Dagblaðið Vísir - DV - 30.03.2011, Blaðsíða 26

26 | Fólk 30. mars 2011 Miðvikudagur
Sirkus Íslands efnir til Burlesque-
kvölds í baksal skemmtistaðarins
Bakkusar að viku liðinni, þann 9.
apríl.
Tilefnið er að burlesque-dans-
arinn og vinkona Sirkuss Íslands,
Freya West, er væntanleg til lands-
ins.
Margrét Erla Maack, dagskrár-
gerðarkona í Kastljósi, verður í
framlínunni. Hún hefur verið með-
limur í Sirkusi Íslands í rúm tvö ár
og er mikil áhugakona um burles-
que-dansa.
„Þetta er enginn klámsirkus,“
segir Margrét Erla og skellir upp
úr. „Burlesque-atriði eru fyrir fólk
með opinn huga, þetta er er ögr-
andi, hjákátlegt grín. Kabarett-
stemning og fallegt skraut. Þetta er
sýning fyrir augað,“ bætir Margrét
við og segist oft þurfa að útskýra
fyrir fólki að vissulega stundi hún
ekki nektardans. „Það er himinn og
haf á milli þess sem var einu sinni
nektardans og nektardans í dag.
Við dönsum í anda gamla tímans
og þá er um að ræða stríðnislegt
grín og skemmtun.“
Sirkus Íslands hefur haldið
fjölda sýninga síðastliðið ár við
mikinn fögnuð gesta. Margrét Erla
segir íslenska gesti hálfforviða þeg-
ar þeir sjá að þeir sem standa á
sviðinu og sýna listir sínar séu ís-
lenskir listamenn. „Viðbrögðin
eru ávallt hin sömu: Ertu íslensk?“
Stemning í íslensku menningar-
lífi er þó heldur betur að breytast,
heldur Margrét Erla. „Menningar-
lífið er að lifna við og það er mikil
stemning fyrir meiri breidd í upp-
ákomum og gjörningum. Nú er til
að mynda starfrækt vinsælt leikhús
listamanna í Þjóðleikhúskjallaran-
um og uppistandskvöld eru gríðar-
vinsæl. Þetta er í samræmi við það
sem hefur verið að gerast annars
staðar í heiminum. Fólk vill fara
út til að skemmta sér og hlæja, sjá
eitthvað óvænt og litríkt.“
kristjana@dv.is
Vignir þarf
að setja
setuna niður
„Frábært, þetta þurfti náttúrulega
að gerast hérna í næsta húsi,“ ritar
Berglind Halla Elfudóttir, kærasta Vignis
Svavarssonar landsliðsmanns í hand-
bolta, á Facebook-síðu sína. Hlekkjar
hún við færsluna frétt á visir.is þar sem
sagt er frá kyrkislöngu sem kom upp
í klósettskál í Hannover í Þýskalandi.
Vignir er einmitt leikmaður Hannover-
Burgdorf. Áður en meindýraeyðir náði að
koma og fjarlægja slönguna hafði hún
horfið aftur á braut niður í ræsin og eru
íbúar Hannover því varir um sig þessa
dagana. „Ef þetta kennir mönnum ekki
að setja setuna og lokið niður á eftir sér
veit ég ekki hvað gerir það eiginlega,“
skrifar Berglind kímin.
í sumar
Þórdís Elva Þorvaldsdóttir:
Á skjánum
É
g held að þetta verði bara
mikið ævintýri,“ segir Þór-
dís Elva Þorvaldsdóttir,
leikkona, leikskáld og rit-
höfundur, en hún verður einn af
sumarafleysingarstarfsmönnum
fréttastofu RÚV. Þetta er í fyrsta
skipti sem Þórdís starfar sem frétta-
maður en hún segist allt eins geta
ímyndað sér starfið til framtíðar ef
henni tekst vel upp í sumar. Þór-
dís hefur þegar farið í starfsþjálfun
og bíður spennt eftir því að taka til
starfa.
