Dagblaðið Vísir - DV - 30.03.2011, Side 10

10 | Fréttir 30. mars 2011 Miðvikudagur
Guðbjörg Matthíasdóttir, útgerð-
arkona úr Vestmannaeyjum, fjár-
festingarfélagið Gift, félag í eigu
Birkis Kristinssonar, starfsmanns
Glitnis, og tveir aðrir starfsmenn
Glitnis voru meðal þeirra sem seldu
hlutabréf sín í Glitni á fyrri hluta árs
2008, nokkrum mánuðum fyrir ís-
lenska efnahagshrunið. Þetta kemur
fram í hluthafalista Glitnis frá árun-
um 2006 til 2008 sem DV hefur und-
ir höndum.
Greint hefur verið frá hluthafa-
listanum í tveimur síðustu tölublöð-
um DV. Á mánudaginn var til dæmis
greint frá því að Bjarni Benedikts-
son, núverandi formaður Sjálfstæð-
isflokksins, og faðir hans Benedikt
hefðu samtals selt rúmlega 57 millj-
ón hluti í bankanum í febrúar árið
2008. Áætlað söluverðmæti þessara
hluta var tæpur milljarður króna.
Af hluthafalistanum að dæma
voru hluthafar og lánardrottnar
þeirra byrjaðir að flýja Glitni strax
á fyrstu mánuðum ársins 2008 en
hlutabréfaverð í bankanum hafði þá
lækkað úr um 30 á hlut þegar það
fór hæst sumarið 2007 og niður í
tæplega 17 í febrúarlok 2008. Meðal
þeirra sem flýðu bankann voru er-
lendar fjármálastofnanir eins og
Citibank, sem seldi 300 milljón hluti
í febrúar, og Morgan Stanley, sem
ákvað að hætta að fjármagna hluta-
bréf eins stærsta hluthafa Glitnis,
Þáttar International, í febrúar þetta
sama ár.
Hélt eftir bréfum Kristins ehf.
Guðbjörg, sem var stór hluthafi í
Glitni í gegnum eignarhaldsfélag sitt
Kristin ehf., seldi tæplega 7,4 millj-
ónir hluta í Glitni í maí 2008 sem
skráðir voru á hana persónulega.
Verðmæti þessara hlutabréfa var í
kringum 130 milljónir króna.
Þetta eru ekki háar fjárhæðir
þegar litið er til þess að Kristinn hélt
utan um nærri 254 milljónir hluta.
Líkt og frægt er orðið seldi Guðbjörg
um helming þessara bréfa skömmu
fyrir bankahrunið haustið 2008. Þau
viðskipti byggðu á samningi sem
hún hafði gert þegar hún seldi FL
Group hlutabréf sín í Tryggingamið-
stöðinni árið 2007. Guðbjörg fékk
að hluta til greitt fyrir bréfin í Trygg-
ingamiðstöðinni með hlutabréfum í
FL Group, stærsta hluthafa Glitnis,
og Glitni. Söluréttur var á hluta bréf-
anna sem gerði henni kleift að selja
bréfin í september 2008. Þennan rétt
nýtti hún sér.
Guðbjörg hafði eignast umrædd
hlutabréf í Glitni sem skráð voru
á hana persónulega í janúar 2008,
samkvæmt hluthafalistanum. Þetta
var því eftir að hún seldi FL Gro-
up hlutabréf sín í Tryggingamið-
stöðinni. Guðbjörg seldi því bréfin
sem hún átti persónulega en hélt
eftir bréfunum sem skráð voru á
Kristin ehf. Þetta er svipað og átti
sér stað með Bjarna Benediktsson
og föður hans sem seldu þau bréf
sem þeir áttu persónulega en Bene-
dikt hélt eftir hlut í gegnum Þátt
International.
