Dagblaðið Vísir - DV - 30.03.2011, Side 25

Sport | 25Miðvikudagur 30. mars 2011
Hann er Alain Prost og ég Ayrton Senna, segir Hamilton:
Alonso erkióvinur Hamiltons
Það er alvitað að grunnt er á því góða
milli fyrrverandi heimsmeistaranna í
Formúlu 1, Lewis Hamilton á McLa­
ren og Fernandos Alonso hjá Ferrari.
Þegar þeir óku báðir fyrir McLaren
kom þeim afar illa saman en Spán­
verjinn Alonso gat aldrei sætt sig við
að ungstirnið Hamilton skyggði á
hann. Kemur fram í nýrri bók um ævi
Bernies Ecclestone að Alonso bað
liðstjóra McLaren meðal annars um
að sjá til þess að Hamilton yrði bens­
ínlaus í Ungverjalandskappakstrin­
um árið 2007.
Í viðtali við breska blaðið The
Guardian segir Lewis Hamilton
þýska heimsmeistarann Sebasti­
an Vettel ekki sinn aðalkeppninaut,
þrátt fyrir að vera ríkjandi meistari
og á besta bílnum í ár. Bendir hann
á það undirliggjandi hatur sem er á
milli hans og Alonso og segir Spán­
verjann þann sem hann vill sigra.
„Ég mun alltaf halda því fram að
Fernando sé erkióvinur minn og
helsti keppinautur,“ segir Hamilton
í viðtali við The Guardian. „Í sögu­
legu samhengi lít ég á Fernando sem
Alain Prost ef við værum Prost og
Senna. Ég væri auðvitað Senna,“ seg­
ir Hamilton en Prost og Senna háðu
marga hildi í Formúlu 1 á árum áður.
Hamilton hélt áfram að líkja nú­
verandi ökumönnum við þá sem
gerðu íþróttina fræga. Hann segir Se­
bastian Vettel vera líkan Nigel Man­
sell sem varð heimsmeistari í For­
múlu 1 árið 1992.
„Vettel er ekki minn helsti keppi­
nautur. Ef hann heldur áfram að vera
á bíl eins og Red Bull er með núna,
þá kannski. En þegar McLaren­bíll­
inn minn verður orðinn jafnfljótur
fáum við að sjá alvöru kappakstur.
Ætli hann sé ekki hinn nýi Mansell?
Ekki það að ég myndi segja hann
jafngóðan og Mansell samt,“ segir
Lewis Hamilton. tomas@dv.is
Mun segja já
við Arsenal
n Hollenski landsliðsmarkvörðurinn
Martin Stekelenburg sem lengi hefur
verið undir smásjá Manchester Uni­
ted er nú sam­
kvæmt fregnum
á teikniborðinu
hjá Arsenal. Uni­
ted hefur verið
með útsendara
á öllum leikjum
Stekelenburgs
undanfarið ár en
nú virðast rauðu
djöflarnir vera komnir í samkeppni
við fjandmenn sína hjá Arsenal.
Stekelenburg hefur líka áhuga á að
fara til Arsenal. „Ef tilboð kemur það,
þá tek ég því,“ segir Stekelenburg við
spænska blaðið Sport.
Passaðu drykkjuna
n Enski landsliðsþjálfarinn Fabio
Capello hefur tekið framherja Liver­
pool, Andy Carroll, á eintal og varað
hann við afleið­
ingum mikillar
áfengisdrykkju
en Carroll hefur
í gegnum tíðina
ekki þótt leiðin­
legt að fá sér að­
eins í aðra tána.
„Andy finnst gott
að fá sér bjór en
hann verður að bæta sig og drekka
minna. Ég er búinn að tala við hann
um þetta,“ sagði Capello fyrir leik
Englands gegn Gana í gærkvöldi þar
sem Carroll var í byrjunarliðinu.
Mega fá Canales
n Real Madrid hefur látið Liverpool
vita að liðið getur fengið spænska
miðjumanninn Sergio Canales í
sumar borgi það
uppsett fé. Liver­
pool reyndi að
fá Spánverjann
unga í janúar en
Real var þá ekki
tilbúið að láta
hann af hendi á
miðju tímabili.
Canales kom til
Real frá Racing Santander en hefur
fengið lítið af tækifærum undir
stjórn Jose Mourinho. Hann kost­
aði Real 4,5 milljónir evra en hvað
Liverpool þarf að greiða er óvíst.
Halda Chicharito
ferskum
n Javier Hernandez, framherji Man­
chester United, hefur verið einn
mest spennandi leikmaðurinn í
Evrópuboltan­
um á tímabilinu.
Sir Alex Ferguson
sagðist í viðtali
við bandaríska
útvarpsstöð vera
mjög ánægður
með framgöngu
hans til þess en
nú sé mikilvægt
að halda honum ferskum. „Javier
spilaði á HM, mætti svo beint í æf­
ingaferð með okkur og hefur spilað
vel síðan. Við verðum að passa upp
á að hann verði með fríska fætur út
tímabilið,“ segir Ferguson.
Engar áhyggjur af
markaleysinu
n Spænski framherjinn Fernando
Torres hefur litlar áhyggjur af marka­
þurrðinni sem hrjáir hann eftir 50
milljón punda
vistaskiptin til
Chelsea. „Ég legg
mig allan fram
fyrir Chelsea og
spænska lands­
liðið eins og ég
hef alltaf gert. Ég
geri ávallt hvað ég
get til að hjálpa
báðum liðum til sigurs. Það er mun
mikilvægara fyrir mig að liðið vinni
en ég skori. Auðvitað væri gaman að
vera búinn að skora tíu mörk fyrir nýja
félagið en ég er að aðlagast og mörkin
munu koma,“ segir Torres.