„Ég hef ekki beinlínis starfað
í fréttamennsku áður. En ég hef
að vísu skrifað fyrir tímarit og svo
skrifaði ég líka bók sem var unnin
í rannsóknarblaðamennskustíl.“
Þórdís á þar við bókina Á manna-
máli en hún var meðal annars til-
nefnd til Íslensku bókmenntaverð-
launanna 2009. „Bókin fjallar um
stöðu ofbeldismála á Íslandi. Aðal-
lega kynferðisofbeldis.“
Þórdís segir starfið mikla til-
breytingu fyrir sig og tekur tæki-
færinu fagnandi. „Það að vinna við
fréttaöflun gefur manni aðgang að
alls konar fólki og stöðum í samfé-
laginu sem kannski er ekki á allra
færi. Það er bara vonandi að mað-
ur geti staðið undir ábyrgðinni
sem fylgir þessu starfi.“ Þórdís úti-
lokar ekki áframhaldandi starf á
fjölmiðlum ef henni gengur vel í
sumar. „Ég ætla bara að taka eitt
í einu og sjá hvernig þetta leggst í
mig. Sjá hvort ég sé yfirhöfuð góð í
þessu starfi. Því að ef ég kemst að
því að þetta sé eitthvað sem mér
ferst ekki vel úr hendi þá ætla ég
ekki að stefna á neinn feril í þessu,“
segir hún og hlær. „En ég er nú svo
sem ekkert hrædd um það og mun
leggja mig alla í þetta.“
Þórdís hefur þegar far-
ið í stutta starfsþjálfun þar
sem hún fékk smá innsýn í
starfið. „Það tóku allir vel
á móti mér og voru til-
búnir til að hjálpa mér.
Kenna mér á allt þannig
að það var bara ánægju-
leg lífsreynsla.“ Þórdís
mun að öllum líkind-
um starfa mest í inn-
lendum fréttum bæði
í útvarpi og sjónvarpi.
Aðspurð hvort lands-
menn muni sjá hana
á sjónvarpsskjánum
í sumar segir hún:
„Já, það stefnir allt
í það. Ég get alveg
slegið því föstu.“
En Þórdís er
einnig að sinna
leikhúsinu og er
um þessar mundir
að þróa hugmynd að
nýju leikriti. „Ég fékk
nýverið styrk til að
þróa leikverk sem ég
hef gengið með í mag-
anum í tvö til þrjú ár.
Það er ekki komið neitt
heiti á það en mig hefur
lengi langað til að skrifa leikrit
um hugtakið „fyrirgefning“. Hvað
fólk kýs að fyrirgefa og hvað ekki,
hverju og hverjum, hvort það kjósi
að fyrirgefa sjálfu sér og þar fram
eftir götunum. Ef ferillinn minn á
fréttastofunni verður stuttur þá er
þetta verkefni sem ég mun senni-
lega sökkva mér í næst en ef fer-
illinn verður langur þá mun ég
nú sennilega finna mér einhvern
tíma til þess að sinna listagyðj-
unni.“
asgeir@dv.is
n Í sumarafleysingum á fréttastofu RÚV
n Spennandi verkefni og mikil ábyrgð n Gæti
hugsað sér að halda áfram ef vel gengur
n Vinnur að leikriti um fyrirgefningu
Þórdís Elva Er ein sumar-
starfsmanna fréttastofu RÚV.
Margrét Erla Maack og Sirkus Íslands skipuleggja Burlesque-kvöld á Bakkusi:
„ÞETTA ER EKKI KLÁMSIRKUS“
Burlesque-dansmeyjar Margrét
Erla fyrir miðju. Mikið er lagt upp úr
búningum og klæðnaðurinn á eflaust
eftir að gleðja gesti leynikvöldsins á
Bakkusi þann 9. apríl næstkomandi.
Á sviði
í Noregi
Leikarinn Ívar Örn Sverrisson var ekki
lengi að koma sér á leiksvið í Noregi
en hann frumsýndi leikritið What a
glorious day með norska leikhópnum
Grusomhetens Teater um helgina.
Ívar Örn hefur verið búsettur í Noregi
síðastliðið hálft ár en þangað flutti hann
með fjölskyldunni sinni. Í samtali við Vísi
segist Ívar kunna vel við sig í Noregi en
hann byrjaði á því að vinna á kaffihúsi til
að ná góðum tökum á norskunni.