Dagblaðið Vísir - DV - 23.02.2011, Blaðsíða 20

20 | Menningarverðlaun 23. febrúar 2011 Miðvikudagur
DANSLIST
NEFNDIN Karen María Jónsdóttir fagstjóri dansbrautar Listaháskóla Íslands (formaður)
n Kama Jezierska danslistamaður n Peter Anderson danslistamaður
Lárus
Sigurðsson
Reykjavík Dance Festival
– fyrir árangursríkt starf í þágu
íslenskra áhorfenda
n Danshátíðin, stofnuð árið 2002, hefur
vaxið og dafnað með hverju árinu og er í dag
mikilvægasti vettvangurinn fyrir nýsköpun
í íslenskum samtímadansi. Með tilkomu
hennar hefur fjöldi danssýninga á hverju ári
aukist jafnt og þétt. Þannig hafa möguleik-
ar almennings til að njóta listdans aukist
til muna auk þess sem hátíðin hefur náð til
nýrra áhorfendahópa og byggt upp tengslin
við þá. Árið 2010 voru mörkuð tímamót
þegar áhorfendamet var slegið langt
umfram það sem áður hafði þekkst. Hátíðin
hefur frá upphafi haft úr litlum fjármunum
að spila og fengið lága styrki úr opinberum
sjóðum. Er sá mikli árangur sem náðst hefur
fenginn fyrir óeigingjarnt sjálfboðastarf
danslistamanna en samtakamáttur þeirra
hefur vakið athygli, jafnt hér heima sem og
á alþjóðlegum vettvangi.
Ólöf Ingólfsdóttir
– fyrir ómetanlegt starf í þágu íslensks samtíma-
dans
n Ólöf Ingólfsdóttir danshöfundur er brautryðjandi
meðal sjálfstætt starfandi danslistamanna og hefur
verið driffjöður í að bæta skilyrði í þágu listgreinarinnar
á Íslandi. Hún hefur átt frumkvæði að, leitt eða stutt
helstu framfaraspor til handa sjálfstætt starfandi
danslistamönnum á undanförnum árum. Ólöf er einn
stofnenda Reykjavik Dance Festival og leiddi uppbyggingu
hátíðarinnar fyrstu árin auk þess sem hún tók virkan þátt í
undirbúningi að stofnun dansdeildar Listaháskóla Íslands.
Hún átti frumkvæði að umræðu um Danshús á Íslandi
um síðust aldamót sem á árinu 2010 leiddi til opnunar
Dansverkstæðisins í Reykjavík að Skúlagötu 28. Ólöf
var einnig í forystuhóp þeim sem skrifaði á árinu fyrstu
Dansstefnu Íslands 10/20, sem er alhliða stefnumótun og
framtíðarsýn fyrir íslenskt danssamfélag til næstu 10 ára.
Keðja Reykjavík –
alþjóðlegur
dansviðburður
– fyrir frábært framtak
n Í október 2010 skapaðist ómetanlegt tækifæri fyrir
íslenska danslistamenn þegar þeim gafst kostur á að
mæta, kynnast og tengjast 250 alþjóðlegum lista-
mönnum og menningarstjórnendum frá 22 löndum.
Í þeim hópi voru mikilvægir kaupendur sviðsverka.
Hátíðin bauð upp á 16 listviðburði af öllum stærðum og
gerðum, með megináherslu á dans og samruna hans
við aðrar listgreinar, fjölda fyrirlestra, málstofa og
umræðna sem leiddar voru af alþjóðlegu listafólki og
menningarstjórnendum auk þess sem boðið var upp
á ógleymanlega óvissuferð í íslenskri náttúru. Keðja
Reykjavík var gríðarlega mikilvægt stefnumót íslenskra
sviðslista við umheiminn og skapaði sambönd og
tækifæri til samvinnu fyrir þátttakendur sem vonir eru
bundnar við til framtíðar. Keðja var samstarfsverkefni
Íslenska dansflokksins, Reykjavik Dance Festival,
Sjálfstæðu leikhúsanna, Listaháskóla Íslands og
Borgarleikhússins.
Sigríður Soffía Níelsdóttir
– fyrir fjölbreyttan árangur á árinu 2010
n Árið 2010 var viðburðaríkt hjá þessum unga listamanni sem kom fram með
hvelli á árinu. Með viljakraftinn að vopni, hugrekki og ástríðu hefur Sigríður stigið
óhindrað yfir hvers kyns mörk. Undir merkjum Bristol Ninja Cava Crew vann hún
að dansinnsetningum/-gjörningum, hún frumsýndi stuttmyndina Children of Eve
á stuttmyndahátíð í Bilbao og sýndi dansstuttmyndina Uniform Sierra á yfir tug
hátíða í Evrópu og Asíu. Sigríður samdi dans-sirkusverkið Colorblind fyrir Silesian
Dance Theatre í Póllandi, 900 02 ásamt Leifi Þorvaldssyni, og Þá skal ég muna
þér kinnhestinn með Dansfélaginu Krumma fyrir Reykjavík Dance Festival 2010.
Sigríður dansaði í uppsetningu Íslenska dansflokksins á Transaquania – into thin
air og ferðaðist erlendis með verk Ernu Ómarsdóttur Teach us to outgrow our
madness og eigin verk, Fresh Meet.
Margrét Sara Guðjónsdóttir
– fyrir Soft Target
n Dansverkið Soft Target var frumsýnt á Reykjavík Dance Festival haust-
ið 2010 áður en það fór á sýningaferðalag um Evrópu. Verkið er það fjórða
í röð verka danslistamannsins Margrétar Söru Guðjónsdóttur sem sýnd
hafa verið frá árinu 2006 og framleidd eru af Panic Production. Í anda
ofur-naumhyggju er fagurfræði verksins einstaklega skýr, í senn nákvæm
í endurtekningum sínum og dáleiðandi. Verkið er án efa eitt áhrifamesta
sólódansverk sem litið hefur dagsins ljós á Íslandi á síðastliðnum árum.