Dagblaðið Vísir - DV - 30.03.2011, Blaðsíða 8

8 | Fréttir 30. mars 2011 Miðvikudagur
Stúlkan sem varð undir hundraða kílóa stálbita í Norðuráli:
„Þakklát Þórarni“
„Ég er ótrúlega þakklát Þórarni og
finnst þetta mjög leiðinlegt. Mér
finnst þetta mjög ósanngjarnt hans
vegna og kannski kenni ég sjálfri mér
pínu um það. Ég vona að allt endi vel
hjá honum,“ segir stúlka sem varð
undir mörg hundruð kílóa stálbita í
Norðuráli og var bjargað af Þórarni
Birni Steinssyni. Þórarinn sagði frá
því í DV á mánudag hvernig hann
hefði verið óvinnufær síðan vegna
bakmeiðsla sem hann hlaut við að
lyfta bitanum af stúlkunni sem kýs að
koma ekki fram undir nafni. Norður-
ál og Sjóvá vilja ekki viðurkenna að
atvikið flokkist undir vinnuslys en
Þórarinn stendur í málaferlum við
fyrirtækin.
Stúlkan segist vera mjög fegin að
þeir hafi lyft bitanum strax af henni
í staðinn fyrir að nota kranann. Ólíkt
Þórarni hefur stúlkan ekki borið var-
anlegan skaða af slysinu.
„Ég var frá vinnu í tæpan mánuð.
Ég slasaðist á ökklanum á vinstri fæti
og í kringum hnéð á hægri fæti og gat
svo illa beitt mér. Ég er með ljótt ör á
lærinu en það er allt og sumt.“
Norðurál sendi frá sér yfirlýsingu í
kjölfar fréttar DV. Þar er fullyrt að ým-
islegt sé ranghermt í frétt DV án þess
að bent sé á einhver dæmi um slíkt.
Í yfirlýsingunni segir: „Umræddur
starfsmaður starfaði hjá Norðuráli á
árunum 2005 og 2006. Umrætt atvik
verður í september 2005 og er það til-
kynnt til allra hlutaðeigandi aðila, þar
á meðal til Vinnueftirlitsins. Starfs-
maðurinn lét að eigin ósk af störfum
í árslok 2006 og réði sig þá til annarra
starfa.“
Í lok yfirlýsingarinnar er tekið fram
að Norðurál hafi enga beina aðkomu
að umræddum málaferlum enda fjalli
þau um túlkun skilmála trygginga
sem fyrirtækið kaupi. hanna@dv.is
Sími 412 2500 - sala@murbudin.is - www.murbudin.is
– Afslátt eða gott verð?
Reykjavík - Reykjanesbæ
Akureyri - Húsavík
Vestmannaeyjum - Flúðum
Gæða glersteinn
– ótal lausnir
Atvinnuleysi
jókst lítillega
Atvinnuleysi á Íslandi jókst um 0,1
prósent á milli mánaða samkvæmt
tölum sem Vinnumálastofnun hefur
birt. Atvinnuleysi á Íslandi mælist
því 8,6 prósent, að því er fram kemur
á vef stofnunarinnar.
Atvinnuleysi hefur verið nokkuð
stöðugt undanfarna mánuði þó lít-
ilsháttar aukning hafi mælst síðustu
mánuði. Eins og flestum er kunnugt
jókst atvinnuleysi gífurlega í kjölfar
efnahagshrunsins haustið 2008 en
það hefur verið á bilinu 7,5 til 8,5
prósentustig síðan.
Barn tekið
með fíkniefni
Lögreglan á Akranesi hafði í síðustu
viku hendur í hári fimmtán ára ung-
lings sem var með fíkniefni í fórum
sínum. Eðli málsins samkvæmt er
hann ósakhæfur. Í tilkynningu frá
lögreglunni á Akranesi kemur fram
að málið hafi verið sent félagsmála-
yfirvöldum til meðferðar. Annað
fíkniefnamál kom upp á Akranesi í
liðinni viku en í báðum tilfellum var
um lítilræði af efnum að ræða.
Lenti á
andlitinu
Ölvaður karlmaður var fluttur á
slysadeild Landspítalans aðfaranótt
þriðjudags en honum skrikaði fótur
með þeim afleiðingum að hann datt
fram fyrir sig og lenti á andlitinu. At-
vikið átti sér stað við verslun 10-11 í
Engihjalla en manninum hafði sinn-
ast við öryggisvörð í versluninni.
Maðurinn var ósáttur við afskipti ör-
yggisvarðarins en féll um koll þegar
hann ætlaði að vaða í hann. Mikið
blæddi úr nefi hans en sjúkraflutn-
ingamenn stöðvuðu blæðinguna
áður en þeir fluttu hann á slysadeild
til frekari aðhlynningar.
Engin ábyrgð Talsmaður Norðuráls segir fyrirtækið ekki hafa neina beina aðkomu að
umræddum málaferlum.
28. mars 2011.
Hvorki samtök launafólks né sam-
tök atvinnurekenda segjast merkja
viðleitni stjórnvalda til þess að taka
þátt í að semja í þríhliða viðræðum
um kaup og kjör til næstu þriggja
ára. Þrátt fyrir að gagnrýnin bein-
ist að ríkisstjórninni um þetta atriði
eru forystumenn samtaka launafólks
allt annað en ánægðir með samþykkt
Samtaka atvinnulífsins á mánudags-
kvöld um að fresta fyrirhuguðum
kjaraviðræðum í vikunni vegna óvissu
um ýmis mál sem eru á borði ríkis-
stjórnarinnar.