Molar
Töggur í stráknum Hamilton
er hættur að vera dúllan á
ráslínunni og segir nú það sem
honum finnst. MYND REUTERS
„Þetta er alveg frábær tilfinningin og
þvílíkur léttir að vera búinn að klára
deildina,“ segir hornamaður Akur­
eyrar, Oddur Gretarsson, sem ásamt
liðsfélögunum sínum landaði deild­
armeistaratitlinum á mánudaginn
með sigri á HK í Digranesi. Þetta er
fyrsti titill Akureyrar síðan liðið var
stofnað árið 2006. Mikið hefur geng­
ið á í stuttri sögu Akureyrar en fyrr­
verandi þjálfari liðsins, Rúnar Sig­
tryggsson, tók á sig stórt verkefni að
sameina lið sem hötuðu hvort ann­
að út af lífinu, Þór og KA. Atli Hilm­
arsson sem nú stýrir Akureyri var
síðasti þjálfarinn til að vinna titil
með norðlensku liði er hann hamp­
aði Íslandsmeistaratitlinum með KA
2002 og varð á mánudaginn fyrsti
maðurinn til þess að vinna titil með
Akureyri.
Gekk illa að landa titlinum
Á mánudaginn átti Akureyri þriðja
sénsinn á að vinna deildarmeist­
aratitilinn en það hafði verið liðinu
torsótt að landa þeim fyrsta í sögu
félagsins. Akureyri var mest ellefu
mörkum yfir, 24–13, en vann á end­
anum þriggja marka sigur, 32–29.
„Það kom upp smá kæruleysi hjá
okkur, menn hættu að þora að sækja
á markið og spiluðu enga vörn,“ seg­
ir Oddur Gretarsson. „Við náðum
samt að klára þetta og það er það
sem skiptir máli. Það er alveg frá­
bært að vera búinn að landa fyrsta
titli félagsins. Það sást líka eftir leik
að við vorum búnir bíða eftir þessu
lengi. Við vorum búnir að tala um
að mæta dýrvitlausir í leikinn og
það sást alveg strax í byrjun. Það var
bara komið að þessu hjá okkur,“ seg­
ir Oddur.
Akureyri fékk ekki síður gullið
tækifæri til að landa sínum fyrsta
stóra titli í febrúar þegar liðið mætti
Valsmönnum í úrslitaleik bikar­
keppninnar. Sá leikur tapaðist þó á
dramatískan hátt. „Það var klárlega
eitthvað sem kveikti í okkur. Það var
virkilega svekkjandi að tapa þeim
leik. Því er þetta smá sárabót að
vinna deildarmeistaratitilinn en nú
er bara sá stærsti eftir,“ segir Oddur
og vitnar auðvitað í Íslandsmeist­
aratitilinn.
Erfið fæðing Akureyrar
Oddur var aðeins táningur þeg­
ar hans lið, Þór, og KA, sameinuð­
ust í Akureyri í meistaraflokki og
2. flokki. KA og Þór eru þó ennþá
til í yngri flokkum. Beðinn um að
rifja upp byrjun samstarfsins við­
urkennir Oddur strax að samein­
ingin hafi verið erfið til að byrja
með. „Menn voru ekkert alltof sátt­
ir, sérstaklega ekki stuðningsmenn
félagsins. Þeir voru ekkert alveg
nægilega sáttir við að fara styðja lið
sem þeir höfðu alltaf hatað. Þetta
gekk erfiðlega fyrst en menn þurftu
bara að spila sig saman. Það var
mjög skrýtið að spila harðan gran­
naslag árið á undan og síðan vera í
sama liði og andstæðingarnir árið
eftir,“ segir Oddur en í dag er öldin
önnur.
„Í dag er ekkert KA eða Þór leng­
ur, það er bara Akureyri. Ég er búinn
að gleyma því hverjir eru Þórsarar
og KA­menn í þessu liði. Nú reyna
menn bara að vinna leiki saman.
Bestu félagar mínir í dag eru KA­
menn sem ég hataði kannski áður.
Það er svolítið skrýtið,“ segir Odd­
ur kátur en erfiðast var að fá fólkið
með sér.
„Þegar leikmenn voru búnir að
spila sig saman þurfti að fá stuðn­
ingsmennina með. En það hefur
komið smám saman í gegnum árið.
Síðustu tvö ár hafa verið virkilega
fín og mætingin mjög góð á alla
leiki. Svo hjálpar árangur okkar
auðvitað til. Í dag hefur fólkið tekið
þetta í sátt og búið er að gera tíu ára
samstarfssamning milli liðanna.
Þetta er því komið til að vera,“ segir
Oddur Gretarsson, deildarmeistari
með Akureyri.
Tómas Þór Þórðarson
blaðamaður skrifar tomas@dv.is
ELSKAR MENN
SEM HANN HATAÐI
n Akureyri landaði fyrsta titlinum
í fimm ára sögu félagsins n Oddur
Gretarsson man ekki lengur hverjir
koma hvaðan í liðinu n Stefna
núna á Íslandsmeistaratitilinn
„ Í dag er
ekkert KA
eða Þór lengur,
það er bara
Akureyri.
Titill í húsi Akureyringar
unnu á mánudaginn sinn
fyrsta titil í sögu félags-
ins. MYND SIGTRYGGUR ARI JÓHANNSSON