta til hliðar og gleyma
þessu.“
Eitt umtalaðasta partí íslands fer fram næstkomandi laug-ardag þegar partí þeirra Hild-
ar Lífar, Lindu Ýrar Kjerúlf og Lilju
Ingibjargardóttur fer fram. Boðs-
listi var sendur út á íslenskt þotulið
þar sem þeim var boðið að kaupa
sæti við svokölluð VIP-borð í partí-
inu. Í samtali við DV segir Hildur
Ýr að það hafi fengist góð viðbrögð
við partíinu og að margir hafi þeg-
ar tryggt sér sæti við svokölluð VIP-
borð, en að það sé misskilningur að
þetta sé VIP-partí, í raun standi öll-
um til boða að koma. „Þetta er ekki
VIP-partí. Það er ekkert lítið fár sem
hefur orðið út af þessu,“ segir Hild-
ur. „Fólk er velkomið en það er svo
mikil aðsókn að ætli maður verði
ekki að standa við þennan gest-
alista en í rauninni er þetta bara
skemmtistaður.“
Brjáluð viðbrögð á Facebook
Eftir að Lilja Ingibjargardóttir fór í
viðtal út af partíinu við bleikt.is hef-
ur allt logað í netheimum og fór af
stað mikil umræða um partíið. Í
kjölfarið fóru af stað Facebook-hóp-
ar og -viðburðir þar sem fólk var
meðal annars hvatt til þess að halda
sín eigin partí, sem ekki einskorðust
við þekkta einstaklinga. Hildur segir
að orð Lilju hafi verið slitin úr sam-
hengi og að misskilnings hafi gætt.
„Okkur finnst nú samt ekkert leið-
inlegt að hrista upp í þjóðinni og
koma með eitthvað öðruvísi partí en
hefur verið venjulega. Okkur lang-
aði að hafa flott og stílhreint partí
og vorum beðnar um að gera það,“
segir Hildur. „Það eru að koma all-
ar vinkonur okkar og fleiri stelpur
sem bera fram drykki allt kvöldið,
skemmtiatriði og flottir skemmti-
kraftar vera á staðnum, og vegleg-
ir vinningar. Við vildum bara plana
partí eins og við viljum hafa það.
Hver vill ekki hafa fallegar stelpur í
kringum sig að færa sér drykki allt
kvöldið?“
Margir boða komu sína
Á meðal þeirra sem fengu sérstakt
boð í partíið eru ofurfyrirsætan Ás-
dís Rán, Haffi Haff, Sigríður Kling-
enberg og Magdalena Dubik sem
öll hafa staðfest komu sína, sam-
kvæmt Hildi Ýri. Á meðal þeirra
sem fengu boð á viðburðinn en ekki
hafa staðfest komu sína er Gunn-
ar Lárus Hjálmarsson, betur þekkt-
ur sem Dr. Gunni. Hann hefur gert
grín að boðinu og frétt bleikt.is eftir
að hann ljóstraði
upp að hafa fengið
boð á Facebook-síðu
sinni og gantaðist með-
al annars með að það
yrði að vera klósettþjónn
í partíinu líkt og í partíi
sem Lilja hefur farið í, sam-
kvæmt bleikt.is
„Gestalistinn var djók til
þess að byrja með en svo var
haft samband við okkur og
fullt af fólki boðaði komu sína
þannig að þetta er í rauninni
ekki gestalisti heldur bara fólk
sem er búið að boða komu sína
og panta VIP-borð með flösku og
öllu tilheyrandi,“ segir Hildur Ýr
sem segir að margir ljósmyndarar
hafa beðið um leyfi til að komast í
partíið til að taka ljósmyndir.
Sérsaumaður
samfestingur
Bjarnheiður Hannesdóttir sem tók við
Edduverðlaununum ásamt kærasta
sínum Markusi Klinger fyrir hönd
Arnar Marinós Arnarsonar og Þorkels
S. Harðarsonar fyrir heimildarmyndina
Feathered Cocain, lét sérsauma á
sig samfestinginn sem hún klæddist
á verðlaunahátíðinni. „Þetta er mín
hönnun en ég fékk saumastofuna Yoyo
til að sauma þetta fyrir mig,“ segir
Bjarnheiður aðspurð um samfestinginn.
Sjálf hefur hún lært hönnun og foreldr-
ar hennar ráku tískuverslun þegar hún
var ung. Samfestingurinn vakti mikla
athygli, bæði gesta í Íslensku óperunni,
þar sem verðlaunahátíðin fór fram, og
meðal sjónvarpsáhorfenda sem horfðu
á beina útsendingu frá athöfninni.
Hönnuður að
kveðja Eyjuna?
Það eru ekki bara bloggarar sem velta sér
upp úr pólitík og málefnum samfélagsins
sem hafa farið eða íhuga að færa sig um
set af Eyjunni eftir að framsóknarmaðurinn
Björn Ingi Hrafnsson tók við stjórnartaum-
unum á vefsíðunni. Það virðist nefnilega líka
vera raunin með eitt helsta hönnunarblogg
landsins, Svart á hvítu. „En innan skamms
verða breytingar hjá Svart á Hvítu… Kemur
í ljós, en þar sem ég er mjög svo ópólitísk
dama þá tel ég mig ekki eiga heima á
svona pólitískum vef,“ skrifar Svana Lovísa
Kristjánsdóttir sem heldur úti blogginu. „En
góðir hlutir gerast hægt!“ Spurningin er svo
bara hvar Svana Lovísa endar með bloggið
sitt sem hefur dyggan og fjölmennan
lesendahóp.
„ÞETTA ER
EKKI VIP-
PARTÍ“
n Halda glæsipartí á Grensásveginum
n Hafa uppskorið mikil viðbrögð á Facebook
og víðar n Gestalistinn samanstendur af
fólki úr sviðsljósi fjölmiðla n Dr. Gunni gant-
ast með hugmyndina um klósettþjón
Hildur Líf Partíið er
fyrir alla og gestalist-
inn byrjaði sem grín.
MYND BJÖRN BLÖNDAL
Linda Ýr Vinkonur þeirra Lindu, Hildar og Ingibjargar bera drykki á VIP-borðin. MYND BJÖRN BLÖNDAL
Var sagður sökudólgur
Helgi Rafn var saklaus af
öllum ásökunum um að
hafa misþyrmt hundinum
Lúkasi. MYND SIGTRYGGUR AR