Forystumenn vinnumarkaðarins
ganga til fundar við ríkisstjórnina í
dag, miðvikudag, til að ræða stöðu
mála. Atvinnurekendur berjast gegn
stefnu ríkisstjórnarinnar varðandi
stjórn fiskveiða en frumvarp þar að
lútandi hefur ekki enn verið lagt fram.
Ríkissjóður tapar ef ekkert gerist
„Okkur er sagt að fram sé að koma
frumvarp,“ segir Gylfi Arnbjörnsson,
forseti ASÍ, í samtali við DV. Ég er viss
um að ef umræður geti farið fram um
þetta gæti það liðkað fyrir kjaravið-
ræðum. En það þarf ekki nema mann
með meðalgreind til að sjá að þetta
mál er í uppnámi innan stjórnarflokk-
anna. Við ætluðum að reyna að ganga
frá samkomulagi við atvinnurekend-
ur fyrir lok vikunnar ef ekki tækist að
ráða fram úr þessu með stjórnvöld-
um. Við gerðum samning um þetta
við SA að boða alla í hús og hefja við-
ræður í dag [miðvikudag]. Atvinnu-
rekendur ákváðu að hætta við og krefj-
ast skýrari svara frá stjórnvöldum. Ég
heyri fjármálaráðherra segja að þetta
snúist aðeins um sjávarútveginn. Ég
verð ekkert var við að ríkisstjórnin
hafi áhuga á að hér verði gerðir kjara-
samningar til þriggja ára, að minnsta
kosti ekki af þeim viðbrögðum sem
við höfum fengið. Í hvert skipti sem
nefnd eru orkumál er bara talað um
rammaáætlun sem er einhvers staðar
í gíslingu. Við getum ekki gert annað
en að fara í beinar viðræður við at-
vinnurekendur um launahækkanir og
efni fundarins í dag verður að fá úr því
skorið hvort þetta verður niðurstað-
an. Ef hjól endurreisnarinnar snú-
ast hægar en ráð var fyrir gert eins og
nú horfir, tapar ríkissjóður öllu þessu
ári og hluta af því næsta í auknum
tekjum. Að sleppa til dæmis Helguvík
vegna einhvers sem kannski verður
eða kemur í staðinn. Því ef ekkert ger-
ist myndast tugmilljarða gat hjá ríkis-
sjóði. Það er ekki í boði að hætta við
launahækkanir og því mikilsvert að fá
botn í þetta,“ segir Gylfi.
Ekki í slag fyrir LÍÚ
Undir þetta tekur Guðmundur Gunn-
arsson, formaður Rafiðnaðarsam-
bands Íslands. „En útspil SA í fyrra-
kvöld sló okkur út af laginu. Það er
alveg ljóst að hér verða engir samn-
ingar gerðir á næstu mánuðum ef ætl-
unin er að fallast á allar kröfur sem
Landssamband íslenskra útvegs-
manna gerir varðandi kvótakerfið.
Það er heldur ekki samstaða um slíkt
innan samtaka launamanna. Eins og
staðan er í augnablikinu er hætta á
að þetta renni út í sandinn. Við vit-
um ekki hvar skaðinn yrði mestur, hjá
ríkissjóði, atvinnurekendum eða hjá
launamönnum. En atvinnurekendur
hafa viljað að við stæðum með þeim
í þessu. Við höfum sagt á móti að við
tækjum ekki þátt í slag þeirra í þágu
LÍÚ. Ég held að atvinnurekendur hafi
ekki hugsað þetta til enda því aðgerðir
þeirra leggjast ekki vel í launafólk. Það
breytir ekki því að vandinn er einnig
sá að ríkisstjórnin virðist ekki geta
komið sér saman um nokkurn hlut.“
Upp með fjárfestingarnar
Vilhjámur Egilsson, framkvæmda-
stjóri Samtaka atvinnulífsins, segir
að fjárfestingar í landinu séu hættu-
lega litlar. „Við verðum að ná fjárfest-
ingum á strik. Það er stóra málið. Við
berjumst fyrir þessu á þremur svið-
um. Í fyrsta lagi snertir þetta almenn
starfsskilyrði, svo sem gjaldeyrishöft,
opnun lánamarkaða, skatta og fleira.
Í öðru lagi verður sjávarútvegurinn
að fá viðunandi framtíðarsýn sem
styður við fjárfestingar í greininni. Í
þriðja lagi snýr þetta að fjárfesting-
arverkefnum; Helguvík, Þingeyjar-
sýslum, vegagerð og fleiri verkefn-
um. Þannig viljum við varða leiðina
út úr kreppunni. Við verðum að vita
hvort ríkisstjórnin vill vera með okk-
ur í þessu.“
n Ríkisstjórnin er áhugalaus eða dregur lappirnar, segja forystumenn á vinnumarkaði
n Fundur með ríkisstjórninni í dag n Þrýst á auknar fjárfestingar sem sagðar eru hættu-
lega litlar n Erum ekki í slag fyrir útgerðarmenn, segja forystumenn samtaka launafólks
VIÐRÆÐUR Í UPPNÁMI
„Það er ekki í boði
að hætta við
launahækkanir og því mik-
ilsvert að fá botn í þetta
Jóhann Hauksson
blaðamaður skrifar johannh@dv.is
Áhugalaus
ríkisstjórn? „Ég
verð ekkert var við
að ríkisstjórnin hafi
áhuga á að hér verði
gerðir kjarasamningar
til þriggja ára,“ segir
Gylfi Arnbjörnsson.
Leggst ekki vel í fólk Aðgerðir atvinnu-
rekenda leggjast illa í fólk, segir Guðmundur
Gunnarsson.
Fjárfestingar lífsnauðsyn Vilhjámur
Egilsson og SA snéru við blaðinu í vikunni og
vilja nú afdráttarlaus svör ríkisstjórnarinnar.