Gift fjárfestingarfélag, sem meðal
annars var í eigu Finns Ingólfsson-
ar fjárfestis, eignaðist sömuleiðis og
seldi svo aftur 105 milljónir hluta í
Glitni á tímabilinu janúar til mars
2008. Um var að ræða um tveggja
milljarða króna viðskipti miðað við
að gengi hlutabréfa Glitnis fór úr 20
og niður í um það bil 17 á umræddu
þriggja mánaða tímabili.
Birkir seldi – Magnús keypti
Einn starfsmanna einkabankaþjón-
ustu Glitnis, Birkir Kristinsson, seldi
umtalsvert magn hlutabréfa í Glitni
fyrir hrunið 2008. Birkir virðist því
hafa verið búinn að missa trú á
Glitni á þessum tíma. Í janúar 2008
seldi eignarhaldsfélag í hans eigu,
BK-42 ehf., rúmlega 10 milljón hluti
í Glitni. Gengi bréfa í Glitni í lok
janúar var 19,5 þannig að ætla má
að um hafi verið að ræða í kringum
tveggja milljarða króna viðskipti.
Annað félag í eigu Birkis, BK-44 ehf.,
seldi sömuleiðis nærri 151 milljón
hluti í tveimur hlutum í apríl og júlí
2008. DV hefur áður greint frá þess-
ari sölu. Verðmæti þessara hluta-
bréfaviðskipta var rúmlega 2,2 millj-
arðar króna sé miðað við gengi bréfa
í Glitni í lok júlí 2008 þegar Birkir
seldi nærri 121 milljón hluti.
Athygli vekur að bróðir Birkis,
Magnús Kristinsson útgerðarmaður
í Vestmannaeyjum, keypti nærri 107
milljón hluti í Glitni í maí 2008, um
tveimur mánuðum áður en Birkir
seldi þau hlutabréf sem hann átti
eftir í bankanum. Magnús tapaði
megninu, um 80 milljón hlutum,
af þessum bréfum í bankahruninu
haustið 2008.
Fleiri starfsmenn Glitnis áttu í
viðskiptum með hlutabréf í bank-
anum á þessum tíma því í maí 2008
fóru rúmlega 7 milljónir hlutir af
nafni eins framkvæmdastjóra bank-
ans, Vilhelms Más Þorsteinsson-
ar, og nærri 7,3 milljón hlutir fóru
af nafni Jóhannesar Baldurssonar,
annars framkvæmdastjóra hjá bank-
anum. Báðir fengu þeir Vilhelm Már
og Jóhannes nærri 800 milljóna
króna lán til að kaupa rúmlega 46
milljón hluti í bankanum. Því kann
að vera að færslan á hlutabréfun-
um af þeirra nafni hafi verið hluti af
þeim viðskiptum að veita þeim lán
til að kaupa hlutabréf í Glitni í gegn-
um einkahlutafélög. Hugsanlegt er
að hlutabréfin hafi einfaldlega ver-
ið færð af þeim persónulega og inn
í einkahlutafélög.
Guðbjörg seldi bréf
sín í Glitni í maí 2008
n Guðbjörg Matthíasdóttir útgerðarkona seldi bréf í Glitni í maí 2008 n Gift
fjárfestingarfélag seldi fyrir á annan milljarð n Starfsmaður Glitnis seldi öll
hlutabréf sín n Bróðir starfsmannsins keypti aftur á móti fyrir nærri 2 milljarða„Athygli vekur að
bróðir Birkis, Magn­
ús Kristinsson útgerðar­
maður í Vestmanna­
eyjum, keypti nærri 107
milljón hluti í Glitni í maí
2008, um tveimur mán­
uðum áður en Birkir seldi
þau hlutabréf sem hann
átti eftir í bankanum.
Hluthafalisti Glitnis
Ingi Freyr Vilhjálmsson
fréttastjóri skrifar ingi@dv.is
3. hluti
Seldu í Glitni Guðbjörg Matthías-
dóttir, fjárfestingarfélagið Gift sem Finnur
Ingólfsson átti í, og Birkir Kristinsson,
starfsmaður Glitnis, voru meðal þeirra sem
seldu hlutabréf í Glitni á árinu 2008.